Sinibí binéripo echi pagótami: Teléfono raʼíchika bineri echi pagótami

CHÚSIÁ WE NATÉAMI JU. Teléfono raʼíchika we aʼlá ju jiti ta “nawesáma echi Galabé Riosi Raʼíchala” (Hch 20:24).a Jiti ta echonachi raʼíchipo echi pagótami o japalí ta ke omérisa simiba echi pirélachi.

CHÚRIKÁ MI ISIMA

• 

  Aʼlá biné. We aʼlá ruyé piri tema machinalia echi pagótami. Osá echoná bosquéjochi japi mi aninali. Aʼlá biné japi mi animea alí ruyé teeli síami raʼicha echi yúa a nísaká contestador automático. Aʼlá nímalé ami ripá mésachi mi muchuwasa echi bosquejo alí japi mi newalema, japi riká bilé teléfono japi olá JW Library^® o jw.org^®.

• 

  Kiti sawilí majaa. Raʼichá japi riká mi raʼicha. Ami achíamti raʼichásaré japi riká ko mi mulipi yúa raʼicha. Sapú raʼicha japi mi raʼichánali. Aʼlá nima japi ti mi okuaka nawisabo. Mi nárisaká bilé pregunta, osá aní japi mi náriliru jiti mi ipuma japi mi yúa atí jiti echi mi iʼwírima aa echi respuesta.

• 

  Checho ku bineri. Echi pagótami checho binénalaká, nari bilé namuti we natéami jiti mi checho ku raʼichama teléfonochi. Ané japi mi bilé oselí júulima corréochi, japi Internet uchuwi o japi mi simea iyamia. Ayénachó júuli video o artículo alí mensaje ma júuli o correo electrónico. A omériaká, inénala nulé japi nirú echoná sitio de Internet.