Natchigagü i Ngutaqueꞌearü Nguꞌarü Popera Maü̃ rü Puracücaꞌ
1-7 TCHETẼBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 29
Rü nüü̃ narüo i tchieü̃ i nacümagü
wp16.06 7wa, quadru
Muü̃ma i duü̃ü̃gü rü nüü̃ namuü̃ẽ i naãẽgü tchieü̃ rü togü i duü̃ü̃gü nagu nayaõgü. Na nügü ínapoü̃güü̃caꞌ rü niãpüꞌmeꞌẽgü rü niatchagügü rü toomatchigü i ngẽmaãgü nügü naǘgü. Notürü cuma rü tama nawaꞌe cuü i ngẽma. Rü Yeuwa ya Aicuma ya Tupana rü Chatanáarü yeera naporaü̃tchi niĩ. Tchi Yeuwagu cuyaõgu rü cuü̃ ínapoü̃. Rü Tupanaarü Ore tüü̃ nataãẽẽẽ rü nhanagürü: “Erü nüma ya Cori ya Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe.” (2 Crônicas 16:9)
Rü nüü̃ nacuaꞌ i taꞌacü niĩ i Yeuwaarü ngutchaü̃ rü naga naĩnüẽ rü tüü̃ ínapoü̃. Rü cuaꞌãtchiruü̃, rü Ngetchutchuarü ngúeü̃güarü nguneü̃gu rü Epéchiucü̃ãꞌgü ya yaõgüü̃, “rü yéma nanana ga norü yuüpane ga nawa nangúexü̃, rü guxãpe̱xewa ínanagu. (Puracugü 19:19, 20) Na Tupana tüü̃ ínapoü̃ü̃caꞌ rü nanawaꞌe na inawogüü̃ i ngeü̃rüüü̃mare i ngẽmaü̃gü i ngoꞌogüarü iĩü̃. Ngẽma rü natanüwa nangẽma i natchagügü rü napüꞌmeꞌẽgü rü popera i yuuü̃tchiga rü tupananetagütchicünaꞌãgü i tüü̃ ípoü̃netaü̃.
w19.04 17wa 13tchimaü̃
13 Ngẽguma cuma rü tama mea nüü̃ cucuaꞌgu tchi wüi nacüma namegu urü tchieü̃ i Yeuwacaꞌ rü name niĩ Yeuwacaꞌ ícuca na cuna naãü̃caꞌ i norü cuaꞌ. (Nawa naugütae i Tiagu 1:5.) Ngẽmawena cungugü i torü poperagüwa i ngẽmatchiga. Tchi cunawaꞌegu rü anciãogümaã nüü̃ quiuü̃. Nümagü tama nüü̃ niu i taꞌacü cuü, notürü cuna nüü̃ nacuaꞌãtchiẽẽ i Tupanaarü Orearü ucuꞌẽgü. Ngẽguma naga cuĩnügu i ngẽma ucuꞌẽgü rü ‘mea cunangugüü̃ na taꞌacü yiĩü̃ i nguꞌẽẽtae i meü̃ rüeꞌna tchieü̃, rü aicüma nüü̃ cucuaꞌ i Tupanaarü Ore’.—Ebr 5:14.
w18.11 11wa 12tchimaü̃
12 Nacümagü i tchieü̃gü. Bemana tatanüü̃gü rü tamücügü i puracüwa rü tamücügü i ngúepataü̃wa rü tüü̃ nanatchiewegü na nawa naũ i petagüwa na Tupanapeꞌewa natchieü̃. Taꞌacü tüü̃ narüngü̃ẽẽ na tama nagu tanguü̃? Tanawaꞌegü nüna tacuaꞌãtchie na Yeuwa tama nüü̃ name i ngẽma petagü. Rü nacaꞌ tangúe i torü poperagüwa rü ngetá nawa ne naũ i ngẽma petagü. Rü ngẽguma nüna tacuaꞌãtchiegu rü tüꞌcüü̃ na Yeuwa tama nüü̃ name na nawa naũ i petagü, rü tüü̃ nanangútchaü̃ẽẽ i tanaügüü̃ i taꞌacü nüü̃ niu i nhaa ore: ‘Rü yigü tangugü rü nacaꞌ tadaugü i ngẽma tórü Cori namaã taãẽü̃.’ (Epé 5:10) Yeuwagu rü nore Oregu tayaõgü rü tüü̃ ínapoü̃ na tama ‘duü̃ü̃güü̃ tamueü̃.’—Pro 29:25
Nguꞌẽẽtaegü uirurüü̃ iĩü̃
it-2 238
Rü cuaꞌüü̃neta niĩ ngẽguma wüi duü̃ü̃ yeeraãcü togüü̃ nicuaꞌüü̃netagu na duẽẽü̃ nameü̃caꞌ. Ngẽma rü ãũcümaü̃ niĩ erü duü̃ẽ nagu tarüĩnü rü tüü̃ natatchigaãẽ, notürü tama aicuma niĩ. Rü ngugüãcü taꞌacü naüü̃caꞌmare rü ngẽmaãcü nanayautchaü̃ i wüi ngẽmaü̃ urü ãmare rü ngẽmaãcü tügü taporaẽ nüü̃ narüngü̃ẽẽü̃caꞌ, rü ngẽmaãcü ‘tümamücüü̃ titoyepeꞌe.’ (Pro 29:5) Rü cuaꞌüü̃netagü tama Yeuwawa ne naũ, rü nhaa naanearü duü̃ü̃güarü nacüma niĩ, rü dorataꞌã rü nügüguricatama rüĩnüü̃. (Tia 3:17) Rü guü̃ma i ngẽma rü tama Yeuwaü̃ nataãẽ.—2Cor 1:12; Gár 1:10; Epé 4:25; Co 3:9; Apo 21:8.
8-14 TCHETẼBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 30
“Rü tama chanaxwa̱xe nax choxü̃ cumuarü dĩẽruã̱xẽẽxü̃ rüe̱xna changearü dĩẽruã́xü̃.”
w18.01 24-25wa 10-12tchimaü̃gü
10 Rü guẽma i yiemagü rü tanawaꞌegü i dĩẽruãꞌ. Rü dĩẽru tüü̃ ínapoü̃. (Ecl 7:12) Eꞌna wüi duü̃ü̃ aicuma nataãẽ íramare i diẽrümaã? Ngẽmáacü! (Nawa naugütae i Eclesiastes 5:12.) Agúru rü Yeuwaarü duü̃ü̃ nanaümatüü̃ rü nhanagürü: “Rü tama chanaxwa̱xe nax choxü̃ cumuarü dĩẽruã̱xẽẽxü̃ rüe̱xna changearü dĩẽruã́xü̃. ¡Rü ẽcü choxna naxã i ngẽma nagu mexü̃ nax choxü̃́ nangẽxmaxü̃ca̱x i wüxichigü i ngunexü̃arü õna!” Rü Agúru tama nanawaꞌeü̃ nangearü dĩẽruã́ꞌü̃ yerü tama nanawaꞌeü̃ nangĩꞌ, erü nüü̃ nacuaꞌtchire na Yeuwa natchi naai i ngĩꞌgüü̃. Notürü tüꞌcüü̃ nüü̃ niu na tama nanawaꞌeü̃ namuarü dĩẽruãꞌ? Rü nhanagürü: “Erü ngẽxguma chi chamuarü dĩẽruã̱xgu rü íyaxüxgu, rü ngürüãchi ngẽmagagu cuxü̃ icharüngüma.” (Prov 30:8, 9) Nangetchaü̃ niĩ na nümaü̃gü i duü̃ü̃gü rü poraãcü nagu nayaõgü i ngẽma dĩẽru rü Yeuwana narüngü̃mae.
