KÍXNUU 08
Ikháán ma̱ndoo mambajxáaʼ ga̱jma̱a̱ʼ Jeobá
Jeobá nandoo dí ikháán matatsiʼniiʼ májánʼ. Náá numuu rá. Numuu rí ikhaa ndaʼyoo dí índo̱ ikháán mi̱dxu̱ʼnú matatsiʼniiʼ itháán májánʼ ga̱jma̱a̱ʼ matatsiʼnúunʼ májánʼ cualidad ndrígóo, rí xú káʼnii eʼni ma̱ngaa dí nandoo maʼni ga̱jma̱a̱ numaaʼ. Itháán gaʼndaaʼ mambajxáaʼ ga̱jma̱a̱ʼ. Lá gajkhun ma̱ndoo mambajxáaʼ ga̱jma̱a̱ʼ Dios ráʼ. (Atraxnuu Salmo 25:14.) Ndiéjunʼ gíʼmaa matani̱ mu ma̱ndoo mambajxáaʼ ga̱jma̱a̱ʼ Dios rá. Biblia nariʼña̱a̱ graxe̱ rígi̱ ga̱jma̱a̱ ikhí naʼthí dí mambajxáaʼ ga̱jma̱a̱ʼ Jeobá gíʼdoo itháan numuu.
1. Ndiéjunʼ eʼtháanʼ Jeobá matani̱ rá.
“Guxu̱ʼmámíjná náa Dios ga̱jma̱a̱ ikhaa makuʼmaminaʼ náa ikháanʼla” (Santiago 4:8). Ndiéjunʼ eyoo gáʼthúu̱n ajngáa rúʼko̱ rá. Jeobá nandoo rí ikháán mambajxáaʼ ga̱jma̱a̱ʼ. Mbáa tikhuun naʼniún mingíjyúuʼ mundxaʼwamíjna̱ dí ma̱ndoo mambajxu̱u̱n gajmiún mbáa bi̱ xándoo mbuyáá, itháan Dios. Ikhaa niʼni dí magumaraʼmáʼ náa Ajngá rawuunʼ, xóo muʼthá Biblia. Ikhí nuxkamaa xúgíʼ rí ndayúlú mu mbuʼyáá ga̱jma̱a̱ numuu xóo nindxu̱u̱, mu xúʼko̱ ma̱ndoo muxuʼmamijnálú náa ikhaa. Índo̱ ikháánʼlú nuraxnuu Ajngá rawuunʼ dí nindxu̱u̱ Biblia, naʼni dí mambaxúlú itháan gajmiúlú ikhaa maski ajndu tséʼyáá.
2. Ndíjkha rí itháan májánʼ mambajxáaʼ ga̱jma̱a̱ʼ Jeobá rá.
Nimbáa tsíyoo gáʼyaaʼ wéñuʼ xóo Jeobá nandoo kaʼyaaʼ. Ikhaa nandoo dí maraxtaa tsímáá ga̱jma̱a̱ dí mataxuʼmáminaʼ náa ikhaa índo̱ gáʼyáaʼ. Ma̱ndoo maratha̱a̱n “xúgíʼ dí naʼni maxmiéjuaanʼ”, numuu rí ikhaa naxmiéjuunʼ kaʼyaaʼ (1 Pedro 5:7). Jeobá xtáa xawii mu mambáyáaʼ, mu maʼni̱i̱ a̱jkia̱a̱nʼ ga̱jma̱a̱ mu maʼdxawaanʼ (atraxnuu Salmo 94:18, 19).
