Atie̱wa̱a̱n xóo majmaʼ redes sociales

NDÍJKHA RÍ GÍʼDOO NUMUU: Numuu rí mbaʼa rí narígá, redes sociales ma̱ndoo mayambáá wéñuʼ o na̱nguá. Tikhun cristianos niraʼwi̱i̱ rí xajmún, ga̱jma̱a̱ eʼwíínʼ najmún mu mutamíjná gajmiún a̱ngiu̱ún ga̱jma̱a̱ bi̱ nambáxu̱u̱n gajmiún. Mú Gixa̱a̱ nandoo rí majmulúʼ raʼkhí redes sociales ga̱jma̱a̱ muʼni gachíí rí nambáxulúʼ gajmiúlú Jeobá. Rí xúgi̱, ga̱jma̱a̱ ikha rí naxnúlú Biblia ma̱ndoo mbuʼyáá tsáʼkhá ga̱jma̱a̱ muʼnigaʼduunʼ xó má niʼni Jesús (Lu 4:4, 8, 12).

RÍ GÍʼMAA MUÑEWA̱A̱N:

• Majmulúʼ wéñuʼ tiempo. Rí manújngulú wéñuʼ horas náa redes sociales ga̱jma̱a̱ náa Internet ma̱ndoo marígú kaʼyulú mbiʼi rí muʼni ñajunʼ Dios.

  Ikha rí naxná Biblia: (Ef 5:15, 16; Flp 1:10)

• Rí mbuʼyáá dí ragíʼmaa. Rí ma̱ta̱ya̱a̱ xtiʼkhu rí naxkaxi̱i̱n matani dí ra̱májánʼ ma̱ndoo maʼga̱ kañán ma̱ta̱ya̱a̱ pornografía o matani aʼkhá ga̱jma̱ʼ mbáa. Rí maraxnuu rí nuthi apóstatas maʼni rí mámbáa fe ndrígáʼ.

  Ikha rí naxná Biblia: (Mt 5:28; Flp 4:8)

• Rí matani comentarios o mataxuʼdáʼ xtiʼkhu rí tséʼgui̱i̱. Numuu rí a̱jkiu̱lú ma̱ndoo maʼni nduwánʼ, mbáa xa̱bu̱ ma̱ndoo maʼthí o makudáʼ mbá xtiʼkhu rí tséʼgui̱i̱ náa redes sociales. Rí maʼni rígi̱ ma̱ndoo makujmaa xóo nindxu̱u̱ o maʼni makaguabaaʼ fe ndrígu̱ún eʼwíínʼ.

  Ikha rí naxná Biblia: (Ro 14:13; Ef 4:29)

NDA̱WA̱Á RÍ NITAYÁÁ VIDEO Á MU NAJMAʼ INTERNET ATIE̱WA̱A̱N XÓO MAJMAʼ, ATAYÁÁ XÓO MATIEWUMÍNAʼ NÁA RÍGI̱: