Namuti japi mi iʼwírima sinibí rawé leeria echi Biblia

Jiti mi olá wiká namuti japi mi isima, ¿achi mi echi jitra ke ikiria nili leeria echi Biblia sinibí rawé? (Jos. 1:8). Echi riká nísaká, isí jepuná namuti:

• Uchá echoná celular jiti mi newalárima. Uchá bilé alarma echoná celular japi mi newalárima japi ma séali japalí mi leérisaré echi Biblia.

• Riwé echi Biblia japoná mi a iné. Ami leériaká echi Biblia oselí niraa, achá japoná mi sinibí inema (Deut. 11:18).

• Kipú echi Biblia audio niraa. Ami omeri uchayá echi audio japalí mi isimí echi nóchali echoná bitichí. Tara, japi kúchuwami ju, precursora alí japi nocha rokojó, jéaní: “Kipúa echi Biblia audio niraa japalí ni isimí echi nóchali echoná bitichí, tamí iʼwiri jiti ni sinibí rawé leérima echi Biblia”.

• Iʼwérili isí suwaba rawé leeria. A ikisáaká bilé namuti japi mi ke buweli alí mi ke omériaká leeria echi Biblia japalí mi nátili, leeri kuabi versículos kecho bijí kochiyá. Wabé aʼlá ju japi mi kuabi leérima alí ke ko japi mi ke bilé leérima. Echi riká mi isísaká, ami inema japi we aʼlá mi iʼwiri (1 Ped. 2:2).