Natchigagü i Ngutaqueꞌearü Nguꞌarü Popera Maü̃ rü Puracücaꞌ
© 2025 Watch Tower Bible and Tract Society of Pennsylvania
7-13 YULIUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 21
Rü ucuꞌẽgü cuáꞌgüarü nacaꞌ i ngĩgütchiga nataãẽü̃caꞌ
w03 15/10 4wa 5tchimaü̃
Rü ngẽguma paa tá cunaügu tama mea nagu cuüĩnüãcü cunaü. Ngẽgumarüü̃ nüü̃ iu i Provérbios 21:5wa: “Ngẽxguma mea nagu rüxĩnügu i ngẽma ixüxchaü̃xü̃, rü mea tá ínanguxuchi, natürü ngẽxguma ñu̱xãẽãcü ta̱xacü ixüxgu rü chixri ínanguxuchi.” Rü ngẽma ngetüü̃gü naãarüaꞌgüü̃ nanawaꞌe mea nagu narüĩnüe naũpa na nüü̃ nauneta tchi iningĩtchaü̃gu urü tama. Tchi tama mea nagu narüĩnüegu tá nüü̃́ nangupetüẽẽ ngẽgumarüüü̃ nüü̃ niu i wüi dramaturgo William Congreve rü nhanagürü: “Teé paa itingĩtchaü̃ rü yicama nagu tarüĩnüe na wüi gutchinü niĩ.”
g 7/08 7wa 2tchimaü̃
Cügü rüíra. Rü Piripupucü̃aꞌ iurüü̃: “Rü tama name nax togüarü yexera pegü pixĩgüxẽẽxü̃ rü pegü picua̱xüü̃güxü̃. Rü narümemae nixĩ i wüxichigü nagu perüxĩnüe nax ngẽma togü rü perü.” (Pir 2:3) Muü̃tchi nuãtchigü ngupetü nategüwa rü namagüwa tama nügü irüíraãcü nacaꞌ nadaugü nügü narünguẽẽgü ngẽguma nuãtchigü yeera tatchigügu. Ngẽguma ngẽma ngupetügu nüü̃ narüngü̃ẽẽ nügü narüíragü rü tama guü̃guma nüü̃ cuaꞌ na norü ĩnügü.
w06 15/9 28 ¶13
13 Tchi curü ngĩwa nangẽmagu na tama mea pegü pecuaꞌnitagü? Na nanameẽẽü̃caꞌ i ngẽma gutcha nanawaꞌe nanaporaẽẽü̃. Rü cuaꞌãtchiruü̃ ngugüãcü nuãtchi nangupetüetcha curü ngĩwa. (Pro 12:18) Rü ngẽma nacüma rü tchieü̃wa nangu. Rü Tupanaarü Ore nhanagürü: “Narümemae nax cuxica ínachianexü̃wa cungexmaxü̃, rü tama namaxã i wüxi i ngexü̃ i nuwa̱xexü̃ rü tama mexü̃gu rüxĩnüxü̃.” (Pro 21:19) Tchi cuma ãtee quiĩ rü cuãẽwa cugüna ícuca: “Eꞌna tchaucümamaã tchanaweꞌ na tama nagutcha tchautecaꞌ tchaucüwawa nangẽma?” Rü ãmagücaꞌ rü Tupanaarü Ore nhanagürü “Pa Yatügü i Ãma̱xgüxü̃x, rü name nixĩ i ngĩxü̃ pengechaü̃gü i pema̱xgü. Rü tama name nax ngĩmaxã pechixecümagüxü̃. (Co 3:19) Rü tchi ãmagücaꞌ naãẽwa nügüna ínaca: ‘Tchama rü eꞌna ngearü ngetchaü̃ãcü tchaꞌmaü̃ tchacuaꞌnita rü ngẽmacaꞌ ngü̃ẽẽcaꞌ tadau i to duü̃ü̃wa?’ Rü aicuma niĩ rü ngeãẽü̃ rü gutchinü niĩ. Notürü ngẽmacaꞌ niĩ name naũpa idea aicumamaã na tama nangupetü i ngẽma tchieü̃.
Nguꞌẽẽtaegü uirurüü̃ iĩü̃
w05 15/1 17wa 9tchimaü̃
9 Ngetchutchu rütama marü ngẽma yatü i bururawa rütoücü nüü̃ icuaꞌã niĩ. Rü wüi ãẽꞌgacü niĩ. Tupanaarü Orewa rü wüi cowarutawa narüto. (Pro 21:31) Apocaríchiu 6:2, nhanagürü: “Rü nüxü̃ chadau ga wüxi ga cowaru ga cómüxü̃. Rü yema naétüwa rütoxü̃ rü nüxü̃́ nayexma ga wüxi ga norü würa. Rü wüxi ga nga̱xcueruxü̃ nüxna naxã. Rü nüma rü nagu narüxĩnü nax norü uanügüxü̃ tá narüporamaexü̃. Rü inaxũãchi nax norü uanügüxü̃ naporamaexü̃ca̱x.” Rü ta Dawi nüü̃ niu i Ngetchutchutchiga: “Rü nüma ya Tupana rü Chióü̃wa cuxü̃ naxuneta nax ãẽ̱xgacü quixĩxü̃ca̱x rü namaxã icucuáxü̃ca̱x i ngẽma curü uanügü.”—Sal 110:2.
