Referencias ndrígóo I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos
7-13 OCTUBRE
GÍʼDOO NUMUU RÍ NA̱ʼKHA̱ NÁA BIBLIA | SANTIAGO 3-5
“Gusngajmálú ku̱ma̱ ndrígóo Dios”
(Santiago 3:17) Mú ku̱ma̱ rí na̱ʼkha rijma̱a̱ nindxu̱u̱ mikaʼwu, tséyáʼ xkujndu, nakro̱ʼo̱o̱, xtáa xawii mu maʼnimbo̱o̱, nagáwíinʼ a̱jkiu̱u̱n ga̱jma̱a̱ naʼni rí májánʼ, tsiraʼwíin xa̱bu̱, na̱nguá gíʼdoo a̱jma̱ inuu.
cl-S 221, 222 kutriga̱ 9, 10
Lá rígá “ku̱ma̱ rí na̱ʼkha rijma̱a̱” náa ikháán ráʼ.
9 Ginii kayuuʼ “nindxu̱u̱ mikaʼwu”. Náa ajngáa griego “casta” nandoo gáʼthún kaʼwu, xó má awúún ga̱jma̱a̱ mbájnii. Biblia na’ni marigá ku̱ma̱ náa a̱jkiu̱lú, xándoo gagruigú ku̱ma̱ rí na̱ʼkha náa Dios á mu náa edxulú rígá rí nawa̱ʼa̱ muʼni dí ra̱májánʼ (Proverbios 2:10; Mateo 15:19, 20). Mú, á mú kaʼwu a̱jkiu̱lú, maski ajndu ni̱ndxu̱lú xa̱bu̱ aʼkhá ‹ma̱ndoo muʼni gaʼduunʼ dí ra̱májánʼ ga̱jma̱a̱ muʼni rí májánʼ› (Salmo 37:27; Proverbios 3:7). Lá na̱nguá májánʼ nindxu̱u̱ rí kaʼwu maʼni timbá cualidad ndrígóo ku̱ma̱ rí na̱ʼkha rijma̱a̱ ráʼ. Á mú xúʼko̱, xú káʼnii gusngajmá dí na̱nguá kuwáanʼ kaʼwu náa rí nuʼni ga̱jma̱a̱ xóo eʼyamajkuíí Dios rá.
10 “Tséyáʼ xkujndu”. Ku̱ma̱ rí na̱ʼkha̱ mekhuíí naʼni mbuʼyáʼ rí tsímáá dí naxna xi̱ʼ kaʼwu (Gálatas 5:22). Ikha jngó, nuʼni tsiakimíjna mú xúʼni̱ gachíí “rí naʼni makuwáanʼ tsímáá” rígi̱ naʼni makuwáanʼ jnduʼ náa xuajñuu Jeobá (Efesios 4:3). Ma̱ngaa nuʼni asndu xóo má eʼngo̱o̱ mú makuwáanʼ mbá kambáxulú índo̱ narígá xkujndu. Ndíjkha jngó gíʼdoo numuu muʼni xúʼko̱ rá. Numuu rí náa Biblia naʼthí: “Gaʼdxala má xúʼko̱, [...] rí makuwáanʼ tsímáá; ga̱jma̱a̱ Dios bi̱ nandoo kaʼyala ga̱jma̱a̱ bi̱ gíʼdoo rí tsímáá gaxtáa náa ikháanʼla” (2 Corintios 13:11). Ikhá jngó á mu tséʼyáʼ xkujndu Dios bi̱ gíʼdoo rí tsímáá gaxtáa ga̱jmaá nindxúlú. Índo̱ nu̱ʼniu̱u̱n rí májánʼ a̱ngiu̱lú bi̱ guáʼdáá ikháá má fe nambáxulúʼ májánʼ gajmiúlú. Xú kaʼnii esngajmálú rí tséʼyáʼ xkujndu rá. Guʼyáá mbá xkri̱da.
