கிறிஸ்துவின் அடிச்சுவடுகளை நெருக்கமாகப் பின்பற்றுங்கள்

இயேசு நமக்கு ஒரு நல்ல முன்மாதிரி! முக்கியமாக, சோதனைகளோ துன்புறுத்தல்களோ வரும்போது நாம் எப்படி நடந்துகொள்ள வேண்டும் என்பதை அவரைப் பார்த்துக் கற்றுக்கொள்ளலாம். (1பே 2:21-23) வேதனையை அனுபவித்தபோதும் அவமானப்படுத்தப்பட்டபோதும் அவர் பழிக்குப் பழி வாங்கவில்லை. (மாற் 15:29-32) சகித்திருக்க எது அவருக்கு உதவியது? யெகோவாவின் விருப்பத்தை மட்டுமே செய்ய வேண்டும் என்பதில் அவர் உறுதியாக இருந்ததுதான்! (யோவா 6:38) அதோடு, ‘தன் முன்னால் வைக்கப்பட்டிருந்த சந்தோஷத்தின்மீது’ தன் கண்களைப் பதிய வைத்தார்.—எபி 12:2.

நம் நம்பிக்கைகளின் காரணமாக யாராவது நம்மை மோசமாக நடத்தினால் என்ன செய்வது? உண்மைக் கிறிஸ்தவர்கள் “தீமைக்குத் தீமை” செய்ய மாட்டார்கள். (ரோ 12:14, 17) கிறிஸ்து கஷ்டங்களைச் சகித்ததுபோல் நாமும் சகித்தால், சந்தோஷமாக இருப்போம்; ஏனென்றால், கடவுளுடைய அங்கீகாரம் நமக்குக் கிடைக்கும்.—மத் 5:10-12; 1பே 4:12-14.

யெகோவாவோட பெயர்தான் ரொம்ப முக்கியம் என்ற வீடியோவைப் பார்த்துவிட்டு, இந்தக் கேள்விகளுக்குப் பதில் சொல்லுங்கள்:

• சகோதரி பொட்ஸிங்கர் தனிச் சிறையில் இருந்தபோது, நேரத்தை எப்படி ஞானமாகப் பயன்படுத்தினார்?

• பல சித்திரவதை முகாம்களில் இருந்தபோது, சகோதரர் மற்றும் சகோதரி பொட்ஸிங்கர் என்னென்ன கஷ்டங்களை அனுபவித்தார்கள்?

• சகித்திருக்க எது அவர்களுக்கு உதவியது?