Echi Pascua omowalíwachi ko tasi japi riká Conmemoración niili, nalí atí machiboa piri nokala omawa echalí sébachi. Echi apóstol Pablo ko jéaneli echi Jesús japi taa méchili karé, jeaníami osali: “Jesucristo mapurigá echi boʼwá niráa ju mapu tamujé Juríosi pagótami miʼyagá koʼwá.” (1Co 5:7). Echi méchili lalá jitra ke suwili echi Israelitas jiti ripá yéwichi ucheli echi lalá echi riká nokali jiti la ke si suwila ko; Jesús ayénachó mukuli tamujé jiti, we natéami ju echi lalá echi riká isili jiti ke wesi suwimea (Éx 12:12, 13). Pascua kaachi echi pagótami ko omorúami aweli echi méchili ke apónika hueso. Jesús tasi cho aponárami nili hueso; echi romanos ko sinibí hueso apónika miʼami nili echi pagótami (Éx 12:46; Jn 19:31-33, 36).