(Santiago 3:17) Mú ku̱ma̱ rí na̱ʼkha rijma̱a̱ nindxu̱u̱ mikaʼwu, tséyáʼ xkujndu, nakro̱ʼo̱o̱, xtáa xawii mu maʼnimbo̱o̱, nagáwíinʼ a̱jkiu̱u̱n ga̱jma̱a̱ naʼni rí májánʼ, tsiraʼwíin xa̱bu̱, na̱nguá gíʼdoo a̱jma̱ inuu.
cl-S 223 kutriga̱ 12
Lá rígá “ku̱ma̱ rí na̱ʼkha rijma̱a̱” náa ikháán ráʼ.
12 “Nakro̱ʼo̱o̱”. Ndiéjunʼ eyoo gáʼthúu̱n ajngáa rígi̱ rá. Tikhun xa̱bu̱ bi̱ najmañún nuthi rí ajngáa griega rí naʼthí náa Santiago 3:17 nindxu̱u̱ mingíjyúuʼ miʼtájuíi. I̱ʼwáʼ Biblia naʼthí ajngáa xóo rígi̱ “májánʼ a̱jkiu̱u̱n”, “naʼngo̱o̱ a̱jkiu̱u̱n” ga̱jma̱a̱ “ndaʼyamajkulú”. Náa Traducción del Nuevo Mundo nasngájmaa náa mbá nota rí nandoo gáʼthún bi̱ “naniñaminaʼ”. Xú káʼnii esngájma dí rígá ku̱ma̱ rí na̱ʼkha rijma̱a̱ náa ikháanʼlu rá.
cl-S 224, 225 kutriga̱ 14, 15
Lá rígá “ku̱ma̱ rí na̱ʼkha rijma̱a̱” náa ikháán ráʼ.
14 “Xtáa xawii mu maʼnimbo̱o̱”. Ajngáa rígi̱ naʼtájuíi mbóó miʼtsu rí nakujma náa versículo ndrígóo Escrituras Griegas Cristianas. Mbá bi̱ nakro̱ʼo̱o̱ naʼthí, “nguáná ajngáa rígi̱ najmaa mu muxprigún soldados”. Rígi̱ nambáñun mu “xáʼniún mingíjyúuʼ makru̱ʼu̱u̱n” ga̱jma̱a̱ “munimbu̱ún”. Ikha jngó, bi̱ naʼni xó ma ku̱ma̱ rí na̱ʼkha rijma̱a̱ naʼnimbánuu ga̱jma̱a̱ gagi kiʼtáñajunʼ rí na̱ʼkha̱ náa Biblia. Tsiriʼkuu mbá rí maʼthí ga̱jma̱a̱ nda̱wa̱á tséʼni gaʼduunʼ dí maxtiʼkuii maski ajndu kúwi̱i̱n bi̱ nuthi dí raʼkhí ga̱jma̱a̱ numuu. Rí phú naʼni, nariʼkhu̱u̱ mbá nacha̱ á mu náa Biblia nasngájma rí xóo naʼni nindxu̱u̱ ra̱májánʼ. Lá xúʼko̱ ni̱ndxu̱lú ráʼ.
“Nagáwíinʼ a̱jkiu̱u̱n ga̱jma̱a̱ naʼni rí májánʼ”
15 “Nagáwíinʼ a̱jkiu̱u̱n ga̱jma̱a̱ naʼni rí májánʼ”. Ku̱ma̱ rí na̱ʼkha rijma̱a̱ gíʼdoo wéñuʼ rí “Nagáwíinʼ a̱jkiu̱u̱n”, ma̱ngaa na̱ʼkha̱ ga̱jma̱a̱ cualidad rígi̱ dí “naʼni rí májánʼ”, ikha jngó nduʼyáá kaʼwu rí na̱ʼkha̱ raʼthí náa Biblia dí magáwíinʼ a̱jkiu̱lú ma̱ngaa nandoo gáʼthún rí maxmiéjunlu kuʼñúún eʼwíínʼ, rí magáwíinʼ a̱jkiu̱lú, magiʼdoo wéñuʼ numuu ñajunʼ rí nuʼni náa Dios. Náa mbóo i̱yi̱i̱ʼ naʼtájuíi dí nagáwíínʼ a̱jkiu̱lú nindxu̱u̱ xóo “maxmiéjuanʼ xtañún bi̱ numíniiʼ, rúʼko̱ gaxkajxi̱i̱n mu matambáñun”. Mú ku̱ma̱ rí na̱ʼkha̱ rijma̱a̱ na̱nguá nindxu̱u̱ ra̱májánʼ, nindxu̱u̱ májánʼ wéñuʼ. Xú káʼnii esngájma rí nagáwíinʼ a̱jkiu̱lú rá.
