Iʼwérika isí jiti mi simea escuela japi binériwa Jeobá jitra

CHUSIA WE NATÉAMI JU. Jeobá ko we aʼlá binériami ju. Ke wesi nirú japi riká Jeobá bineri. Tamujé bineri jipi chúriká ti kanilia pirélipo alí pe aminánami, Jeobá ko ke nipaká bineri (Isa 11:6-9; 30:20, 21; Ap 22:17). Jiti la a nirúa ko escuela japi ta binériwa. Jeobá ko bachá bineri echi hermanos, jiti binesa simama binérisia echi pagótami, jiti cho pirélima (2Co 3:5).

CHÚRIKÁ NOKIBOA

• Né iʼwérili isí ke niráami niya alí anachá japalí jarecho mi cha anesa (Sl 25:8, 9).

• Nijiyá japalí mi nulésiwa japi mi nijima nawésali, echoná napawíliwachi Nokiboa japi riká isili Cristo.

• Natá piri mi che isima, jiti mi minabi nóchilima Jeobá (Flp 3:13).

• Iʼwérili isí jiti mi simea echi escuela (Flp 3:8).

MA INESA ECHI VIDEO AMINABI MULIWI JEOBÁ BINEKA, ANÍ JAPI MÍ NÁRIPORÉ JENAʼÍ:

• ¿Chu nila ru jaré publicadores kecho simiba Escuela japi biné echi japi Nawesa Raʼíchali Kalabé?

• ¿Piri binewa echoná Escuela japi biné echi japi Nawesa Raʼíchali Kalabé?

• ¿Piri nokali jaré hermanos japalí ma machinali escuela jonsa echi hermana?

• ¿Piri isima bachá japi simínali Escuela japi biné echi japi Nawesa Raʼíchali Kalabé? (kr-S 189).

• ¿Chu yiri escuela japi nirú jenaʼí mi simínali jiti mi iʼwérika isima simiyá?