14-20 YULIUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 22
Rü ucuꞌẽgü nhuãcü naacügü na yaecaꞌ cuáꞌmaã
w20.10 27wa 7tchimaü̃
7 Tchi pema penawaꞌe peãcügü, pegüna pecagü: ‘Eꞌna duü̃ü̃gü i togü rü iragüe tiĩgü rü Yeuwacaꞌ daugü tiĩgü rü Yeuwa nagü i õgüegae eꞌna tiĩcaꞌ rü wüi buü̃na tadau?’ (Sal 127:3, 4) Tchi marü peü̃ nangẽma peãcügü, pegüna pecagü: ‘Taacügüü̃ tanguꞌẽẽgü na meü̃ i puracütanüü̃gü niĩgü?’ (Ecl 3:12, 13) ‘Togü taporaegü na toacügüü̃ ítapoü̃ na naü̃nearü ngutchaü̃ na i Tchatanaarü naane tchawa. Taucuruwa i penapoũgü i peacugüü̃ i guü̃ma i gutchaü̃guwa i maü̃arü. Notürü penameẽẽgü i peacügu ngetchaü̃acüma penanguꞌẽẽcüma i tupanarü Oremaã. (Nawa naugütae i Provérbios 2:1-6.)
w19.12 26wa 17-19tchimaü̃gü
17 Inaügü na cuacügüü̃ cunguẽẽ nabugutáma. Ngẽguma na bugutáma cunanguẽẽgü rü narümemaẽ. (Prov. 22:6) Nüü̃ nadau ga Timúteu, Paurumaã iniũ. Rü naẽ ga Timúteu ngiéga ga Euníchia rü norü no’ẽ ga Lóida rü na bugucürüwa inanguẽẽ.—2 Tim. 1:5; 3:15.
18 To i taeneegü Costa do Marfimwa Jean-Claude rü Peace nüü̃ nanguü̃gü na meã naãcügüü̃ nanguẽẽẽ na Yeuwaü̃ nangetchaü̃güü̃ca rü nüü̃ napuracüeü̃ca. Taꞌacü nüü̃ rüngü̃ẽẽ? Nümagü rü Euníchia rü Lóida arü cuaꞌruü̃ca nadaũtaegü. Rü nhanagürügü: Tananguẽẽ i Tupanaarü ore i toacügü nabuegücürüwa, ga na iragüguwena.—Deut. 6:6, 7.
19 Taꞌacütchiga niĩ cunangueẽẽ i Tupanaarü ore i cuacügü? Rü cunangueẽẽ rü cunabaiãtchiaẽẽgü guü̃ i nguneü̃gü. Nanatügü rü nanawaꞌegü na guü̃ i nguneü̃gu naãcügüü̃ nangueẽẽ. Nhuguacü tama natautcha i ngẽma. Notürü nanatügü rü name nügü naporaeẽgü na naãcügüü̃ narüngü̃ẽẽ na nüü̃ cuagüü̃ca i Tupanaarü ore rü norü maü̃wa naügüaü̃ca.
w06 1/4 9wa 4tchimaü̃
Nümaü̃gü i buü̃gü rü nhama nabuutchiü̃rüü̃ niĩ, nümaü̃ tama naĩnüwaꞌe rü nanuwaꞌe. (Gên 8:21) Taꞌacü ta i nanatügü naügüü̃? Tupanaarü Ore nhanagürü: “Ngẽma ngextü̱xügüxü̃arü ĩnü rü ngeãẽmare nixĩ, natürü cua̱ximaxã itayanawe̱xãchixẽxẽ nax nüxü̃ naxoxü̃ca̱x i ngẽma nacüma i chixexü̃.” (Pro 22:15) Nümaü̃gü nagu narüĩnüẽ na ngẽma rü tchiü̃ yiĩü̃. Notürü Tupanaarü Ore rü natchi naai i nuwaꞌeü̃ rüeꞌna mawaꞌeü̃. Rü cuaꞌi naimenamaã tama niĩ aicumaü̃tchi tüü̃ cucuaꞌiü̃, notürü nüü̃ niutchaü̃ na nanatü rü naé niĩ i namaã icuaꞌü̃ nanaweꞌ na nacaꞌ naoegaãẽ i naãcügüarü maü̃.—Ebr 12:7-11.
Nguꞌẽẽtaegü uirurüü̃ iĩü̃
w21.08 22wa 11tchimaü̃
11 Tchi torü maü̃maã inaügu i puracü i Yeuwaarü organizaçãowa iyaugüü̃, rü yeera ta taãẽgü ta. Nagu naã i pregação rü curü meü̃ inaã i Yeuwaarü puracügüwa. (Pur 18:5; Ebr 10:24, 25) Ngutaqueꞌewa naũ rü inameẽẽ i curü unagücaꞌ. Namaã i aicuma i curü üye i ngutaqueꞌe yüüarü ngaü̃wa. Tchi anciãogü cuna mugu wüi puracü cuüü̃caꞌ rü meã yanguẽẽ. Taṹ nagu curüĩnü na ngẽma puracü rü tama name nacaꞌ curü tempu icuüütchi. Nayonie na cunameẽẽ i curü cuaꞌgü. —Pro 22:29.