(Santiago 3:17) Mú ku̱ma̱ rí na̱ʼkha rijma̱a̱ nindxu̱u̱ mikaʼwu, tséyáʼ xkujndu, nakro̱ʼo̱o̱, xtáa xawii mu maʼnimbo̱o̱, nagáwíinʼ a̱jkiu̱u̱n ga̱jma̱a̱ naʼni rí májánʼ, tsiraʼwíin xa̱bu̱, na̱nguá gíʼdoo a̱jma̱ inuu.
cl-S 226, 227 kutriga̱ 18, 19
Lá rígá “ku̱ma̱ rí na̱ʼkha rijma̱a̱” náa ikháán ráʼ.
18 “Tsiraʼwíin xa̱bu̱”. Ku̱ma̱ dí na̱ʼkha̱ rijma̱a̱ nambáyulú mu xúraʼwíin xa̱bu̱ bi̱ mixtiʼkhu color ga̱jma̱a̱ xuajñún, á mu nuniʼñánʼ dí ku̱ma̱ rígi̱ maxnúlú ikha ga̱jma̱a̱ rí nuʼni, xúʼko̱ guríya̱a̱ʼ dí gíwanʼ náa a̱jkiu̱lú dí raʼkháa tikhu̱ún gumbáñun (Santiago 2:9). Raʼkháa numuu rí najmañuu, dí gíʼdoo wéñuʼ o rí gíʼdoo mbaʼa ñajunʼ náa congregación maʼndulú kuʼyáá mbáa, ni má tséʼniu̱u̱n dí raʼkhí a̱ngiu̱lú maski asndu gíníi. Á mu dí Jeobá nandoo kaʼñúún gíʼmáanʼ rí maʼndulú kuʼñúún mangáanʼ.
19 “Na̱nguá gíʼdoo a̱jma̱ inuu”. Ajngáa griego rí najuiʼtájuíi “a̱jma̱ inuu” nandoo gáʼthúu̱n “bi̱ naʼni i̱ndó mu mbuyáá xa̱bu̱”. Nákha wajyúuʼ, griegos ga̱jma̱a̱ romanos bi̱ nutajuíi, nuyégun máscara náa numinduʼ xa̱bu̱. Ikha jngó, ikhú niku̱mu̱u̱ ajngáa bi̱ “a̱jma̱ inuu” nindxu̱u̱ bi̱ naʼni nduwaʼ mu maʼni rí xa̱bu̱ munduʼwa. Ikha jngó ku̱ma̱ rí na̱ʼkha̱ mekhuíí raʼkháa i̱ndó gíʼmaa marigá náa ikháanʼlu índo̱ nuʼniu̱u̱n rí májánʼ eʼwíínʼ a̱ngiu̱lú, ma̱ngaa rí xóo nakumulú náa ikhiin.
Guʼyááʼ rí gíʼdoo numuu
(Santiago 4:5) Lá nakumala ikháanʼ dí ragíʼdoo numuu rí naʼthí náa escritura ráʼ. Rí “espíritu dí rígá náa ikháan’lú xóó naʼni dí maxígulú”.
w08-S 15/11 20 kutriga̱ 6
Rí itháan nagajnuriyoo náa libro ndrígóo Santiago ga̱jma̱a̱ Pedro
4:5. Ndiéjunʼ texto ndrígóo Biblia nijmuu Santiago rá. Gi̱i̱ Santiago na̱nguá eʼthí ga̱jma̱a̱ numuu nimbá versículo. Ajngáa rígi̱ nindxu̱u̱ rí na̱ʼkha̱ náa Dios mbáa nigájnuu náa texto xóo Génesis 6:5; 8:21; Proverbios 21:10 ga̱jma̱a̱ Gálatas 5:17.
