செப்டம்பர் மாதத்தில் பைபிள் படிப்புகளை ஆரம்பிப்பதற்கு ஒரு விசேஷ ஊழியம்

செப்டம்பர் மாதத்தில் இன்றும் என்றும் சந்தோஷம்! சிற்றேட்டைப் பயன்படுத்தி நிறைய பைபிள் படிப்புகளை ஆரம்பிக்க நாம் மும்முரமாக முயற்சி செய்வோம். அந்த மாதத்தில் துணைப் பயனியர் செய்ய விரும்புகிறவர்கள் 30 மணிநேரமோ 50 மணிநேரமோ ஊழியம் செய்யலாம். இந்த விசேஷ ஊழியத்தை நாம் எப்படிச் செய்யப்போகிறோம்?

• முதல் சந்திப்பில்: நீங்கள் சந்திக்கும் நபரிடம் நட்பாகப் பேச ஆரம்பியுங்கள். அவர்மீது உண்மையிலேயே அக்கறை காட்டுங்கள், உரையாடல் முறையில் பேசுங்கள். (பிலி. 2:4) நிறைய முறை அவரைச் சந்தித்துப் பேசிய பிறகு, கொஞ்சம் கொஞ்சமாக பைபிளில் இருக்கும் விஷயங்களைப் பற்றிப் பேச ஆரம்பியுங்கள். அந்த நபர் உண்மையிலேயே ஆர்வம் காட்டி, தொடர்ந்து உங்களிடம் பேச விரும்பினால் பைபிள் படிப்பு ஏற்பாட்டைப் பற்றிச் சொல்லுங்கள். முன்பு ஆர்வம் காட்டிய நபர்களையும் திரும்பப் போய் பாருங்கள். ஒருவேளை அவர்கள் பைபிள் படிப்பைப் பாதியிலேயே நிறுத்தியிருந்தால்கூட அவர்களைப் போய் பாருங்கள். சிற்றேடும் நாம் படிக்கிற விதமும் புதிதாக இருப்பதால் அவர்களுக்கு அது பிடிக்கலாம். ஆள் இல்லாத வீட்டில் இந்தச் சிற்றேட்டை வைத்துவிட்டு வராதீர்கள். முன்பின் தெரியாதவர்களுக்குக் கடிதம் வழியாகச் சாட்சிகொடுக்கும்போது இந்தச் சிற்றேட்டை அனுப்பாதீர்கள். இந்த மாதத்தில் கூடுதலாக வெளி ஊழியக் கூட்டங்களை நடத்த சபை ஊழியக் குழு ஏற்பாடு செய்யலாம்.

• மற்ற சந்தர்ப்பங்களில்: உங்களுடைய சபையில் வீல் ஸ்டாண்ட் ஊழியம் செய்யும் ஏற்பாடு இருந்தால் நீங்கள் அதில் இன்றும் என்றும் சந்தோஷம்! சிற்றேட்டை வைக்கலாம். ஆர்வம் காட்டும் நபர்களுக்கு சிற்றேட்டைக் கொடுக்கும்போது இலவசமான பைபிள் படிப்பு ஏற்பாட்டை பற்றியும் சொல்லுங்கள். இந்த விசேஷ ஊழியத்தை வியாபார பகுதிகளில் செய்ய தகுதியுள்ள பிரஸ்தாபிகளை ஊழியக் கண்காணி ஏற்பாடு செய்யலாம். உங்களோடு வேலை செய்கிறவர்களும், சந்தர்ப்ப சாட்சியில் நீங்கள் பார்க்கிற நபர்களும் உண்மையிலேயே ஆர்வம் காட்டினால் அவர்களோடு பைபிள் படிப்பை ஆரம்பிக்க நீங்கள் முயற்சி செய்யலாம்.

மற்றவர்களுக்கு ‘கற்றுக்கொடுத்து, சீஷர்களாக்குகிற’ வேலையை இயேசு நமக்குக் கொடுத்திருக்கிறார். (மத் 28:19, 20) இன்றும் என்றும் சந்தோஷம்! சிற்றேட்டைப் பயன்படுத்தி இந்த வேலையை நல்ல விதத்தில் செய்ய இந்த விசேஷ ஊழியம் நமக்கு நிச்சயம் உதவி செய்யும்.