LISOMO LYA 10
Kulonghaana Pamo ni Bakasininkizia Bakue Yehova Kunti Kwakukwasia Siani?
Eba, waakupiluepo kale eevi uye ulonghaane pamo ni Bakasininkizia Bakue Yehova? Kine teunalonghaanepo naabo, kunti waunvua ni ka muenzo ka kuya kulonghaana pamo naabo lya kuanza. Paange kunti waiipuzia eevi: ‘Ni kiki kili kyakitika ku kulonghaana kooko? Juu ya ki kulonghaana ni kwa mana? Juu ya ki mpalile kuya kulonghaanako?’ Mu leeli lisomo, uli kumona kulonghaana pamo ni bange vikuli kukukwasia umupalame Leeza kabili vikuli kukukwasia pa loobe bunke.
1. Juu ya ki Bakasininkizia Bakue Yehova bali balonghaana pamo?
Mona kaleemba umo wa Bibilia vyalanda nsaambu ikata ili yalengia kulonghaana pamo ni bange: “Nakaba kumulumbania Yehova, mu libumba likata.” (Malumbo 26:12) Enka evio, ni leenu Bakasininkizia Bakue Yehova bali baaluka ni nsaansa ikata saana lubali balonghaana lwa pamo. Kila mulungu, bali basaakaana eevi bamupupe Leeza ni kumulumbania kupitila nghimbo ni lipepo. Kabili, kila muaka bali bakolonghana mu bikundi bikata eevi bamupupe Leeza.
2. Wakaba kusambilila ki ku kulonghaana kwetu?
Ku kulonghaana, tuli twasambilila Mulandu Wakue Leeza, “Kuulondolola mu nzila yunvuikile buino ni kuleeta mana yakue.” (Some Nehemia 8:8.) Kine weewe waiza ku kulonghaana, wakaba kusambilila palwakue Yehova ni mibeele yakue ya kusaansamusia. Luwakaba kuya wakila kumana bintu bingi bilangiliile nangue akutonene, wakaba kukila kumupalama. Kabili wakaba kumana Yehova vyakaba kukukwasia ukabe kwaluka ni buikazi bwaweeme.—Isaya 48:17, 18.
3. Bantu bauli kulanda naabo ku kulonghaana kwetu kunti bakukwasia siani?
Yehova ali watulanda “tukilesie kukinkiziania ni kutonana pamo ni kubomba miilo iweeme. Tekuti tulekele kulonghaana.” (Baebrania 10:24, 25) Ku kulonghaana kwetu, wakaba kusaangako bantu bali baemenena kakiine. Kabili baabo bantu, nga weewe, ni beene batonene kusambilila bingi palwakue Leeza. Wakaba kunvua bali mukubuilana bintu bya kukoseleziana bili mu Bibilia. (Some Baroma 1:11, 12.) Wakaba kumanako ni bantu bange bali mukuviinda kusipikizia maavia abo. Ezio ni nsaambu sie iniini ili yalengia Yehova atone tuye twakolonghana pamo lyonse!
TUKEBE SAANA
Tumone keelia kili kyakitika ku kulonghaana kwa Bakasininkizia Bakue Yehova kabili juu ya ki kiweeme tukite maka eevi tusaangueko ku kulonghaana kooko.
4. Kulonghaana kwa Bakasininkizia Bakue Yehova
Mu miaka mia (100) ya ku ntendeko, Bakristu baali ni mute wa kukolonghana lwa pamo eevi bamupupe Yehova. (Baroma 16:3-5) Some Bakolosai 3:16, (NWT), kisia, londoluele keeki kiipuzio:
Bakristu ba ku ntendeko, baali bakita ki eevi bamupupe Yehova?
Ni leenu, Bakasininkizia ni beene bali ni mute wa kukolonghana mu Masesi a Bukolo. Eevi kumona vibali balonghaana, mone VIIDEO. Kisia, mone foto ilangiliile bantu bali mu kulonghaana, kabili londoluele beebi biipuzio.
Pa beebi bintu bili mukukitika mu Nsesi ya Bukolo, ni biki biwamona byapaleene ni beelia biwasomanga mu Bakolosai 3:16?
Mu eezi viideo ao pa eezi foto, wamonapo ni kintu kinge kiwatona saana palua kulonghaana?