11 Teé dĩẽruü̃ ngetchaü̃ rü tama nanaü i Yeuwaarü ngútchaü̃. Rü Ngetchutchu nhanagürü: “Taxucürüwa wüxíe rü tataxrearü coriã̱x. Erü wüxi i tümaarü cori rü tá nüxü̃ tangechaü̃ rü ngẽma to rü tá naxchi taxai. Rü naga tá taxĩnü i ngẽma wüxi rü ngẽma to rü taũtáma naga taxĩnü. Rü taxucürüwa Tupanaaxü̃́ cupuracü ega yexera curü dĩẽruguama curüxĩnügu.” Rü Ngetchutchu nüü̃ naucuꞌẽ rü nhanagürü: “Rü tama name i pegüca̱x penanutaque̱xe i muxü̃ma i perü ngẽmaxü̃gü i ñoma i naanewa. Erü ñoma i naanewa rü naxãü̃tanü, rü naweane paxãma nanachixexẽxẽ, rü ngẽmagagu inayarüxo i perü ngẽmaxü̃gü, rü ngĩ́ta̱xagüxü̃ rü naxca̱x nangĩ̱xgü. Rü narümemae nixĩ i penamuxẽxẽ i perü ngẽmaxü̃gü i daxũguxü̃ i naanewa i ngextá naweane tama ínachixexẽẽxü̃wa rü tama naxãü̃tanüwa rü ngĩ́ta̱xagüxü̃ tama íchocuxü̃wa nax naxca̱x nangĩ̱xgüxü̃ca̱x.”—Mat 6:19, 20, 24.
12 Muü̃ma i duü̃ü̃gü nüü̃ nicuátchitanü na yeeraãcü nataãẽgü ngẽguma iramareü̃maã namaeü̃gu. Rü ngẽmaétüwa iramareü̃maã namaeü̃ tüna naã i yeera i nguneü̃ na mea Yeuwacaꞌ tapuracüeü̃.
w87 15/5 30wa 8tchimaü̃
◆ 30:15, 16—Taꞌacü tüü̃ nangúeẽẽ i ngẽma cuaꞌruü̃gü?
Rü õmatchii yeeraãcü nanawaꞌe i nagü. Rü ngẽgumarüü̃ yeerawa ya duẽẽ na guü̃guma nüü̃ nangútchaü̃ i dĩẽru rü pora. Ngẽgumaruü̃ “Rü yuetamaü̃, rü ngexü̃ i ngexacüxü̃, rü waixü̃mü i ngearü dexáã́xü̃, rü üxü ya taguma ixoxü̃ne.” (Gênesis 30:1) Rü nhaa waiü̃mü rü woo pucüwena paãma nipaaneü̃, rü üü ngẽma guü̃ma i tacüwawa nia rü ngẽmaãcü ngẽma rü ninaiaama. Rü ngẽgumarüü̃ niĩ rü yíema taꞌacü yeeraü̃tchi nanawaꞌe. Teé Yeuwaarü cuaꞌ nawe tarüũü̃ rü tama nüü̃ nangútchaü̃ i togüarü ngẽmaü̃gü.
w11 1/6 10wa 4tchimaü̃
Nüü̃ tanutaqueꞌe i diẽrü naü̃pa na itaeü̃caꞌ. Rü woo duü̃ü̃gü tama nanaügü i ngẽma, rü nüü̃ nanutaqueꞌe i dĩẽru rü meẽtchi niĩ i nacüma na taũma gutchaü̃ tüü̃ ngẽmaü̃caꞌ. Ngẽmaãcü rü taü̃wama tüü̃ i ngetanü i dĩẽru rü tama naüétüãma i ngẽma i ngetanü. Tupanaarü Ore nanaweꞌ na ‘Ngẽma tachiwagü cua̱x nüxü̃́ ngẽxmaxü̃ rü nanutaque̱xegüxü̃ i nawemü rü namaxã nanguxü̃gü’ na wipeꞌewa.—Provérbios 6:6-8; 30:24, 25.
18 Meü̃ nagu rüĩnü taꞌacütchiga niĩ dĩẽru i tchaucaꞌ. Cugüna nacaꞌ: ‘Tchama nagu tcharüĩnüü̃tchi i ngẽma i dĩẽru rü ngẽma taꞌacücaꞌ namaã tchataeü̃tchi? Tchama tama paa tüü̃ tchanaütanüü̃ ngẽma tüü̃ tchangetanüü̃? Tchama rü tchaugü tcharüyeeraütchi i togüe duẽẽü̃ erü tchadĩẽruãꞌ? Ngẽmacaꞌ tchoü̃ nagutchaü̃ü̃tchi tchamecümaü̃ rü togüeü̃ tcharüngü̃ẽẽ? Nagu tcharüĩnü na wüi duü̃ü̃ dĩẽrugurica ĩnüü̃ yiĩ? Eꞌna tchama rü namaã tchaãmücütchaü̃ i teé dĩẽruãꞌ rü tama namaã tchaãmücütchaü̃ i teé ngearü dĩẽruaꞌ?’ Guü̃ma i yiemagü Yeuwamaã taãmücü. Notürü na Yeuwamaã taãmücüü̃caꞌ rü tama dĩẽruü̃ tangetchaü̃gü. Yeuwa taguma tüü̃ ínataꞌ ngẽguma torü ngetchaü̃ i nacaꞌ rü dĩẽruarü yeera niĩ!—Nawa naugütae i Ebréugü 13:5.
Nguꞌẽẽtaegü uirurüü̃ iĩü̃
w09 15/04 17wa 11-13tchimaü̃gü
11 Rü ngẽma coneyu rü wüi íramare i naẽü̃, notürü tüü̃ nangúeẽẽ i meü̃gü i nguꞌẽẽtaegü. (Nawa naugütae i Provérbios 30:26.)
12 Taꞌacu nüü̃ icuaꞌgüü̃ i ngẽma coneyugümaã? Ngẽma naẽü̃gü nacaꞌ inicuꞌgü i ngẽma ãmaü̃wa ngẽguna yawa nüü̃ nadaugügu i norü uwanügü. Ngẽgumarüü̃ tomagü tanawaꞌegü mea nüü̃ tadaugü i ãũcümaü̃gü i Chatanáarü naanearü. Rü Ngetchutchuarü ngúeü̃ ya Pedru naucüꞌẽü̃ rü nhanagürü: “Rü name nixĩ i guxü̃guma pegüna pedaugü rü ípexuãẽgü, erü perü uanü i Chataná rü ñoma wüxi ya leóü̃ ya idüraxüchicürüxü̃ nanañaane rü tümaca̱x nadau nax texéxü̃ tá chixexü̃gu nanguxẽẽxü̃.” (1 Ped 5:8) Ngẽguma Ngetchutchu naanewa namaü̃gu rü nauãẽ na tama Chataná nüü̃ nawomüẽẽ na tama Chatanáarü gutchaü̃gügu nanguü̃caꞌ. (Mat 4:1-11) Ngetchutchu rü wüi meü̃ i cuaꞌruü̃ i norü ngúeü̃gücaꞌ niĩ!