21-27 YULIUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 23
Rü ucuꞌẽgü cuáꞌgüarü i détchiga
w04 1/12 19wa 5-6tchimaü̃gü
5 Rü tchi teé deꞌ tiaüü̃gu, notürü nacaꞌ taũãẽgu na tama tangaü̃tchiü̃? Nümaü̃gü i duü̃ü̃gü tama nanaweꞌ na nangaüü̃, woomuü̃tchi i deꞌ yaaügu. Notürü teé nagu rüĩnügu na ngẽma rü tama tchieü̃ yiĩü̃ rü tügütama tawomüẽẽ. (Jer 17:9) Bemana rü tüü̃ natchi na deꞌ tiaüü̃ rü tá ngãwaꞌe. — Titu 2:3)
6 Rü ta Ngetchutchu nhanagürü: “Pexũãxẽgü nax tama ta̱xacürü chixexü̃gagu düxwa nüxü̃ perüxoexü̃ nax peyaxõgüxü̃! Rü ngẽmaca̱x penaxwa̱xe nax pegüna pedaugüxü̃ nax tama pengãxẽxü̃ rüẽ̱xna ñoma i naanearü ngúchaü̃gu perüxĩnüexü̃. Erü ngürüãchi ngẽmagu íperüxĩnüeyane tá íchangu. Rü ñoma wüxi ya yüta ya ngürüãchi ta̱xacü iyaxúnerüxü̃ tá nixĩ naxca̱x i guxü̃ma i duü̃xü̃gü i ñoma i naanecüã̱x i ngẽxguma wenaxarü núma chaxũxgu.” (Luca 21:34, 35) Woo ngẽma duü̃ü̃ tama nangãü̃tchi notürü yima deꞌ rü nüü̃ nayataẽẽ rü naootchi. Taꞌacü tchi ngupetüü̃ ngẽguma ngẽmaãcü Yeuwaarü nguneü̃ i ngugu?
it-1 304
Tupanaarü Ore nanapocu. Tupanaarü Ore nanapocu na cungãwaꞌe. Popera provérbios ümatücü nüü̃ niu i natchiga i ngãwaꞌe.—Pro 23:29-33; Osé 4:11; Mat 15:18, 19.
“Erü ngẽma ngãxwa̱xegüxü̃, rü tá ningearü diẽruã̱x” rü tautama cugu nayaõgü rü tauwata cuü̃ nameẽgü i puracüwa.—Pro 23:20, 21, 34, 35.
Nguꞌẽẽtaegü uirurüü̃ iĩü̃
w04 1/11 31wa 2tchimaü̃
Ngẽgumarüü̃ tá name niĩ nüna tadaugü na tama i taanügütchiü̃. Taanüütchi rü torü ĩnüwa nangẽma. Ingüütchiü̃ rü ngẽma na i tchibüütchiü̃gagu rü ta tchiü̃ã rü ngẽmacaꞌ düwa ta taanüütchi. Rü ngẽma na ta taanüütchi rü tama niĩ tingüütchiü̃gagu yiĩü̃, notürü ngẽma na taü i õna tangoü̃gagu niĩ. Tangẽma ya tama i ngüe rüeꞌna i aeꞌ notürü ngẽmaãcü tá taanüama. Ngẽmaẽtüwa i ngẽma tama i ngüü̃ i duü̃ü̃ rü tô natchicawatchigü nangẽma.
28 YULIUARÜ – 3 AGOSTUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 24
Rü cugü cuporaẽẽ na gutchaü̃güü̃ curüporamaeü̃caꞌ
it-2 641
Ngetchutchu nhanagürü: “Tataãẽgü ya yíxema duü̃xü̃gü tümachi aiexe naxca̱x nax Tupana naxwa̱xexü̃ãcü tamaxẽxü̃. Erü tümaca̱x nixĩ i daxũguxü̃ i naane ya Tupana ãẽ̱xgacü ixĩxü̃wa.” (Mat 5:10) Rü nüü̃ nacuaꞌ i ngẽma wenaarü namaẽtchiga rü Yeuwatchiga na namaã nauneta i ngẽma meü̃ i ore, nüü̃ naporaẽẽ. Nüna naã i pora na Yeuwamaã niaicumaü̃caꞌ woo na uwanügü nüü̃ nadaitchaü̃. Rü nagagü Ngetchutchu nayuü̃ nümagü tama namuü̃gü nayue. (Ebr 2:14, 15) Ngẽma naãẽwa nangẽmaü̃ i meü̃ i nacüma name niĩ na niaicumacüü̃ niĩgü, woo nüü̃ natchiewegü rü nawe ngineü̃tanü. “Rü name nixĩ ga yema Ngechuchu ya Cristu nagu rüxĩnüxü̃gu nax perüxĩnüexü̃ i pemax . . . Rü Tupanaga naxĩnü ñu̱xmata curuchagu nayu.” (Pir 2:5-8) ‘Rü nüma rü tama nügü natchuꞌu na ngúü̃ yangeü̃, rü tama nagu narüĩnü ga yema ãne na yangeü̃, yerü nüü̃ nacuaꞌ na yemawena rü tá nataãẽü̃.’—Ebr 12:2; 2Cor 12:10; 2Tim 1:4; 1Pe 2:21-23.
w09 15/12 18wa 12-13 tchimaü̃
12 Provérbios 24:10 nhanagürü: ”Ngẽxguma tama yáxna namaxã cuxĩnügu i ngẽxguma guxchaxü̃ cuxca̱x ínguxgu, rü naxíra i curü pora.” Rü to i Provérbios nhanagürü: ”Ngẽxguma nangechaxü̃gu, rü nangechaxü̃chiwe.” (Prov 15:13) Nümaü̃gü yaõgüü̃ nangetchaü̃tchiwegü rü ngẽmagagu tama Tupanaarü Orewa naugütae rü tama nagu narüĩnü. Norü yumuẽgü rü ngeü̃camare niĩ rü nüicagümare niĩ. Aicumaü̃chi, ngẽguma i ngetchaü̃tchiwegu rü tüü̃ natchiẽẽ.—Pro 18:1, 14.
