இயேசு யார்?

இயேசுவை இந்தப் பூமிக்கு யெகோவா அனுப்பினார். 1 யோவான் 4:9

யெகோவாவுக்குப் பிடித்த மாதிரி நடந்துகொள்ள வேண்டும் என்றால் முக்கியமான இன்னொருவர் சொல்வதையும் நாம் கேட்க வேண்டும். ஆதாமைப் படைப்பதற்கு ரொம்ப காலத்துக்கு முன்பே, யெகோவா அவரை மிகவும் சக்தியுள்ள ஒரு தேவதூதராகப் படைத்தார்.

ரொம்ப காலம் கழித்து, அவரை மரியாள் என்ற கன்னிப்பெண்ணுக்கு மகனாகப் பிறக்க வைத்தார். அவர் பெத்லகேம் என்ற ஊரில் பிறந்தார். அவருக்கு இயேசு என்ற பெயர் வைக்கப்பட்டது. —யோவான் 6:38.

இயேசு இந்தப் பூமியில் இருந்தபோது, கடவுளுடைய குணங்களை அப்படியே வெளிக்காட்டினார். எல்லாரிடமும் அன்பாக நடந்துகொண்டார், நன்றாகப் பழகினார். அதனால், எல்லாரும் தயங்காமல் அவரிடம் வந்தார்கள். எல்லாருக்கும் யெகோவாவைப் பற்றி தைரியமாகச் சொல்லிக் கொடுத்தார்.

இயேசு நல்லது செய்தார், ஆனால் சிலருக்கு அவரைப் பிடிக்கவில்லை. 1 பேதுரு 2:21-24

நோயாளிகளை இயேசு குணமாக்கினார், இறந்துபோன சிலருக்குத் திரும்பவும் உயிர் கொடுத்தார்.

மதத் தலைவர்கள் சொல்லிக்கொடுத்த பொய்யான விஷயங்களையும், அவர்கள் செய்த அநியாயத்தையும் இயேசு வெட்டவெளிச்சமாக்கினார். அதனால், மதத் தலைவர்கள் இயேசுவை வெறுத்தார்கள்.

ரோம அதிகாரிகளிடம் இயேசுவைப் பற்றி இல்லாததையும் பொல்லாததையும் மதத் தலைவர்கள் சொன்னார்கள்; அதை நம்பி அந்த அதிகாரிகள் இயேசுவை அடித்தார்கள், கொலை செய்தார்கள்.