13 Rü wüi meü̃ i nacüma na yigüü̃ ítapoü̃ü̃caꞌ i torü õwa, tayoniẽgü i taꞌacü Yeuwa tüna naã. Rü tanawaꞌegü Tupanaarü Orecaꞌ tanguꞌ rü ngutaqueꞌegüwa taĩ, rü ngẽma rü nameẽtchi niĩ. (Luca 4:4; Ebr 10:24, 25) Rü ngẽma coneyugürüü̃ na mea wüigu namaẽ, rü tanawaꞌegü mea ‘wüiwa ingẽmagü’ i taeneẽgümaã rü taeyagümaã na ‘yigüaü̃́ tanangútchaü̃ẽẽü̃caꞌ.’ (Rom 1:12) Ngẽguma tayoniẽgügu i Yeuwaarü ngü̃ẽẽgü, rü nawüigu i yema wiyaecü ga Dabírüü̃ nagu tarüĩnüẽü̃, rü nhanagürü: “Rü cuma nixĩ ya nuta ya taxüchicü ya chorü poxü̃ruxü̃ quixĩxü̃. Rü cuma nixĩ i chorü dauruxü̃ quixĩxü̃. Rü cuma nixĩ i curü poramaxã choxü̃ cumaxẽẽxü̃. Rü cuma nixĩ i chorü cu̱xchicaxü̃ i ma̱xpǘnewa nagu changaxixü̃ quixĩxü̃.”—Sal 18:2.
15-21 TCHETẼBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 31
Taꞌacü nüü̃ tacuaꞌgü ya wüie mamaarü ucüꞌẽgü i ngĩnecaꞌ
w11 1/2 19wa 7-8tchimaü̃gü
Nüü̃ nangúeẽẽgü i naacügücaꞌ i ngẽãẽü̃tchiga. Nüü̃ nangúeẽẽgü i aicumaü̃ i ngẽãẽü̃tchiga narümemaẽ niĩ. (1 Corĩtiucüãꞌ 6:18; Tiagu 1:14, 15) Rü Tupanaarü Ore nanaweꞌ na ngẽãẽü̃ wüi Yeuwaarü ãmare niĩ i ingĩgüü̃caꞌ rü tama wüi i tchieü̃ i Chatanáarü. (Provérbios 5:18, 19; Cântico de Salomão 1:2) Nüü̃ niu i naacügü ya ngetüꞌü̃gücaꞌ rü paü̃gücaꞌ i ãũcümaü̃ i ngeãẽtchigarica, rü naacügü tama Yeuwarüü̃ nagu narüĩnüü̃ rü nagu narüĩnüeü̃ na ngeãẽü̃ tchieü̃ niĩ. Rü wüie ya pae ya Corrina i Fraçawa rü ngĩgürügü: “tchaunatü rü tchaue mueꞌpüꞌcüna nüü̃ niugü i ãũcümaü̃ i ngeãẽü̃tchigarica, rü ngẽmacaꞌ tchieü̃ nagu tcharüĩnüü̃ i ngeãẽü̃tchiga.”
Rü penawaꞌegü nüü̃ piugü i guü̃ma i aicumaü̃ i ngeãẽü̃tchiga. Rü wüie ya mama ya Nadia i Méxicowa rü ngĩgürügü: “Guü̃guma nüü̃ tchiuü̃ na ngẽãẽü̃ wüi Yeuwaarü ãmare niĩ. Rü Yeuwa duü̃ü̃güna naãü̃ na nataãẽgüü̃caꞌ. Notürü rü ngeãẽü̃ ingĩgüü̃caꞌrica niĩ. Notürü tchi meü̃ uneta taügügu rü ngẽma rü tüü̃ nataãẽẽ, notürü tchi tchieü̃ uneta taügügu ngẽma rü tüü̃ nioẽẽ.”
ijwhf artchigu 4wa 11-13tchimaü̃gü
Rü peacügümaã nüü̃ piugü i détchiga.
Ngẽguma tchi cuma natchiga quideagu i de’tchiga i ngeü̃rüü̃mare i natchicawa rü cune rü ta meama nüü̃ inacuaꞌ i ngẽmatchiga. Rü nagu rüĩnüíra na nhure taunecü nüü̃ ngẽmaü̃ ya cune na natchiga quideaü̃caꞌ i de’ rü togü i natchigagü nhama nhuãcü meama yigümaã icuaꞌü̃ i namawa rü natchiga i naü̃nearü ngutchaü̃.
Wüi cua’ãtchiruü̃. Buü̃gü rü nhama yawetchiruü̃ rüü̃ niĩ: nümagü nanayaugü i taꞌacü norü ngaicamawa ngẽmaü̃. Rü naca’ nadaugüü̃ nüü̃ niugü na naãcügü rü nanatücüma nayaugü. Ngẽguma nanatügü nanaĩãꞌtchiãẽgügu rü deꞌ nayaꞌagü na ngẽmaãcü nanaõẽẽü̃ i norü tchiãẽ rü ngẽmaü̃ nadaugu i cune rü nagu nayaõ na ngẽma yiĩü̃ i meü̃ na iüü̃. Ngẽmacaꞌ, wüi cuaruü̃ i meü̃ iĩ. Rü cunawaꞌe na nüü̃ cucuaꞌü̃ na nhuãcü de’ cuyaꞌaüü̃.
g17.6 9wa 5tchimaü̃
Naacügüaü̃ nanangútchaü̃ẽẽ na togüü̃ narüngü̃ẽẽgüü̃caꞌ. Peacügüü̃ pengúeẽẽgü na ‘narümemae niĩ i nüma na togüena nanaãü̃ rü tama i tüma nüna tanaãü̃.’ (Pur 20:35) Nhuãcü cunaü i ngẽma? Pemagü wüigu nagü perüĩnüẽ i teé nawaꞌe i perü ngü̃ẽẽ, rü cuaꞌãtchiruü̃, tüü̃ tae peüü̃ rü ngẽma tüü̃ pegaü̃ rü tümapata pemeẽẽgü. Ngẽma nüü̃ nagagü i cuacügü rü ngẽguma tüü̃ perüngü̃ẽẽgü ya duü̃ẽgü. Rü name niĩ na peacügü nüü̃ nadaugü i perü taãẽ ngẽguma togüü̃ perüngü̃ẽẽgügu. Ngẽmaãcü rü perü meü̃ i cuaꞌruü̃gümaã rü pemagü rü peacügüü̃ pengúeẽẽ i nügü írüíraü̃.—Tupanaarü ucuꞌẽ: Luca 6:38..
Nguꞌẽẽtaegü uirurüü̃ iĩü̃
w92 11/1 11wa 8tchimaü̃
8 Ngẽma rü nüü̃ niutchaü̃ i wüi nacüma nguꞌẽẽtae na tümaãẽwa nangẽmaü̃caꞌ. Ngẽma Yeuwaarü mugüü̃ na nhuãcü norü duü̃ü̃gümaã inacuaꞌü̃ rü nanawaꞌe tümaãrü maü̃wa yaücuü̃. (Deut 6:6, 7) Nanawaꞌe nagu tarüĩnüẽtchaü̃. (Salmos 77:11, 12) Ngetüꞌü̃güü̃ narüngüẽẽü̃caꞌ rü yaguãgüü̃ na nügüãẽgu namaã nanguü̃güü̃ rü namaã napuracüe i ugütaegü iuegugüetchaü̃. Nhama acrósticos alfabéticos cuaruü̃ wüitchigü i norü ore Salmoswa nügüwetchigü wügüü̃ rü naügü wüi letra ãũnema i weꞌgu nanuãcü (nhama i Provérbios 31:10-31); aliteração (deagü ügüü̃ yimatama ümatümaã); rü nhuꞌmatchi ya númerugümaã nüü̃ cudaü̃ruü̃ i capíturu 30 Provérbiowa. Nümaü̃gü ingúeü̃ rü nüü̃ niugü na Calendário Gezer arü rü wüi cuaꞌruü̃ nucümaü̃ü̃ niĩ i hebraicowa ümatüü̃.
22-28 TCHETẼBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ ECLESIASTÉS 1-2
Rü nüü̃ nanguꞌẽẽama i togü
w17.01 27-28wa 3-4tchimaü̃gü
3 Muü̃ma i taeneẽgü rü ãũrima nüü̃ nangetchaü̃ i ngẽma puracü nawa nanamugüü̃ rü nanawaꞌegü na guü̃guma ngẽma nangẽmagüü̃. Notürü duü̃ü̃gü rü nayaegü rü ngewacaü̃ü̃ i duü̃ü̃gü inangugü na naütchicüü̃ü̃caꞌ i yaeü̃. (Ecl. 1:4) Rü ngẽma rü nagutchacüraü̃ meama nüü̃ icuaꞌü̃ erü tatücumüarü nu’ rü tomaraü̃wa niüpetütchigü. Yeuwaarü duü̃ü̃gü rü nimutchigü ngẽmacaꞌ tanawaꞌegü na ngewacaü̃ü̃ i ngẽmaü̃gügu iĩü̃. Nümaü̃gü i taeneẽgü rü nayae rü nagutcha nüü̃ nagu naĩtchigüü̃ i ngẽma ingugüü̃. (Luca 5:39) Ngẽma nüü̃ cuaꞌgüü̃ nanaümücüü̃ rü ta marü tama noriruü̃ inaporae. (Prov 20:29) Ngẽmacaꞌ ngẽguma yaguãgü nanangúẽẽgu i ngetüꞌü̃gü na yeera puracümaã inacuaꞌeü̃caꞌ rü nameẽtchi i natücumücaꞌ rü nacagütama.—Nawa naugütae i Salmos 71:18.
4 Nümaü̃gü rü nüü̃ nagutcha na ngetüꞌü̃gümeꞌẽwa nanangeü̃ i ngẽma norü puracü ga nawa nangẽmaü̃. Tüꞌcüü̃? Erü tama nayangegütchaü̃ i ngẽma puracü. Togü na inamuü̃ẽü̃ na tama namaã inacuaꞌgüü̃ noriruü̃. Togü na nagu narüĩnüẽü̃ na ngetüꞌü̃gü rü tama ta meã nanaügüü̃ i ngẽma puracü. Nangẽmagü tá i nagu rüĩnüẽü̃ na natauü̃ma norü nguneü̃ na ngetüꞌü̃gü nanguꞌẽẽü̃caꞌ. Woo i ngẽma rü ngetüꞌü̃gü nanawaꞌe yana naĩnüẽ na yeera puracü nayaugüü̃caꞌ.
Nguꞌẽẽtaegü uirurüü̃ iĩü̃
it-1 733wa
Ngẽma naega hebraicugawa Qo·heʹleth (nüü̃ niutchaü̃, Ngutaqueꞌetanüü̃; Wüiwa nügü ngẽmagüeü̃; Nügücaꞌ ngẽmagüü̃) yema niĩ ga norü puracü ya ãẽꞌgacü ga Iraéu arü nguneü̃gu. (Ecl 1:1, 12) Nacaꞌ niĩ ga ãẽꞌgacügü na Tupanaarü duü̃ü̃gümaã inacuaꞌü̃ na wüiwa rü nüü̃rica nicuaꞌüü̃güü̃ ya aicumacü Ãẽꞌgacü rü Tupana (1 Reis 8:1-5, 41-43, 66) Yemacaꞌ na ãẽꞌgacü meü̃ urü tchieü̃ quiĩũ nacaꞌ ga Iraétanüü̃gü rü nümatama niĩ nayagagüü̃ urü tama i duü̃ü̃gü na Yeuwaü̃ yacuaꞌüü̃güü̃caꞌ. (2 Reis 16:1-4; 18:1-6) Ngutaqueꞌetanüü̃ ga Tcharumaü̃ rü marü nanaü ga muü̃ma ga ngẽmaü̃gü na nangutaqueꞌegüãü̃ ga Iraétanüü̃ ga togü i duü̃ü̃gümaã i ngutaqueꞌepataü̃wa. Nhaã poperawa nüma rü nanangutaqueꞌegü ga Tupanaarü duü̃ü̃gü na nüna nayaü̃gatchiẽgüü̃ i nhama naãnearü ngutchaü̃na rü nanaügüü̃ ga Tupanaarü ngutchaü̃ weguꞌü̃ ga Iraétanüü̃ namaã nauegugüü̃.
29 TCHETẼBRUARÜ – 5 OTUBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ ECLESIASTÉS 3-4
“Wüxi i napana̱xã i tomaepü̱x ya tünütawa ãxü̃xü̃ rü tama tauxchaãcü nicauye”
ijwhf artchigu 10wa 2-8tchimaü̃
● Mea namaã icuaꞌãgügu i cerura uru tablet rü nanaporaẽẽ i torü ngĩgü. Cuaꞌãtchiruü̃ nümaü̃gü i ngĩgüü̃ rü nügümaã nideagü nügüna yawa nangẽmagügu meama namaã nacuaꞌgü.
“Ngẽma tümacaꞌ cunamu i cerurawa tümamaã nüü̃ quiutchaü̃, cuaꞌãtchiruü̃ ‘cuü̃ tchangetchaü̃’ uru ‘tchoü̃ cutautchica’ ngẽma ngĩgüü̃ narüngü̃ẽẽ na nügüna nangaicamagü.”—Jonathan.
● Ngẽguma tama mea namaã icuaꞌgügu i cerura uru tablet ngẽma rü torü ngĩgüü̃ naturaẽẽ. Cuaꞌãchiruü̃, nümaü̃gü i duü̃ü̃gü guü̃guma cerurawa nangẽmagü uru nawa nideagü. Ngẽmagagu ngĩgüü̃ rü tama nate uru namaꞌ nideacüraü̃.
“Tchama rü nüü̃ tchacuaꞌ na tchaute yeera tchamamaã nideaü̃ tchi tchama tama cerurawa tchayemaetchagu uru nawa tchideaetchagu.”—Julissa.
● Nümaü̃gü i duü̃ü̃gü nüü̃ niugü na nüü̃ nangúü̃ nügümaã nideagü ngẽguma cerurawa nangẽmagügu urü nawa nideagüyane. Nagu narüĩnüẽ na nüü̃ nayangaü̃ ngẽma naü. Notürü ngẽma rü tama aicuma niĩ. Rü wüi socióloga tümaéga Sherry Turkle nüü̃ tiu, na “ngẽma rü wüi womüẽẽ niĩ na muü̃ma i ngẽmaü̃gü naügü. Rü ngẽguma muü̃ma i ngẽmaü̃gü taügütchaü̃gu tama mea cuü̃ ínanguü̃tchi.”