13 Meü̃gu rüĩnügu rü tüü̃ narüngü̃ẽẽ na i taãẽü̃ i taꞌacü inawaꞌegüü̃wa. Davi nanaümatü: “Rü chomax, Pa Chorü Tupanax, rü namaxã chataãxẽ nax curü ngúchaü̃ chaxüxü̃.” (Sal 40:8) Ngẽguma taꞌacü i tchieü̃ torü maü̃wa ngupetügu, taꞌacü ta i taguma iügüü̃ na tama nüü̃ rütchaueü̃ i Tupanaarü cuaüü̃. Notürü nagu naã i Yeuwaarü puracügü i aicuma taãẽ cuna ãü̃. Yeuwa nüü̃ niu ngẽguma Tupanaarü Orewa iugütaegügu guü̃ i nguneü̃gu rü tataãẽ. (Sal 1:1, 2; Tia 1:25) Tupanaarü Ore rü ngutaqueꞌegü rü aicuma tüü̃ nataãẽẽẽ.—Pro 12:25; 16:24.
w20.12 15wa
Ngẽmaãcü Provérbios 24:16 nhanagürü: “Erü tüma ya yíxema duü̃xẽ ya mexü̃gu maxü̃́xe rü woo 7 e̱xpü̱xcüna itayanguxgu, rü 7 e̱xpü̱xcüna tá ítarüdaama.” Tama niĩ pecadugu yiĩü̃ tanguü̃, notürü gutchaü̃gü niĩ i ngẽma, woo müeꞌpüꞌcüna gutchaü̃güwa taüpetü. Nhaã naane tchieü̃wa rü meü̃ i duü̃ü̃ rü tá gutchaü̃gü nüü̃ naüpetüama cuaꞌãtchiruü̃ saúdewa rüeꞌna tooma i gutchaü̃gü. Rü tá ãẽꞌgacügü nawe ningeü̃tanü. Notürü nümagü aicuma nagu nayaõgü na Tupana tá nüü̃ rüngü̃ẽẽü̃ i ngeü̃rüü̃mare i gutchaü̃güwa.”—Sal 41:1-3; 145:14-19.
Nguꞌẽẽtaegü uirurüü̃ iĩü̃
w09 15/10 12wa
Wüi yatü ya i ngĩtchaü̃cü rü nanawaꞌe nügü inameẽẽ. Tchi nameãrü saúdeãgu rü nanawaꞌe napuracüü̃ na natanüü̃ narüngü̃ẽẽü̃caꞌ notürü tauũtama ngẽma puracü wipeꞌewa naũẽẽ. Rü Tupanaarü ore tüü̃ naucuꞌẽ rü nhanagürü: “Erü yíxema tama mea nüxna dauxe ya tümanatü rü tümaé rü tümatanüxü̃ rü tama aixcüma Tupanaaxü̃́ tayaxõ. Rü wüxi i tama yaxõxü̃arü yexera chixexü̃ tiĩ.” (1 Tim 5:8) Ngẽmaãcü nügü inameẽ nacaꞌ i ngĩ rü natanüü̃, notürü naũpa wüi ngetüꞌücü nügüna nacaꞌ? Cuaꞌãtchiruü̃: Eꞌna tá tchoü̃ nanguü̃ na tchautanüü̃maã itchacuaꞌü̃? E’na marü itchame na tchautanüü̃eru tchiĩ? Tchayanguẽẽü̃ tá na tchautanüü̃maã Tupanaarü Orecaꞌ tchanguꞌü̃? Tupanaarü Ore rü meãma nangoꞌ.—Deut 6:6-8; Epé. 6:4.
Ngẽmaca, wüi ngetüꞌücü ya amãtchaü̃cü rü name meã nagu narüĩnü i wüi ucuꞌẽ i Provérbios 24:27wa ümatüü̃. Rü ngẽmaãcü ta wüie ya pacü meã tügüna tacaꞌ e’na marü itameü̃ na wüi nama’ tiĩ rüeꞌna mama tiĩ? Rü nümagü i ngẽma amagüü̃ rü meã nügümaã nideagü tchi nagu narüĩnüegu na naãcügüü̃. (Luca 14:28) Ngẽma ucuꞌẽgü rü Tupanaarü duü̃ü̃gü narüngü̃ẽẽ rü gutchaü̃gü nüü̃ inapoü̃ rü nüü̃ nangẽma i maü̃ i memareü̃.
4-10 AGOSTUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 25
Rü ucuꞌẽgü cuaꞌgüarü na tüü̃ narüngü̃ẽẽ namecümaãcü togümaã nüü̃ tiugü
w15 15/12 19wa 6-7tchimaü̃gü
6 Provérbios 25:11wa nanaweꞌ meü̃ i ora tümamaã idea i duẽẽ rü nanhagürü: “Ngẽma ore i meama norü oragu nüxü̃ ixuxü̃, rü ñoma wüxi i manzanachicüna̱xã i úirunaxca̱x i diẽrumümaxã nga̱xãẽxü̃rüxü̃ nangúchaü̃xü̃chi.” Maçãgü nameetchi rü ngẽgumarüü̃ ta yiema nhugu ngẽma ore i meama norü oragu tümamaã ideagü a duẽẽgü. Notürü nhuãcü niĩ ideagü?
7 Torü deagü bemana ngẽma niĩ taꞌacü togüe tanawaꞌe nüü̃ taĩnüe. Notürü tchi tama mea i ora tideagügu taũtama ngẽmatama aguü̃. (Nawa naugütae i Provérbios 15:23.) Ngĩa nüü̃ tadau i wüi cuaꞌruü̃, ngẽma marçuarü ngupetü 2011gu wüi taü̃ i ĩãꞌãtchiane rü taü̃ i yuape i Japãowa rü guü̃ma iãnegüwa i aguẽẽ. Rü 15 mil arü yeera i duẽẽgü ngẽma na yuegü. Rü ngẽma natchicawa Yeuwaarü Orearü Uruü̃gü mea nayonie na togüü̃ taãẽẽẽgü rü nüü̃ narüngü̃ẽẽ i Tupanaarü Orewa. Rü muü̃ma i duü̃ü̃gü budista niĩgü rü ta muü̃tchi i duü̃ü̃gü tama nüü̃ nacuaꞌgü i Tupanaarü Oretchiga. Yíema taeneẽgü rü taeyagü nüü̃ ticuaꞌãtchitanü yicamaütchi nangupetü rü tama ngẽma ora nameü̃ ideagü i yema yuegüe wena ínarüdagütchiga erü ngẽma duü̃ü̃gü nangetchaü̃ü̃tchi. Nhuꞌmatchi ngẽma taeneẽgü rü taeyagü, nüü̃ nataãẽẽẽgü ga yema duü̃ü̃gü, rü namaã nüü̃ niugü i Tupanaarü Orewa taꞌacücaꞌ yema tchieü̃gü ngupetüü̃ ya duẽẽgü meü̃gü.
w15 15/12 21wa 15-16tchimaü̃gü
15 Rü yiema meamare namaã ideagü. Yeguma Ngetchutchu yema sinagogawa rü ĩanewa nayemagu rü duü̃ü̃gü “naba̱i̱xãchiãẽgü namaxã ga yema ore ga mexü̃ ga namaxã nüxü̃ yaxuxü̃.” (Luca 4:22) Rü ngẽguma meü̃ i oremaã nideagügu rü yeera name na togü nanayaugü taꞌacü nüü̃ iuü̃. (Pro 25:15) Ngetchutchurüü̃ ngetchaü̃ãcü rü mecümaãcü nidea rü duü̃ü̃gücaꞌ taoegaãẽ. Rü yeguma Ngetchutchu nüü̃ nadaugu ga yema muü̃ma ga duü̃ü̃gü, rü nüxü̃́ nangechaü̃tümüü̃gü. “Rü inanaxügü nax nangúexẽẽãxü̃ ga muxü̃ma ga ore.” (Mar 6:34) “Rü yexguma duü̃xü̃gü chixexü̃ namaxã ixugüegu, rü nüma rü taxuxü̃ma ga chixexü̃maxã nanangãxü̃.”—1 Pe 2:23.
16 Rü nguguãcü tama natautcha rü meamareü̃ rü tama nuwaꞌeü̃ ngãü̃ i tatanüü̃gümaã rü tamücügümaã rü taeneẽgümaã i ngutaqueꞌepataü̃wa. Ngetchutchu tama nuwaꞌeü̃ ngãü̃ i norü ngúeü̃gümaã, woo nüü̃ nacuaꞌü̃. Yeguma Ngetchutchuarü ngúeü̃gü ‘nügümaxã niporagaetanü rü texé tixĩxü̃ ya natanüwa rüyexeramaexe. Rü Ngetchutchu nüü̃ naweꞌãtchiẽẽ i meamare deaü̃, rü namaã niuü̃ i wüi buü̃tchiga. (Mar 9:33-37) Nhuma anciãogü Ngetchutchurüü̃ niĩgüü̃, rü “name nixĩ i tüxü̃ pengechaü̃ãcüma tüxü̃ perüngü̃xẽxẽ nax itayarüwe̱xãchixü̃ca̱x.”—Gár 6:1.
w95 1/4 17wa 8tchimaü̃
8 Rü taenegüü̃ rü taeyagüü̃ tanangútchaü̃ẽẽ i torü cuaꞌruü̃maã. Cuaꞌãtchiruü̃, Ngetchutchu norü ĩnütanüü̃ nanangútchaü̃ẽẽ. Nüma rü nüü̃ nangetchaü̃ i Yeuwaarü puracü rü nüma rü nüü̃ niu i nhaü̃ nhama õnarüü̃ niĩ i nacaꞌ. (Juã́ũ 4:34; Rom 11:13) Cuma rü ta tá cunaweꞌ i taãẽ i orearü u i meü̃wa? Rü togüema nangaü̃ i curü ĩnü i meü̃ i orearü uwa cuü̃gu nhuꞌmatchi i yaõgüü̃tücumüwa tümama nangaü̃ ya togüegü. Ngẽguma cuma togüena cuugu na wüigu tümamaã cupuracüü̃caꞌ rü tüü̃ nangútchaü̃ẽẽ rü ngẽmaãcü tatataãẽü̃caꞌ na Yeuwatchiga tidaü̃caꞌ.—Pro 25:25.
