¿Ami kanílisa nili simiyá Escuela japi biné echi Nawésami Raʼíchali Kalabé?

Ami bamíbami nísaré 23 a 65 bi jonsa, ami nocha tiempo completo, ami ke nayúami ju, ami siminali nawisasia japomí newalewa nakúurami, ¿chúsiá mi ke julá solicitud jiti mi bayepo japi simea Escuela japi biné echi Nawésami Raʼíchali Kalabé? Japalí jonsa chotásili, wiká ju japi simánali na escuela japi riká: echi niwíkami, hermanas alí hermanos japi kecho niwí. Nalí newaléliwa hermanos ke upéami. Jeobá tani japi mi iʼwírima jiti mi minabi che nóchilima japi riká Jesús (Sl 40:8; Mt 20:28; Heb 10:7). Natá chu mi isima jiti mi ke me olama nóchili o japi ke olánili wiká namuti jiti mi omérima simiyá na escuela.

¿Piri nóchili iyáari echi hermanos japi ma machínali echi escuela jona? Jaré ko juláari jaréanacho mi japomí sinúrika raʼichawa, jaré ko julawa japi nawisama ciudad japoná wiká rijowi anéliwa áreas metropolitanas. Jaré graduados ko isini kaachi ju japi riká superintendentes de circuito sustitutos, superintendentes de circuito ma o misioneros ma japi simama nawisasia. Ami nátaka japi mi a che minabi nóchima Jeobá, jiti mi aní japi riká echi profeta Isaías: “¡Jenaʼí ni wilí! ¡Tamí julá!” (Is 6:8).

MA INESA ECHI VIDEO MISIONEROS JAPI JULÁRAMI JU NAWISÁNILIA: WE NÓCHAMI JU BINERIA, ANISÍ JAPI TI MI NÁRIPORÉ JENAʼÍ:

• 

  ¿Chúriká amiwa echi misioneros japi nawesa?

• 

  ¿Piri we aʼlá nochi echi misioneros japalí nawesa?

• 

  ¿Piri namuti we aʼlá naré echi misioneros?