“Tchaucaꞌ name tchautemaã tchidea, notürü tama name ngẽguma togü i ngẽmaü̃gü naügu, erü ngẽguma naügu i ngẽma tchaucaꞌ nüica narüãꞌü̃tchaü̃cüraü̃.”—Sarah.
Norü guꞌtchiga: Rü nhama namaã mea cucuaꞌ uru tama i cerura uru tablet ngẽma nanaporaẽẽ tá urü nanaturaẽẽ i curü ngĩwa.
w23.05 23-24wa12-14tchimaü̃gü
12 Nhuãcü rü Aquírarüü̃ rü Pritchírarüü̃ naügü i ngĩgü? Nagu rüĩnüẽ i guü̃ma ngẽma perü puracügü. Eꞌna penaüéga nümaü̃gü i ngẽmaü̃gü wüigu? Rü cuaꞌãtchiruü̃, rü Aquíra rü Pritchíra rü wüigu duü̃ü̃gümaã nüü̃ niugü i Yeuwatchiga. Eꞌna wüigu penaügü i wüi ngẽmaü̃gü rü bemana pepatana pedaugü? (Ecl 4:9) Ngẽguma pegüü̃ perüngü̃ẽẽgügu rü yeera peü̃ natautcha pegümaã pideagü.
13 Notürü nüna pecuaꞌãtchie wüiwa pengẽmagü tama nüü̃ niutchaü̃ na aicuma wüiwa pengẽmagü. Wüie taeya i Brasilcuãꞌ ngĩgürügü: “Nhuꞌma muü̃tchi i ngẽmaü̃gü tüü̃ nangẽma, nhuꞌmatchi woo wüigu tapegü, notürü tama aicuma wüiwa tangẽmagü, nüü̃ tchacuaꞌ na tchanawaꞌe rü tchauteü̃tawa tchangẽma.”
14 Rü tchi pema tama peü̃ namegu wüiwa pengẽmagü? Penaügü ngẽmaü̃gü i wüigu peü̃ meü̃, rü tama pegümaã penue. (Tia 3:18)
3 Rü namaꞌgü rü nategü nanawaꞌegü nügü naporaẽẽgüü̃ na ngẽmaãcü Yeuwamaã naãmücügüü̃caꞌ. Nhuãcü ngẽma ãmücü i Yeuwamaã nüü̃ narüngü̃ẽẽ i norü ngĩgüwa? Rü ngẽguma i ngẽma ãmagüü̃ rü ãtegüü̃ rü nüírawa nanaüẽẽgügu na Yeuwamaã naãmücügüü̃caꞌ rü ngẽmaãcü tá naga naĩnüe i Yeuwaarü ucuꞌẽgü. Rü ngẽmagagu nüü̃ narüporamaẽgü i gutchaü̃gü i norü ngĩgüwa. (Nawa naugütae i Eclesiastés 4:12) Rü wüi duü̃ü̃ i norü õwa poraü̃ rü ta nügü naporaẽẽ na Yeuwacümaãcü nanaüü̃ i meü̃ i nacümagü na ngẽmaãcü nüma rü nanaweꞌü̃ca rü cuaꞌãtchiruü̃, namecümaü̃ rü yana naĩnüwaꞌeü̃ rü nüü̃ nüü̃ nangetchaü̃waꞌeü̃. (Epé 4:32–5:1) Ngẽguma ngẽma ngĩgüü̃ nanaweꞌgu i nacümagü rü nanaporaẽẽ i norü ngĩwa.
it-1 119
Rü Tupana rü guü̃ma i duü̃ü̃güü̃ nangetchaü̃ notürü ngẽguma duü̃ü̃gü Tupanatchi naaegu nüma rü inayanaõẽ tá. Rü ngẽguma ngẽma ngupetügu rü nüma ya Tupana rü inatchaãtchi na nüü̃ nangetchaü̃ i ngẽma duü̃ü̃güü̃. Rü Tupana rü Ngetchutchu rü nüü̃ namegü i meü̃güü̃ rü tama nüü̃ namegü i tchieü̃gü. (Sal 45:7; Ebr 1:9) Rü ngẽma duü̃ü̃gü i Tupanatchi aieü̃ rü taucama nanayau i norü ngetchaü̃ erü taguma nanaütchicüügü i norü maü̃gü. (Sal 139:21, 22; Isa 26:10) Rü ngẽmacaꞌ ta nüma ya Tupana natchi naai i ngẽma duü̃ü̃gü rü yicama inayanaõẽgü tá.—Sal 21:8, 9; Ecl 3:1, 8.
6-12 OTUBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ ECLESIASTÉS 5-6
w08 15/8 15-16wa 17-18tchimaü̃
Nhuãcü tanaweꞌgü na Yeuwaü̃
17 Rü tanawaꞌegü ngetchaü̃ãcü nüü̃ tacuaꞌüü̃gü ya Yeuwa. Rü Eclesiastes 5:1 nhanagürü: “¡Ngẽxguma Tupanapatawa cuxũxgu rü naxuãxẽ rü mea nagu rüxĩnü i ngẽma cuxüxü̃!” Rü Yeuwa rü Moichéü̃ rü Yochuéü̃ namuü̃, na ínacuaꞌitchiü̃caꞌ i norü chapatügü ngẽguma natchica üüneü̃wa nangẽmagügu. (Êxo 3:5; Jos 5:15) Rü ngẽma naügü erü Yeuwaü̃ nangetchaü̃gü. Rü chacherdótegü iĩgüü̃ i iraétanüü̃gü nanawaꞌegü natüü̃chiruparagü i imáü̃ nicuꞌgüü̃. (Êxo 28:42, 43)
18Rü tanawaꞌegü meã iĩü̃ i guü̃ i torü maü̃wa rü ngẽguma naügü nawaꞌe i torü deawa meã togüemaã ideaü̃ rü togüemaã i mecümaü̃. Rü ngẽma nacümagü i meü̃ rü duẽẽgü tawa nüü̃ tadaugü. Ngẽguma meã tacümamaã icuaꞌgügu rü meã yigümaã inguü̃gu na nhuãcü na iãchirugüü̃ rü ngẽgumarüü̃ Pauru nhanagürü: “Rü toma rü taguma texépe̱xewa chixri tamaxẽ nax taxuca̱xma texé chixri torü puracüchiga idexaxü̃ca̱x. Rü guxü̃guma duü̃xü̃güxü̃ nüxü̃ tadauxẽxẽ nax aixcüma Tupanaarü duü̃xü̃gü tixĩgüxü̃.” (2 Cor 6:3, 4) Ngẽmaãcü ‘duü̃ü̃güü̃ namaã ingúeẽẽü̃caꞌ nachiga ya Tupana ya tórü Maẽẽẽruü̃.’—Titu 2:10.
w09 15/11 11wa 21tchimaü̃
21 Rü Ngetchutchu rü nayumüẽ i norü õ i poraü̃maã. Naũpa na wenaarü Lácharoü̃ namaẽẽü̃ rü nhanagürü: “Pa Chaunatü, moxẽ cuxna chaxã erü marü choxü̃ cuxĩnü. Choma nüxü̃ chacua̱x rü guxü̃guma choxü̃ cuxĩnü.” (Juã́ũ 11:41, 42) Rü curü yumüẽ nanaweꞌ na cuü̃ nangẽmaü̃ i curü õ i poraü̃maã? Rü nacaꞌ nangu i Ngetchutchuarü yumüẽ. Rü ngẽma yumüẽ tüü̃ nanguꞌẽẽ natchiga i Yeuwaéga rü norü ãẽꞌgacütchiga rü norü unetagütchiga. (Mat 6:9, 10) Rü nagu rüĩnü i curü yumüẽtchiga. Eꞌna cunaweꞌ na cuma rü nagu cuyaõ i Yeuwaarü ãẽꞌgacütchiga rü cunaütchaü̃ i norü ngútchaü̃ rü cunatatchigaẽẽ i naéga ya Yeuwa? Name ngẽmaãcü cunaü.
w17.04 6wa 12tchimaü̃
12 Rü baie rü norü ügümare niĩ. Tanawaꞌegü tayanguẽẽ i taꞌacü i unetaü̃wagü, nagu tamaẽ i Yeuwa nawaꞌẽü̃ãcü rü yigü nüna taãgü. Ngẽmaãcü, name yigünatama tacagü: Eꞌna tchorü baiewena rü naporaü̃ma na Yeuwamaã tchaãmücümeꞌe? Tchanaüamaü̃meꞌe na Yeuwaü̃ tchapuracüü̃ i guü̃ i tchorü maü̃nemaã? (Col 3:23) Rü tchayumüẽ rü Tupanaarü Orewa tchaugütae rü ngutaqueꞌewa tchaũ rü pregaçãowa tchaũmeꞌe? Eꞌna marü tchangearü porameꞌe na Yeuwacaꞌ tchapuracüü̃? Rü tama nüü̃ tarütchaueü̃caꞌ rü Pedru nüü̃ niu na inawaꞌegüü̃ nanaporaẽẽ i torü õ rü yana i ĩnüẽwaꞌeü̃ rü Tupanaga i ĩnüẽü̃.—Nawa naugütae i 2 Pedru 1:5-8.
Nguꞌẽẽtaegü uirurüü̃ iĩü̃
w20.09 31wa 3-5tchimaü̃
Rü Eclesiastes 5:8wa nanaweꞌ i natchiga i ãẽꞌgacügü tchiri namaã inacuaꞌgüü̃ i ngẽma norü duü̃ü̃gü i ngearü dĩẽruãꞌgüü̃.
Rü woo torü gutchaü̃gü tacaꞌcüraü̃ tautama nanameẽẽgaü̃ rü meama nüü̃ tacuaꞌgü na Yeuwa guü̃ma i ãẽꞌgacügüü̃ nangugüü̃. Rü ta Tupanamaã nüü̃ tiugü i torü gutchaü̃tchigagü. (Sal 55:22; Pir 4:6, 7) Rü nüü̃ tacuaꞌgü na “Tupana rü nüxü̃ nadau i guxü̃ma i ñoma i naanewa ngupetüxü̃, nax ngẽmaãcü pora tüxna naxãxü̃ca̱x ya yíxema aixcüma nüxü̃́ yaxõxe”.—2 Crô 16:9.
Ngẽmaãcü, Eclesiastes 5:8wa nanaweꞌ na “wüxichigü i ngẽma ãẽ̱xgacügü rü natüxü̃wa nangẽxma i to i ãẽ̱xgacü i naétüwa ngẽxmaxü̃, rü ngẽma ãẽ̱xgacü i naétüwa ngẽxmaxü̃ rü to i ãẽ̱xgacütüü̃wa nangẽxma”. Notürü ngẽma guü̃ma i ãẽꞌgacügü rü Yeuwa niĩ Guü̃étüwa Ngẽmacü. Rü nhuꞌma Yeuwa namaã inacuaꞌ i Ngetchutchugagu. Rü Yeuwa ya Guü̃étüwa Ngẽmacü rü nüü̃ nadau i guü̃ma i nhama i naanewa rü aicumacü niĩ rü Ngetchutchu rü ta.
13-19 OTUBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ ECLESIASTÉS 7-8
“Wüxi ya yuxeta tüxü̃ íyarüdauxü̃”
it-2 447 5tchimaü̃
Rü nangẽma i nguneü̃ i nagu iyutanüü̃. Eclesiastes 3:1, 4wa nhanagürü: “Rü nangẽxma i ngunexü̃ i nagu ixaxuxü̃, rü ngunexü̃ i nagu icugüexü̃. Rü nangẽxma i ngunexü̃ i nagu iyutanüxü̃, rü ngunexü̃ i nagu ipetaexü̃.” Rü guẽma i yiemagü rü tayue tá, rü Tupanaara Ore nanaweꞌ na “Rü ngẽma nax wüxi i petawa ixũxü̃arü yexera rümemaexü̃ nixĩ nax wüxi ya yuxeta tüxü̃ íyarüdauxü̃.” (Ecl 7:2, 4; Pro 14:13) Rü ngẽmaãcü wüi duü̃ü̃ i nügüãẽü̃ cuaꞌü̃ rü nayonie na tüü̃ nataãẽü̃ ya yíema iyutanüẽü̃, rü tama norü taãẽü̃caꞌma nadau. Rü ngẽma rü nüü̃ narüngü̃ẽẽ norü maü̃gutama narüĩnüü̃caꞌ erü nüma rü ta tá wüiarü nguneü̃gu nayu, rü mea namaü̃caꞌ i Tupanapeꞌwa.
w19.06 23wa 15tchimaü̃
15 William namaꞌ marü tayu ĩneamaü̃tchi, rü William nanhagürü: “Tchaucaꞌ name ngẽguma togü nüü̃ niugügu i tchamaꞌtchiga. Ngẽma rü nanaweꞌ na tchamaü̃ nangetchaü̃gü. Ngẽma ngü̃ẽẽ rü poraãcü tchoü̃ narüngü̃ẽẽ, rü tchoü̃ nataãẽü̃. Rü tüma rü tchorü maü̃wa tameẽtchi.” Wüie taeya Bianca rü tayute, ngĩgurügu: “Ngẽguma tchaueneẽgü rü tchaueyagü tchamaã nayumüẽgügu rü tchoü̃ nanaweꞌgü wüi urü tare wetchicurugü ngẽma rü tchoü̃ nataãẽẽẽ. Rü tchoü̃ narüngü̃ẽẽ ngẽguma nümagü rü nüü̃ niugügu i tchautetchiga rü tchoü̃ narüĩnüeü̃gu ngẽguma tchautetchiga tchideagu.”
w17.07 16wa 16tchimaü̃
16 Rü ngẽguma wüi i duü̃ü̃ i natanüü̃ urü namücü nayugu rü nüü̃ itaãẽẽtchagu urü namaã iyumüẽgü rü ngẽma rü tama natautcha naüü̃, rü bemana wüigu namaã taaue, notürü taṹ nüü̃ curüngümaü̃ na cunaü ãũrima nüü̃ curüngü̃ẽẽ i ngẽma duü̃ü̃.
w17.07 16wa 17-19tchimaü̃
17 Wüitchigu i duü̃ü̃ nüü̃ nangẽma na nhuguãcü nüü̃ nangupetügüü̃ i norü ngetchaü̃. Tupanaarü Ore nhanagürü “Ngẽma aixcüma tamücü ixĩxü̃, rü guxü̃guma tüxü̃ nangechaü̃, rü ngẽxguma guxchaxü̃ taxca̱x ínguxgu, rü ñoma wüxi i taenexẽxüchirüxü̃ nixĩ.” (Prov 17:17) Ngẽmaãcü, nüétama tümaẽ nhuré i nguneü̃ tingeí na tüü̃ nangupetüü̃ i tümaarü ngetchaü̃, rü tanawaꞌegü guü̃guma ímegümareü̃ na tüü̃ itaãẽgüẽü̃ yanawaꞌe.—Nawa i naugütae 1 Techarónicacü̃ãꞌ 3:7.
18 Nhugüãcü wüi duü̃ü̃ ãũrima nangetchaü̃ rü ngẽguma tümaarü nguneü̃wa nangugu. Rüeꞌna wüi wiyaewa urü tümatchicünaꞌãwa uru tümaarü pumarawa urü ngetá nori wüi natchicawa inaĩwa, rü ngẽmagagu taü̃tchi i ngetchaü̃ ínangu i tümawa. Rü ta bemana nangutchaütchi na wüi ngutaqueꞌe ãũwa taũü̃ rüeꞌna Ngetchutchuarü yuna cuaꞌãtchiü̃tchigawa taũü̃, erü marü nüü̃ tacuaꞌ na marü nataũma ya tümamaã urü tümate na tümacüwawa ngẽmagü.
19 Guü̃guma tüü̃ tataãẽẽẽ ya yíema ingetchaü̃e rü tama nhugü tangetchaü̃gurica tüü̃ tataãẽ. Junia nhatarügü: “Rü tchoü̃ nameẽtchima i taeneẽgü rü tchamücügü tchamaã nangẽmagüü̃ rü ngẽma rü guü̃guma tchoü̃ nataãẽẽẽgüẽü̃.” Notürü aicuma niĩ tama tüü̃ inaõẽẽ i tümaarü ngetchaü̃, notürü tanawaꞌe yigü iporaẽgüü̃ i tüü̃ itaãẽgüẽü̃caꞌ. (1 Juã́ũ 3:18) Gaby nhatarügü: “Yeuwana moẽ tchaã erü tchoü̃ narüngü̃ẽẽ i anciãogü i ngetchaü̃güwaꞌeü̃wa rü nümagü guü̃guma tchaucüwawa nangẽmagü. Rü tchaucaꞌ rü nhama Yeuwa tchona paꞌãtchirüü̃ niĩ.”
Nguꞌẽẽtaegü uirurüü̃ iĩü̃
18 Bemana cuma rü nagu curüĩnüü̃ na cunameẽ i gutchaü̃ i taeneẽ cunaüü̃. Notürü naũpa name cugünatama cuca: ‘Eꞌna tchama rü nüü̃ tchacuaꞌ i guü̃ma i taꞌacü ingupetüü̃?’ (Prov 18:13) ‘Eꞌna nanaüü̃ i norü ngutchaü̃maã?’ (Ecl 7:20) ‘Eꞌna marü tchanaü i ngẽmatama i gutchinügü?’ (Ecl 7:21, 22) ‘Tchi tchama namaã tchideagu i gutchaü̃tchiga eꞌna tá ngurüãtchi yeeraãcü natchie?’ (Nawa naugütae i Provérbios 26:20.) Tchi mea nagu rüĩnüü̃gu i ngẽma cagü rü bemana tüü̃ narüngü̃ẽẽ na taꞌacü tá iüü̃ rü bemana nüü̃ naweꞌü̃ i ngetchaü̃ rü nüü̃ nüü̃ tarüngü̃ma i norü gutchinü.
20-26 OTUBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ ECLESIASTÉS 9-10
Meã nagu rüĩnü i gutchaü̃gütchiga
w13 15/8 14wa 20-21tchimaü̃
20 Tama name naétüwa nangẽmaẽü̃ ya Yeuwa ngẽguma gutchaü̃ tüü̃ upetügu. Bemana nhugüãcü tagagutama niĩ i nümaü̃gü i torü gutchaü̃gü. Tupanaarü nhanagürü: “Rü yíxema chixexü̃ ǘxe, rü chixexü̃ tá tayaxu.” (Gár 6:7) Taũ Yeuwagagu yiĩ i curü gutchaü̃gü. Tüꞌcüü̃ tama name i ngẽma? Düca nüü̃ nadau i wüi cuaꞌãtchiruü̃: Wüi bundi i poraãcümaã inhaü̃ rü ngẽmacaꞌ anüpaꞌa nüü̃ nangupetü. Eꞌna bundiarü uruü̃gü nagagu nangupetü i ngẽma anüpaꞌa? Aicumaü̃tchi tama nagagu niĩ! Ngẽgumarüü̃ Yeuwa tüna nanaã i taꞌacü iunetagüü̃wa. Notürü ta Yeuwa tüna nanaã i ucuꞌẽ na tüü̃ narüngü̃ẽẽ i mea unetagü iügüü̃caꞌ.
21 Notürü nhugüãcü nümaü̃gü i gutchaü̃gü rü tama tagagu niĩ, rü ta Tupanaarü Ore nüü̃ niu i nhaü̃: ‘Rü guãcaꞌ ínangu i tümaarü gutchaü̃’ (Ecl 9:11) Notürü tama nüü̃ tarüngümaẽ na Chatanágagu yiĩ i guü̃ma i tchieü̃. (1 Juã́ũ 5:19; Apo 12:9) Nüma i Chataná rü torü uwanü niĩ—rü tama i Yeuwa!—1 Ped 5:8.
w19.09 5wa 10tchimaü̃
10 Rü yigü írüiragu rü torü maü̃ natautchamare. Nhugüãcü nüü̃ idaugü i gutchaü̃ tacaꞌcüraü̃ tama name. Rü Charomaü̃ ya ãẽꞌgacü nhanagürü: “Rü nüxü̃ chadau nax ngẽma mugüruü̃gü rü cowarugügu naxĩxü̃, rü ngẽma ãẽ̱xgacü nanegü rü nacutügumare naxĩxü̃ ñoma mugüruü̃gümare yaxĩgüxü̃rüxü̃.” (Ecl 10:7) Rü duü̃ü̃ i cuaꞌãü̃tchima tagutama duü̃ü̃ nüü̃ nacuaꞌgü. Rü duü̃ü̃ irarücuaꞌãü̃ rü nhugüãcü duü̃ü̃gü nanatatchigaẽ. Woo nangupetü i ngẽma, rü Charomaü̃ nüü̃ niu “Rü ngẽma nagu rüxĩnüxü̃arü yexera rümemaexü̃ nixĩ i ngẽma taxetümaxã nüxü̃ idauxü̃.” (Ecl 6:9) Rü tchi aicuma yigü írüiragügu rü torü maü̃wa tataãẽgü i taꞌacü marü tüü̃ ngẽmaü̃maã—rü tama name yeeraãgu tarüĩnüe i torü maü̃wa.
w11 15/10 8wa 1-2tchimaü̃gü
RÜ GUÜ̃MA i Tupanaarü Orewa, nanaweꞌ na Yeuwa nanawaꞌeü̃ na imaãẽ rü nhuꞌmatchi taãẽãcü imaẽü̃. Rü cuaꞌãtchiruü̃, Salmos 104:14, 15wa nüü̃ niu ya Yeuwa “Rü ngẽxgumarüxü̃ ta cunaxügüxẽxẽ i nanetügü i ñu̱xma duü̃xü̃gü namaxã toegüxü̃ nax ngẽmaãcü nüxü̃́ nangẽxmaxü̃ca̱x i nabü i ngṍxü̃. Rü ngẽmaãcü duü̃xü̃güna cunaxã i norü poraxẽẽruxü̃ i paũ rü norü taãẽxẽẽruxü̃ i bínu rü norü mexẽẽruxü̃ i chíxü̃.” (Ecl 9:7; 10:19) Yeuwa nanawaꞌe tüü̃ nangẽmaü̃ i taãẽ i torü maü̃newa na taãẽmaã naãacuü̃caꞌ i meü̃.—Puracügü 14:16, 17.