Nguꞌẽẽtaegü uirurüü̃ iĩü̃
it-2 379
Wüi duü̃ü̃ tama nuwaꞌeü̃ rü tchianemareü̃ rü norü õ rü napora aiepewa. Ngẽguma tümaẽ tanuawaꞌegu bemana tangetchaü̃. Rü Tupanaarü Ore nüü̃ niu i wüi duü̃ü̃ nuwaꞌeü̃: “Yimá ĩane ya ngearü poxegune rü ãũcümaxü̃wa nangẽxma. Rü ngẽxgumarüxü̃ tixĩ ya yíxema tama tügüna dauxe i tümacümawa.” (Pro 25:28) Rü ngẽgumarüü̃ namaã nangupetü i ngẽma duü̃ü̃ tama nügü nadau rü nügü nanangútchaü̃ẽẽ ngeü̃rüü̃mare i tchieü̃ naãẽwa inguü̃.
11-17 AGOSTUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 26
Ngẽma duü̃ü̃ naetchitamare rü nüna iũgatchi
it-1 485
Taunecügu ngupetütchigüü̃. Rü yema naane ga Tupana namaã iunetaü̃, nguétüü̃ rü gáuaneü̃ ngẽma nüü̃ niutchaü̃ rü nipagüane rü pucürica niĩ. (Sal 32:4; Cân 2:11) Rü Abriuarü nhuꞌmata Otubru rü tríguarü bugüwa nanguü̃ rü taguma napu. Rü Provébios 26:1wa ngẽmatchiga nüü̃ niu, ‘tama name nax taunecügu gáuxü̃ rüyixixü̃, rü tama name nax napuxü̃ i ngẽxguma nanetüarü o ibuxgügu. (1Sa 12:17-19.) Rü yeguma napuetchagu rü ta gáuaneü̃ rü bemana nümaü̃ ga nguneü̃gu tama napu. (Esd 10:9, 13) Ngẽmaãcü wüi natchiga naiü̃ rü nameẽtchi niĩ.—Isa 4:6; 25:4; 32:2; Jó 24:8.
w87 1/10 19wa 12tchimaü̃
12 Nümaü̃ i duü̃ü̃gücaꞌ bemana nanawaꞌe naügü taꞌacü Provérbios 26:3wa nüü̃ iurüü̃ rü nhanagürü: “Ngẽma cowaru rü ítayapuxẽxẽ nax taga naxĩnüxü̃ca̱x, rü ngẽma búru rü tanaxütü̱xünagu nax we̱xgu yaxũxü̃ca̱x. Rü ngẽxgumarüxü̃ ta i ngẽma tama naãẽxü̃ icuáxü̃ i duü̃xü̃, rü name nax nacua̱xixü̃ nax iyanawe̱xãchixü̃ca̱x.” Nhugüãcü Yeuwa rü nangupetüẽẽ ga norü duü̃ü̃gü Iraétanüü̃gü nioẽẽgüü̃ ga norü gutchinügütama: “Rü yema duü̃xü̃gü rü poraãcü chixexü̃wa namaxẽ rü ngẽmagagu ñoma ẽanexü̃wa nangẽxmagüxü̃rüxü̃ nixĩgü. Rü ngẽma norü chixexü̃ rü nayana̱i̱xgü ñoma cadénamaxã yana̱i̱xgüxü̃rüxü̃. Rü nanaxĩ̱xãchiãẽgü yerü tama naga naxĩnüechaü̃ ga Cori ya Tupana ya Guxü̃étüwa Ngẽxmacü, rü tama nanaxügüchaü̃ ga yema nüma nagu naxĩnüxü̃. Rü yemaca̱x ga Tupana rü taxü̃ ga puracüwa nanawogü. Rü naxwetaarü yamaxã nayayitanü rü taxúema nüxü̃ tarüngü̃xẽxẽ. Natürü yema nax ngúxü̃ yangegüxü̃gagu rü düxwa Cori ya Tupanana nacagüe. Rü nüma ga Cori ya Tupana rü yema norü guxchaxü̃wa ínananguxü̃xẽxẽ.” (Sal 107:11-13) Nümaü̃gü i duü̃ü̃gü tama naãẽ nacuaꞌ rü tama nüü̃ nacuaꞌgü rü ngẽguma nüü̃ nayaweꞌãtchiẽẽgu: “Texé ya tama nayaxúxe i ucu̱xẽ, rü paxa tá guxchaxü̃ tümaca̱x ínangu, rü taxúetama tümaétüwa tachogü.”—Pro 29:1.
it-1 580
Nawa i Provérbios. “Ngẽxguma wüxi i tama naãẽxü̃ cuáxü̃xü̃ quimuxgu nax yangeãxü̃ca̱x i wüxi i curü ore, rü guxchaxü̃ca̱x cudau, rü ñoma cugü cuchexcutüxü̃rüxü̃ tá cuxü̃́ nixĩ,” rü nhanagürü ga ãẽꞌgacü ga Charomaü̃. Rü ngẽma ore nüü̃ niutchaü̃ na teꞌe tama tümaãẽü̃ cuáegu yaõgu rü nhama tügütama itatcheecutüü̃ruü̃ tiĩ tümaãrü gutchaü̃catama tadau.—Pro 26:6.
