¿Chu iyiri namuti nalí we natéami niraa ni iné?

Jacob ko nakoli bilé ángel yúa jiti echi ko narénali echi kalabé namuti japi Jeobá nijí (Gé 32:24-31; Os 12:3, 4). Tamujé ayénachó iʼwérika nokisare jiti nijéwipa alí narepa echi kalabé namuti japi Jeobá nijí. Japalí echi patrón mi anesa japi mi we nochama alí ma ke mi ikírisa simiyá reuniones, ¿piri mi isímalé? Né galabé ologá pirélipo japi riká Jeobá nakí, jiti echi ko nijima wiká namuti kalabé jiti ta kanílika pirélipo (Mal 3:10). Echi ko tamó binérima, tibuma alí isima japi ta olabo echi namuti japi ta newalé (Mt 6:33; Heb 13:5).

INEPO ECHI VIDEO KE WIKAWASI CHU IYIRI NÓCHALI WE NATÉAMI JU, ANISÍ JAPI TIMÍ NÁRIPORÉ JENAʼÍ:

• 

  ¿Piri ikili bilé hermana?

• 

  ¿Chúsiá echi nóchali kilipi niraa isima japi ma ke kanílika nijéwipo Jeobá?

• 

  Tákoré Timoteo ma nijéwami nili, ¿chúsiá aminabi iʼwérili isísaré Jeobá nóchali olayá? (1Ti 4:16).

• 

  ¿Chúriká ta nokiboa ata we natéami niraa ko echi nóchali japi Jeobá nulá?