2 Ngẽmaãcü, ngẽguma itaãẽgügu rü tacaꞌ nametchigaanegu rü ngẽma rü tama tchieü̃ niĩ, ngẽmacaꞌ itanaüütchi i wüi nguneü̃ na nagu itaãẽü̃caꞌ rü yéama i dawenüü̃ rüeꞌna ‘nangugü i werigu’ urü ‘tanangugü i putüragü’ rüeꞌna to i ngẽmaü̃gü tüü̃ taãẽẽẽü̃ taügü. (Mat 6:26, 28; Salmos 8:3, 4) Rü ‘Tupanawa ne naũü̃ i taãẽgüü̃.’ (Ecl 3:12, 13) Nüü̃ tacuaꞌgü ngẽma taãẽ rü Yeuwaarü ãmare yiĩ, rü tüü̃ nanangutchaü̃ẽẽ nanangegüü̃caꞌ i norü ngútchaü̃ ya Yeuwa nanaügüü̃caꞌ.
Nguꞌẽẽtaegü uirurüü̃ iĩü̃
it-2 1080
Rü wüi duü̃ẽtchiga ideaü̃ bemana tama natchie, notürü na doraü̃ iuü̃ i duẽẽtchiga ngẽma rü guü̃guma ngúu nüü̃ tingegüẽẽ urü gutchaü̃ itadauẽẽ. Rü teé ngẽma üe rü bemana tchieũ taü urü tama, notürü Tupana natchi naai i ngẽma “dorata̱xáxü̃, rü ngẽma daica̱x dauxü̃ i naenexẽgümaxã.” (Pro 6:16-19) Rü ore i gregugawa i “dorataꞌáü̃” urü “tüna naugümüü̃” i di·aʹbo·los nhaü̃tchiga niĩ. Ngẽmaãcü Tupanaarü Orewa nanangegü ngẽma ore rü “Chatanágu naxãéga”, nüma niĩ doraü̃ Yeuwatchiga yadeaü̃. (Juã́ũ 8:44; Apo 12:9, 10; Gên 3:2-5) Nüma rü nüíraü̃ i dorataꞌáü̃ niĩ.
27 OTUBRUARÜ – 2 NOWẼBRUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ ECLESIASTÉS 11-12
Nayonie curü maü̃maã Cutaãẽ rü Ngẽmataü̃
g 15/3 13wa 6-7tchimaü̃gü
Rü üaꞌcüemaã nüü̃ nangẽma woetama naweane nadai. Rü popera Journal of Hospital Infection nüü̃ niu, “rü muü̃tchi i naweanegü rü tama üaꞌcüemamaã namaẽ.”
Nhuãcü meã cuyonie i ngẽmatchiga? Bemana cunawaꞌe üaꞌcüemawa cuũ rü ngéma cungẽma meã quingü̃ãcüü rü cucaꞌ nameẽtchi i ngẽma.
6 Tupanaarü Ore nüü̃ nangẽma i ucuꞌẽgü nhuãcü taünena idautchiga erü Yeuwaarü ĩnügü niĩ notürü tama popera saúdearü niĩ. Cuaꞌãtchiruü̃, nüü̃ niu, “¡Rü cugü nüxü̃ rüngü̃maxẽxẽ i ngẽma oegaãẽgü! ¡Rü cugüwa nüxü̃ naxõõ̱x i guxü̃ma i chixexü̃gü!” (Ecl 11:10) Rü Tupanaarü Ore nüü̃ niu natchiga tama tanaügü i torü maü̃wa tchieẽẽ rü yeera õna i ngõꞌgü rü yeera i aegü. (Prov23:20) Yeuwa nanawaꞌe namaã icuaꞌgü rü nhure i õna i ngõꞌgü rü nhure ta aegü.—1Cor 6:12; 9:25.
7 Ngẽguma meã nagü tarüĩnüegü tanaweꞌgü ãũrima nüü̃ tangetchaü̃ ngẽma ãmare i Tupanaarü rüĩnügü. (Sal 119:99, 100; rü nawa naugütae i Provérbios 2:11) Cuaꞌãtchiruü̃, meã nagu tarüĩnüe i taꞌacü tá ingõꞌgü. Tchi nüü̃ tacuaꞌgügu ngẽma õna tacaꞌ natchie, narümemaẽ tama tanangõꞌgü. Rü tanaweꞌgü ngẽguma nüna idagügu i taüne ngẽguma meã ipeegu rü meã i itchibüegu rü ingẽmatagügu rü meama tapatana idaugügu.
2 Rü tataãẽgü erü Yeuwaarü duügü tiĩgü. Tüꞌcüü̃? Marü tüü nangẽma i Tupanaarü̃ Ore rü nawa taugütaegu guü̃ma i nguneü̃gu na ügüü̃caꞌ ngẽma nüü̃ icuaꞌgü. —Nawa naugütae i Tiagu 1:22-25.
3 Rü torü mecaꞌ niĩ Tupanaarü Orega taĩnüe. Rü tanawaꞌegü ngẽma taügü na Yeuwaü̃ nataãẽẽẽü̃caꞌ rü ngẽmacaꞌ aicuma tataãẽgü. (Ecl 12:13) Ngẽma taügügu rü torü maü̃wa rü tapatacüã́ꞌgü nataãẽgü rü togü i taeneẽgümaã meama taãmücügü. Ngẽma marü nüü̃ cudau i curü maü̃wa. Rü tama tagutchaü̃ãgü narüü̃ i ngẽma tama Yeuwaarü mugüga ĩnüẽü̃. Rü Davi nagu rüĩnüü̃rüü̃ nagu tarüĩnüe rü ngẽguma Tupanaarü mugüwena nideagu rü nhanagürü: “Rü yíxema naga ĩnüexe i ngẽma curü mugü rü tá tanayauxgü i tümaarü ãmare.”—Sal 9:7-11.
Nguꞌẽẽtaegü uirurüü̃ iĩü̃
it-1 1226
Rü yatügü Tupanaarü Ore ümatügü tama máquinagü niĩgü. Rü Tupana nanangupetüẽẽ i yatügü nanawü i Tupanaarü Ore i norü nagagumaã. (Hab 2:2) Notürü Tupana guü̃guma namaã inacuaꞌ rü ngẽmaãcü rü guü̃ma i Tupanaarü Orewa ngẽmaü̃ ideagu rü norü ĩnü niĩ. (Pro 30:5, 6) Rü Eclesiastes 12:9, 10, nanaweꞌ na yema yatügü nügü naporaẽẽgü nanawügüü̃caꞌ i ngẽma ore rü “poraãcü nagu narüxĩnü rü nanangugü rü mea inananu ga muxü̃ma ga dexagü ga cua̱x nawa yexmagüxü̃.”—Namaã nangugü Luca 1:1-4