¿Chúriká nocha echi Japi Aʼlá Niseri?

Chabéi, bachá siglo, pe okuáabi pagótami a napawili, echi ko nili echi jularami alí “oʼwéala ochérami yuwa [...] echoʼná Jerusalémachi piréami”, echi ko japi riká isélikami nili, kiti echi ko raʼíchali piri nokimea alí niʼoli echi chapirúami kitra. (Hechos 15:2). Ma sinéami aʼlá katúwisa, bineli echi Biblia alí Onorúami jiwérala tánili kiti machimea piri nokimea (Hechos 15:25). Jipi, ayénachó a nirú rejimá japi echi riká cho noká, ata ané Japi Aʼlá Niseri.

Jawárami ju Onorúami kitra kiti nijéwima. Echi rejimá Japi Aʼlá Niseri, chapirúami ju kiti we nakí echi Onorúami Raʼicháala alí we aʼlá machí japi chúriká nóchilima Onorúami. Tarali niraa napawika noká kiti raʼichama piri newalea echi rejimá omáana piréami. Echi riká japi riká nokali chabéi, jipi echi Japi Aʼlá Niseri ayénachó iyá echi rejimá echi nulalíwami echoná Bíbliachi jona machí awátami ju, echi oserúami iʼaliwa echi oʼwéala ochérami japi si echoná napawíliwachi alí ayénachó si echi oserúami echoná japoná napawí echi testigo Jeobá. Echi riká echi Onorúami puéblowala, sinéami chopi riká biné alí né echi riká noká (Hechos 16:4, 5). Ayénachó osá oselíchi alí jarecho si namuti, kiti ta we aʼlá binéritami nipa Onorúami kitra, ata jiwérili iʼaliwa kiti ta nawisaba echi raʼíchali kalabé alí jawáliwa echi rejimá kiti nochama echoná napawíliwachi.

Nijéwika noká japi ané echi Onorúami jiwérala. Echi Japi Aʼlá Niseri ko bachá leeri echi Biblia kiti nokimea japi nulá echi Walubéala Jeobá alí japi aní echi japi Nuláami ju echoná napawíliwachi, echi ko Jesús ju (1 Corintios 11:3; Efesios 5:23). Echi Japi Aʼlá Niseri ko tasi oʼwéala ka nili. Japi riká echi rejimá chapirúami ju “najata echi Méchuli [Jesús], chuwé biléanomí mapoʼná Binói iyena” (Apocalipsis 14:4). Echi Japi Aʼlá Niseri matétara nijí kiti ta amachiki echi kitra.

• Echi bachá siglo, ¿jépuká nili echi japi aʼlá niseri?

• ¿Piri noká echi Japi Aʼlá Niseri kiti machimea japi nakí Onorúami japi nokimea?