INAÜGÜ I DEA
NGÚERUÜ̃ 2
Aiꞌrügumaraü̃ãcü idea
Ucuꞌẽ: “Narümemae nixĩ nax ngẽma ora i nagu natauxchaxü̃gu cuyoxniexü̃ nax tüxü̃ cungãxü̃xü̃.” — Pro. 15:23.
Taꞌacü Ferípe naüü̃
1. Nüü̃ nadau i VÍDEO, rüeꞌna nawa naugütae Puracügü 8:30, 31. Yicama, nanangãü̃ i nhaa cagü:
Nhuãcü Ferípe inaügü i norü dea?
Tüꞌcüü̃ ngẽma nacüma rü aiꞌrügumaraü̃ niĩ na inaügüü̃caꞌ i norü dea rü yatüü̃ nangúeẽẽ i ngẽwacaü̃ü̃ nguꞌẽẽtae?
Taꞌacü nawa icuaꞌgüü̃ i Ferípearü cuaꞌruü̃?
2. Tchi aiꞌrügumaraü̃ãcü ideagügu, ngẽma rü bemana nanatautchaẽẽ na duü̃ü̃ nüü̃ naĩnütchaü̃ i tórü dea.
Feríperüü̃ naü
3. Meãma nüü̃ nadawenü. Natchametüwa rü nacümagüwa nanaweꞌ i taꞌacü duü̃ü̃ naãẽwa nangẽma. Eꞌna duü̃ü̃ nanaweꞌcüraü̃ na cumaã nideatchaü̃? Tchi cuü̃ naĩnütchaü̃gu, rü inaügü i curü dea rü nüna nacaꞌ i nhaü̃: “Cuma rü nüü̃ cucuaꞌ na . . . ?” Notürü tchi nüü̃ quicuaꞌãtchigu na duü̃ü̃ tama cumaã nideatchaü̃, ínayatchaãtchiẽẽ i curü dea.
4. Yana ĩnüwaꞌe. Tama nawaꞌe icunaügü i curü dea i Tupanaarü Oremaã. Ínanguẽẽ i meü̃ i ngora i nagu natautchaü̃gu na aiꞌrügumaraü̃ãcüma Tupanaarü Oretchiga quideaü̃caꞌ. Rü nhuguãcü meü̃ i ngora niĩ tá ngẽguma wenaarü duü̃ü̃maã quideagu i toeꞌpüꞌcünagu.
5. Nanameẽẽ i curü dea. Bemana duü̃ü̃ cumaã nidea i wüi natchiga na cuü̃ nabaiꞌãtchiẽẽ. Name curü ngútchaü̃maã rü duü̃ü̃maã nidea i taꞌacü nacaꞌ nagutchaãẽü̃tchiga, woo tama namaã nawüigu i taꞌacü namaã quideatchaü̃.