ஆனால், பெற்றோர் தங்கள் வசம் வைத்திருக்கும் “சிட்சையின் பிரம்பு” என்னும் அதிகாரத்தை பயன்படுத்தும்போது, ஒருநாளும் தவறாக பயன்படுத்தக் கூடாது.b (நீதிமொழிகள் 22:15, NW; 29:15) பெற்றோரை பைபிள் இவ்வாறு எச்சரிக்கிறது: “உங்கள் பிள்ளைகளை அளவுக்கு மிஞ்சி கண்டிக்காதீர்கள், அல்லது அவர்கள் மனதை நீங்கள் தளர்ந்துபோக செய்வீர்கள்.” (கொலோசெயர் 3:21, பிலிப்ஸ்) சரீரப்பிரகாரமான தண்டனை அளிப்பது எப்போதும் பயன்தரும் ஒரு போதனா முறை அல்ல என்பதையும் பைபிள் ஒத்துக்கொள்கிறது. நீதிமொழிகள் 17:10 சொல்கிறது: “மூடனை நூறடி அடிப்பதைப்பார்க்கிலும், புத்திமானை வாயினால் கண்டிப்பதே அதிகமாய் உறைக்கும்.” இதைத்தவிர வரும்முன் தடுக்கும் சிட்சையை பைபிள் பரிந்துரைசெய்கிறது. பிள்ளைகளின் மனங்களில் ஒழுக்க மதிப்பீடுகளை ஊன்றவைப்பதற்கு, தற்செயலாக கிடைக்கும் சந்தர்ப்பங்களை நன்கு பயன்படுத்தும்படி உபாகமம் 11:19-ல் பெற்றோர்களுக்கு ஊக்கம் தரப்படுகிறது.—உபாகமம் 6:6, 7-ஐயும் காண்க.