Some 2 Bakorinto 9:7, kisia londoluele keeki kiipuzio:
Juu ya ki Bakasininkizia Bakue Yehova tebeezi kuloomba nfalanga ku kulonghaana kwabo?
Weewe pamo ni olia u muli mwasambilila nakue, mone lwa pamo bintu byakaba kusambililua ku kulonghaana kukoonkelepo.
Weewe pa loobe, ni seemu ki iwatona saana ao iwamona nangue kunti ya kukwasia?
Eba, wakiba wamanine?
Mu jw.org, uli kupatamo fuasi ni nsa ili yalonghaaninuapo mwaya kyalo.
Kulonghaana kwetu kubiikile mukati maasi, ma viideo, kubeeleziiwa vya kusimikila ni kusambilizia. Kulonghaana kuli kwatendeka ni kupeleezia na lwimbo ni lipepo
Musita wa kulonghaana, mu bipindi binge bakatuilizia bali bakupua eevi baasukepo
Kila muntu akupilue—lupua, olia asili na mukazi ao mulume, mukote, ni baanike
Kulonghaana kwetu tetwizi kulipisia. Bakasininkizia Bakue Yehova tebeezi kupisiamo kantu ka kubiikamo nfalanga
5. Iloombele kukita maka eevi usaangueko ku kulonghaana
Mona mufuano wa lupua lwakue Yesu. Pa kufuma ku Nazareti baya ku Yerusalemu, baali bakita nsiku itatu eevi mu nzila, juu ya kunti basaangueko ku kulonghaana kwa kila muaka. Mu loolo lwendo lwabo, baali bapita ni mu tuzonga twa mpili. Some Luka 2:39-42, kisia londoluele beebi biipuzio:
Eba, watontonkania nangue yaali yaloombele kukita maka mu loolu lwendo lwa kuya ku Yerusalemu?
Ni bintu ki bili kukulengia te kuti uye ku kulonghaana, kabili kunti wakita ki eevi te kuti bikwanzie kuyako?
Wamona nangue kilisie buino kuya ku kulonghaana anzia kine kikolele? Juu ya ki?
Bibilia ili yalanda nangue ni kintu kya mana saana kukolonghana pamo eevi kumupupa Yehova. Some Baebrania 10:24, 25, kisia londoluele keeki kiipuzio:
Juu ya ki tupalile kuya ku kulonghaana lyonse?
BANGE BALI BALANDA: “Te kintu kya mana kukolonghana pamo ni bange juu ya kumupupa Leeza. Kikata, weewe ni kuya wasomasie Bibilia wali ku nsesi, baasi.”
Ni Lileembo ki ao mufuano ki uli mu Bibilia ulangiliile keelia kitonene Yehova?
MU KIFUPI
Kuya ku kulonghaana kwakaba kukukwasia ukabe kumana bingi palwakue Yehova, kwakaba kukosia bukibuza bobe pamo nakue, ni kumupupa pamo ni bange.
Kunti waasuka siani?
Juu ya ki Yehova ali watukinkizia tuye twakolonghana pamo?
Wakaba kusambilila ki ku kulonghaana kwa Bakasininkizia Bakue Yehova?
Watontonkania nangue kulonghaana kunti kwa kukwasia mu nzila ki inge?
MANAKO NI BINGE
Kunti wakita siani kine unvuile muenzo wa kuya ku kulonghaana? Mwalalume umo waali waiunvua enka evio. Mona kyaakitile eevi atendeke kuya ku kulonghaana.
Mona mulumendo umo vyaasekeleele kulonghaana kabili keelia kyaakitile eevi atwalilile kuyako.
Mona bantu bange vibali baiunvua palua kuya ku kulonghaana.
“Juu ya ki Kiweeme Uyeko ku Kulonghaana ku Nsesi ya Bukolo?” (Lyasi lili mu Kitente kya Enternete)
Mona mwalalume umo waali ngipani vyaaluluile buikazi bwakue kisia kusaangua ku kulonghaana kwa Bakasininkizia Bakue Yehova.
“Konse ku Naali Naya, Nsyaali Nasia Bunduki Bwane” (Lupungu Lwakue Kamwenenena, lwa 01/07/2014)