3. Ndiéjunʼ gíʼthu̱u̱n Jeobá rí muni̱ bi̱ nambájxu̱u̱ gajmíin rá.
Jeobá nandoo kaʼñúún xúgíinʼ xa̱bu̱, “mú itháan nambájxu̱u̱ gajmíi̱n bi̱ nuni̱ rí májánʼ” (Proverbios 3:32). Jeobá gíʼthu̱u̱n rí bi̱ nambájxu̱u̱ gajmíi̱n muni̱ rí ikhaa nanigu̱u̱ʼ ga̱jma̱a̱ xúni̱ dí ra̱májánʼ. Mbáa tikhuun nundxaʼwamíjna̱ dí maʼni mingíjyúuʼ matani̱ rí nandoo Jeobá. Mú ikhaa nakro̱ʼo̱o̱ ga̱jma̱a̱ nagruiguíin xúgíinʼ bi̱ nandún kuyáá gajkhun ga̱jma̱a̱ bi̱ nuni̱ tsiakimíjna̱ muni̱ dí nandoo ikhaa (Salmo 147:11; Hechos 10:34, 35).
GAJMAÑAAʼ ITHÁAN
Gajmañaaʼ itháan xú káʼnii gándoo matani̱ mu mambajxáaʼ itháan ga̱jma̱a̱ʼ Jeobá ma̱ngaa ndíjkha dí itháan májánʼ dí mambajxáaʼ ga̱jma̱a̱ʼ ikhaa.
4. Abrahán nimbájxu̱u̱ ga̱jma̱a̱ Jeobá
Rí na̱ʼkha̱ raʼthí náa Biblia ga̱jma̱a̱ numuu Abrahán (ma̱ngaa nigumbiʼyuu Abrán) naʼni mbuʼyáá ndiéjunʼ eyoo gáʼthúu̱n rí mambajxáaʼ ga̱jma̱a̱ʼ Dios. Guraxnuu Génesis 12:1-4 náa naʼthí ga̱jma̱a̱ numuu Abrahán ga̱jma̱a̱ gutamíjnála rígi̱:
Ndiéjunʼ nindo̱ʼo̱o̱ Jeobá maʼni Abrahán rá.
Ndiéjunʼ nikudaminaʼ maʼni Jeobá náa Abrahán rá.
Ndiéjunʼ niʼni Abrahán índo̱ Jeobá niguámbóo niʼthúu̱n dí maʼni xá.
5. Rí Jeobá gíʼthu̱u̱n muni̱ bi̱ nambájxu̱u̱ gajmíi̱n
Xúgiáánʼ kuaʼti̱i̱nlu rí bi̱ nambájxu gajmiúlú muniulú mbá rí májánʼ.
Ndiéjunʼ rí xtaʼti̱i̱n ma’ni ga̱jma̱a̱ numaaʼ bi̱ nambájxáaʼ ga̱jma̱a̱ʼ rá.
Guraxnuu 1 Juan 5:3 ga̱jma̱a̱ gutamíjnála rígi̱:
Ndiéjunʼ gíʼthu̱u̱n Jeobá rí muni̱ bi̱ nambájxu̱u̱ gajmíi̱n rá.
Mu matatsimbaaʼ xtayáá Jeobá ndayóoʼ rí matri̱ʼkhu̱u̱ xóo nindxa̱a̱ʼ ga̱jma̱a̱ xóo natani̱. Guraxnuu Isaías 48:17, 18 ga̱jma̱a̱ gutamíjnála rígi̱:
Náá numuu rí Jeobá nandu̱ʼu̱u̱n bi̱ nambájxu̱u̱ gajmíi̱n dí muriʼkumíjnáá rá.
Mbáa bi̱ nambájxulu májánʼ gajmiúlú naʼthúlú ndiéjunʼ gúʼni mu xágíʼnulúʼ dí ra̱májánʼ ga̱jma̱a̱ mu makuwáanʼlu májánʼ. Ikháá má kayuuʼ eʼni gajmíi̱n Jeobá bi̱ nambájxu̱u̱ gajmíi̱n.
6. Rí naʼni Jeobá ga̱jma̱a̱ numúún bi̱ nambájxu̱u̱ gajmíi̱n
Jeobá nambáñún bi̱ nambájxu̱u̱ gajmíi̱n mu muraʼníí xkujndu. Gu̱ya̱a̱ VIDEO ga̱jma̱a̱ gutamíjnála rígi̱:
Xú káʼnii nimbáyúu Jeobá a̱ʼgu̱ bi̱ ndiʼyáá náa video mu ikhaa xáxmiéjuunʼ ga̱jma̱a̱ xáxtáa ngíná rá.
