Piri mi iʼwírima buwemia aʼláala namuti bamíali 2024 | ¿Piri aní echi Biblia?

Bamíali 2024 ikimea wiká namuti chati, alí wiká pagótami nata japi sinibí echi riká nima. Nalí, ata buwésaré japi ma mulipi ikimea namuti aʼláala. ¿Chúsiá ta echi riká aní?

Echi Biblia aní japi ikimea namuti aʼláala

Echi Biblia ko tamó ané japi Onorúami suwábima echi namuti chati japi isimí japi ta ke bilé namuti buwea pirélipo alí ruyé japi riká pirélima sinéami echi pagótami. Echi Biblia aní: “Nibilé auché nalákama, nibilé auché risúu animea, nibilé auché okoma” (Apocalipsis 21:4).

• Ami che machináliaká echi namuti aʼláala japi aní echi Biblia, leeri echi artículo “La esperanza real de un mañana mejor”.

Chúriká mi iʼwírima japi aní echi Biblia jipi

Japi aní echi Biblia mi iʼwírima jiti mi ke cha nílima, nalí jiti mi we kanílima (Romanos 15:13). Ayénachó echi Biblia olá we aʼlá busuréliami japi mi iʼwírima echi karú ikiwáami jitra japi mi olá jipi, japi riká ke mi olásaká winomí, risoa mi olárami nísaká o echi nawilí jitra.

• Iné chúriká japi aní echi Biblia iʼwírili bilé rijoi jiti kaníliami nima alí kilí bitélima, tákoré echi téemala we risóati nili. Iné echi video Juan Pablo Zermeño: Jehová le dio propósito a mi vida.

• Iné chúriká echi Biblia mi iʼwírima anachia japalí mukusá bilé japi mi we galé, ayénachó japalí mi iyiri ka nílisa o we mi omona nílisa. Leeri echi artículo “¿Puedo encontrar consuelo en la Biblia?”.

• Iné chúriká echi Biblia iʼwírili bilé mukí japi sontarsi nili jiti we aʼlá bitélima, tákoré we chati nili alí ke natéami niraa ineli jarecho. Iné echi video “Cambié las armas por la Biblia”.

¿Ami kanílisa nili we kanílika bitelia mujé alí mujé téemala bamíali 2024? Echi Biblia mi iʼwírima jiti mi kanílika bitélima. Biné japi aní echi Biblia ke natétika, alí mi machimea chúriká Onorúami mi iʼwírima jiti mi kilí nílima alí jiti mi buwea bitélima namuti aʼláala (Jeremías 29:11).