Nguꞌẽẽtaegü uirurüü̃ iĩü̃
it-2 1140, 1141
“Ngẽma naechitamare maxü̃xü̃, rü tama name i chixexü̃maxã cunangãxü̃ nax tama naxrüxü̃ quixĩxü̃ca̱x.” Notürü tamaã nüü̃ niu narüü̃gü iĩgü ngẽma naechitamare iĩgü. Rü ngẽmacaꞌ nawa i Provérbios 26:4, 5 tüü̃ naucuꞌẽ na “Rü ngẽma tama naãẽxü̃ cuáxü̃, rü name nax wüxi i ore i tauxchaxü̃maxã cunangãxü̃,” rü ngẽma wetchicuru nüü̃ iutchaü̃ na name nüü̃ nanangãü̃ erü tanangugü i taꞌacü nagu narüĩnüü̃, tchi aicuma weꞌguü̃ niĩü̃.
18-24 AGOSTUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 27
Rü aicuma itamücügü rü tüü̃ nataãẽ
w19.09 5wa 12tchimaü̃
12 Rü teé tügü irüíraü̃ rü nüna moẽ taã ngẽguma tüü̃ naucuꞌẽgu. Rü wüi cuaꞌruü̃: Nagu curüĩnü na ngutaqueꞌewa cungẽmaü̃ rü wüi i taeneẽ cumaã nüü̃ niu ígaãcü na cuma rü cueépüta. Cuma rü quiãneãtchi, notürü cuma rü moẽ nüna cuã erü cumaã nüü̃ niu? Ngẽgumarüü̃ tchi wüi i taeneẽ tama namuü̃ na tüü̃ naucuꞌẽ rü yigü irüíraü̃ rü nüna moẽ taãgü. Rü tanawaꞌegü nüü̃ tadaugü i ngẽma taeneẽ rü nhama i wüi tamücürüü̃ rü tama i nhama i wüi uwanürüü̃ niĩü̃.—Nawa naugütae i Provérbios 27:5, 6; Gár 4:16.
it-2 1215
Nawa i Provérbios tüü̃ naucuꞌẽ na tayaõgü i tamücügüwa rü nacaꞌ ítaca na tüü̃ narüngü̃ẽẽü̃caꞌ rü ngẽguma gutchaü̃gü tüü̃ nangupetügü. Ngẽma Provérbios nhanagürü: “¡Taxṹ i nüxna quixũgachixü̃ i cumücügü rüe̱xna cunatümücügü, rü tama name i curü guxchaxü̃gümaxã cuenexẽxü̃tawa cuxũ! Ngẽma cuenexẽ i cuxna yáxü̃guxü̃arü yexera cuxü̃́ name i ngẽma cumücü i curü ngaicamawa ngẽxmaxü̃.” (Pro 27:10) Ngẽma Provérbios nanaweꞌ na wüi namücü i nangaicamaü̃na natanüü̃güarü yeera meü̃ erü bemana ngẽma namücü nüü̃ narüngü̃ẽẽtchaü̃ rü natanüü̃gü tama urü ngẽma natanüü̃ nüna yáü̃gu rü ngẽmaãcü taucurüwa nüü̃ narüngü̃ẽẽ.
7 Wüi ngúeruü̃ i yiemagü nüü̃ icuaꞌgüü̃ rü Yoáarü cuaꞌruü̃tchiga niĩ, rü tanawaꞌegü nüü̃ tauneta i namücügü i tüü̃ rüngü̃ẽẽ rü Yeuwaü̃ ngetchaü̃güü̃. Rü tamücügü tama nanawaꞌe nawüigu i torü taunecümaã, rü cuaꞌãtchiruü̃, Yóa rü tama nawüigu i norü taunecü ga Yoiadámaã. Ngẽmaãcü, cumücügütchiga cugüãẽwa cugüna naca: ‘Rü nümagü rü tchoü̃ narüngü̃ẽẽ rü nanaporaẽẽ i tchorü õ i Yeuwacaꞌ? Rü nümagü rü nüü̃ niugü i Yeuwatchiga rü norü unetagütchiga? Rü nümagü rü Tupanaarü Orearü ucuꞌẽgüga naĩnüe rü tchoü̃ nanangutchaü̃ẽẽ tchanaü i ngẽma? Rü nümagü rü tama namuü̃ i tchoü̃ naucuꞌẽ ngẽguma tchanawaꞌegu?’ (Pro 27:5, 6, 17) Aicuma niĩ, tchi cumücügü tama Yeuwaü̃ nangetchagügu rü tama meü̃ namücügü niĩgü. Notürü tchi cuü̃ nangẽmagu i namücügü i Yeuwaü̃ ngetchaü̃güü̃ rü ngẽma nameẽtchi niĩ erü nümagü rü guü̃guma cuü̃ narüngü̃ẽẽ!—Pro 13:20.
Nguꞌẽẽtaegü uirurüü̃ iĩü̃
w06 15/9 19wa 12tchimaü̃
27:21. Ngẽguma togü tüü̃ naãtchigaẽẽgu ngẽma rü nanaweꞌ na teé aicuma tiĩgü. Tanaweꞌgü na yigü írüíraü̃ ngẽguma nüü̃ icuaꞌãtchitanügu na Yeuwa niĩ ya guü̃ tüna naãcü rü tüü̃ nanangutchaü̃ẽẽ na nacaꞌ ipuracüeama. Rü tama yigü irüíragu rü tanaweꞌ na togüarü yeera tiĩgütchaü̃.
25-31 AGOSTUARÜ
TUPANAARÜ ORE I MEÜ̃GÜ UIRURÜÜ̃ IĨÜ̃ PROVÉRBIOS 28
Contrasts Between a Wicked Person and a Righteous Person
w93 15/5 26wa 2tchimaü̃
“NGẼMA aixcüma mexü̃gu maxü̃xü̃ rü ñoma wüxi ya leóü̃rüxü̃ taxuca̱xma namuü̃.” (Pro 28:1) Norü õ napora niĩ rü nagu nayaõ i Tupanaarü Orewa ümatüü̃, rü meã Yeuwacaꞌ napuracüama woo ngeü̃rüü̃mare i ãũcümaü̃wa.
it-2 814
Yíema Yeuwana iũgatchie. Rü teé pecadu üamaẽ rü tama naga taĩnütchaü̃ i Yeuwaarü ucuꞌẽgü rü bai ngẽguma nüü̃ taunetagu i ngẽma taütchaü̃ü̃. (Jó 34:27) Ngẽma duü̃ü̃ tama nüü̃ nadautchaü̃ i ngẽma norü tchieü̃ rü tama nüü̃ nangẽma i cuaꞌ. (Sal 36:1-4) Woo nüü̃ niu na Tupanaü̃ nicuaꞌüü̃ rü nacaꞌ yatüarü ĩnügü yeera name. (Isa 29:13, 14) Rü ngẽma duü̃ü̃ i “tama naãxẽxü̃ cuáxü̃, rü norü taãxẽ nixĩ nax chixexü̃ naxüxü̃.” (Pro 10:23) Rü ngẽma duü̃ü̃ naüü̃ i tchieü̃ rü tchieü̃ i nacümagü nüü̃ nangẽma rü nagu narüĩnü na Tupana taucürüwama nüü̃ nadau i norü tchieü̃. (Sal 94:4-10; Isa 29:15, 16; Jer 10:21) Rü nüü̃ niuü̃rüü̃ i Salmos: “Rü ngẽma duü̃xü̃gü i naechitamare maxẽxü̃ rü nagu narüxĩnüe nax nataxuxü̃ ya Tupana.” (Sal 14:1-3) Rü “ngẽma chixexü̃gu maxẽxü̃ rü tama nüxü̃ nacua̱xgü nax nagu naxĩxü̃ i ngẽma nacüma i mexü̃.” Rü nümagü rü tama Tupanaarü Orearü ucuꞌẽgüga naĩnütchaü̃, rü tama mea nanangugü i ngẽmaü̃gü, rü tama meü̃ unetagü naügü i norü maü̃wa.—Pro 28:5.
it-1 1236, 1237
Rü ngẽgumarüü̃ Yo nüü̃ nicuaꞌtchigü na woo rü wüi meü̃ i duü̃ü̃ ngúü̃ ninge nagagu i tchieü̃ i duü̃ü̃ rü nümagü tá wüigü nayue rü Yeuwa tüna nadau ya yíema meü̃gu rüĩnüẽ rü ngẽma tá nacaꞌ ínguü̃ rü taãẽ niĩ rü meü̃ tá nayaugü. (Jó 9:20-22; Sal 37:18, 19, 37; 84:11; Pro 28:10) “Rü narümemae nax tama imuarü diẽruã́xü̃ rü aixcüma mexü̃gu rüxĩnüxü̃.” Rü Yorüü̃ rü ngẽma meü̃ i duü̃ü̃ nüü̃ natatchigaãẽ (Pro 19:1; 28:6) “Rü ngẽma tümaxacügü i tümacümagu ĩxü̃ rü nataãẽgü.” (Pro 20:7) Rü mea nagu naĩ rü meü̃gü i ngẽmaü̃gü nanayaugü tá.
Nguꞌẽẽtaegü uirurüü̃ iĩü̃
w01 1/12 11wa 37tchimaü̃
Ãũriütchi nügügutama nayaõgü. Muü̃ma i duü̃ü̃gü i waĩãtchi arü maü̃nemaã idaꞌweeü̃ rü naü̃pa i ngẽma daꞌwe rü poraãcü nügügu nayaõgü nacaꞌ na meã nüna inadaü̃caꞌ i naü̃ne. Rü tama nanaügü i exames de rotina. Ngẽgumarüü̃ nümaü̃gü i yaõgüü̃ nagu narüĩnüe na tauma nüü̃́ nangupetüü̃ erü marü i taunecügü yaõgüü̃ niĩgü. Rü tama nügü nangugü na meã nüna nadau i norü õ, rü nhumata wüi gutchaü̃gu ínangu. Rü name niĩ nagu naĩ i Pauru arü ucuꞌẽ: “Rü ngẽmaca̱x ya yíxema tügügu rüxĩnüxe nax tamexü̃, rü name nixĩ nax mea tügüna tadauxü̃ nax tama chixexü̃gu tanguxü̃ca̱x.” Rü ta name niĩ nüna tacuaꞌãtchi na tipecaduãgü rü nhuguãcü tanawaꞌegü tanangugü i torü õ. —1 Cor 10:12; Pro 28:14.