Guraxnuu Isaías 41:10, 13 ga̱jma̱a̱ gutamíjnála rígi̱:
Ndiéjunʼ ekudaminaʼ Jeobá maʼni ga̱jma̱a̱ numúún bi̱ nambájxu̱u̱ gajmíi̱n rá.
Lá naku̱ma̱a̱ʼ dí ma̱ndoo mambajxáaʼ májánʼ ga̱jma̱a̱ʼ Jeobá ráʼ. Náá numuu rá.
Bi̱ gajkhun nambájxáaʼ gajmiáanʼ kúwi̱i̱n índo̱ ikháán ndayáaʼ rí mumbayáaʼ. Xúʼko̱ má gáʼni Jeobá ga̱jma̱á nindxa̱a̱ʼ ma̱ngaa.
7. Mu mambajxúlú májánʼ gajmiúlú Jeobá ndayóoʼ dí muʼtámíjná gajmiúlú
Mu ma̱ndoo mambajxúlú májánʼ gajmiúlú mbáa ndayóoʼ dí muʼtámíjná gajmiúlú. Guraxnuu Salmo 86:6, 11 ga̱jma̱a̱ gutamíjnála rígi̱:
Xú káʼnii gándoo gúʼtháán Jeobá rá.
Xú káʼnii gándoo gáʼthúlú Jeobá rá.
Ikháánʼlu nuʼtháán Jeobá índo̱ nuʼtájkáan ga̱jma̱a̱ ikhaa naʼthúlú índo̱ nuraxnuu Biblia.
RÍ NUTHI TIKHUN: “Maʼni mingíjyúuʼ dí mambajxúlú gajmiúlú Dios”.
Ndiéjunʼ texto gándoo majmulú mu musngajmá dí ma̱ndoo mambajxúlú gajmiúlú Jeobá rá.
RÍ NAGÁJNURIYO̱O̱ʼ
Jeobá nandoo rí mambajxaaʼ ga̱jma̱a̱ʼ ma̱ngaa mambáyáaʼ mu mi̱dxu̱ʼ kanuu náa ikhaa.
Rí nijmañaaʼ
Xú káʼnii embáñún Jeobá bi̱ nambájxu̱u̱ gajmíi̱n rá.
Náá numuu rí Jeobá naʼthúún bi̱ nambájxu̱u̱ gajmíi̱n dí muriʼkumijnáá rá.
Lá naku̱ma̱a̱ʼ ikháán dí Jeobá gíʼthu̱u̱n rí muni̱ asndu rí xáʼngu̱u̱n bi̱ nambájxu̱u̱ gajmíi̱n ráʼ. Náá numuu tatsaʼwáminaʼ xúʼko̱ rá.
ATAYÁÁ ITHÁAN
Ndiéjunʼ gámbáyaaʼ rí mambajxaaʼ ga̱jma̱a̱ʼ Dios rá.
Gajmañaaʼ xóo mambajxáaʼ ga̱jma̱a̱ʼ Dios
Atayáá náá numuu rí mbáa a̱ʼgu̱ naʼthí rí mambajxúu ga̱jma̱a̱ Jeobá nimbáyúu mu maxtáa májánʼ.
“¡Ikhúún taʼndoʼ rí makañúnʼ!” (Bi̱ Nayejngoo, núm. 1 tsiguʼ 2017)
Atadxawíín rí nuthi tikhuun jiáma ma̱ngaa wa̱ʼxa̱ʼ ga̱jma̱a̱ numuu Jeobá.
Ndiéjunʼ eyoo gáʼthúu̱n rí mambajxáaʼ ga̱jma̱a̱ʼ Dios rá. (1:46)