(Santiago 4:11, 12) A̱ngui̱nʼ guniʼñánʼ rutanúmún eʼwíínʼ. Bi̱ naʼthá numuu ndxájuu o bi̱ naʼthá wéñu’, naʼthá numuu xtángoo ga̱jma̱a̱ na’thá wéñu’. Ikha jngó á mu naratá wéñíí’ xtángoo, tsítani rí naʼthí náa xtángoo, ni̱ndxa̱ʼ bi naʼni. 12 Mbáwíi nindxu̱u̱ bi̱ naʼni xtángoo ga̱jma̱a̱ juez, bi̱ maʼngo̱o̱ maʼni káwíin ga̱jma̱a̱ bi̱ maʼni gámbíin. Mú [ikháán] tsáa ni̱ndxa̱ʼ mu marata̱ wéñíí’ ndxájua’ rá.
w97-S 15/11 20 kutriga̱ 8
Fe naʼni rí ma̱ngoo a̱jkiu̱lú ga̱jma̱a̱ muʼtájkáan ma xúʼko̱
8 Rí maratha númáá mbáa ndxájuaʼ bi̱ gíʼdoo ikháá má fe xóo ikháán nindxu̱u̱ mbá aʼkhá (Santiago 4:11, 12). Mú tikhun nuta numún a̱ngiu̱ún, ga̱jma̱a̱ numuu rí xóo nuni o ga̱jma̱a̱ numuu rí nandún muxuximi̱jna̱ rí najmañún itháan ikhiin ki xóo eʼwíínʼ (Salmo 50:20; Proverbios 3:29). Ajngáa griego rí najuiʼtájuíi ‹maratha núma› nandoo gáʼthúu̱n rí mawiyaaʼ ma̱ngaa matani xtuxtaa o matani nduwaʼ, nambríguii ga̱jma̱a̱ dí maratha rí magíʼnuu dí raʼkhí mbáa ndxájuaʼ. Náa numuu dí rígi̱ nindxu̱u̱ xóo ‹maratha númáá xtángoo ndrígóo Dios náa naʼthí rí mugíʼnin xa̱bu̱› rá. Bi̱ escribas ga̱jma̱a̱ fariseos ‹nuni nijníi xtángoo ndrígóo Dios› ga̱jma̱a̱ nuniun xa̱bu̱ xó má eñún ikhiin (Marcos 7:1-13). Ikháá má kayuuʼ á mu xúʼko̱ eʼni̱i̱ mbáa ndxájulú dí raʼkháa Jeobá eʼthí magíʼnuu, lá raʼkháa makuwáánʼ ‹ruʼthá numáá xtángoo ndrígóo Dios› ga̱jma̱a̱ muxuʼdámijná aʼkhá dí rakáʼyoo ráʼ. Á mu nuʼthá dí raʼkhí ga̱jma̱a̱ numún a̱ngiu̱lú, na̱nguá kuwáanʼ ruʼnimbáníí xtángoo rí maʼndulú kuʼñúún (Romanos 13:8-10).
Migixnuu Biblia
(Santiago 3:1-18) A̱ngui̱nʼ raʼkháa mbaʼáanʼ dí ikháanʼla gíʼmaa mani̱ndxa̱la bi̱ naʼsngáa, numuu rí nduʼyáá dí maxtandaʼaaʼlú cuenta rí majphú gakhi̱i̱. 2 Numuu rí xúgiáanʼ nakiéʼkulu mbaʼa nuthu. Á mu mbáa tsikiéʼkúun ga̱jma̱a̱ ajngáa, bugi̱ nindxu̱u̱ xa̱bu̱ bi̱ nda̱a̱ a’khúu̱n, ma̱ngaa maʼngo̱o̱ marikhoo xúgíʼ xuyuʼ. 3 Á mu nugídáʼ frenos rawúnʼ guáyú mu munimbu̱ún kuyulú, xúʼko̱ nandoo najkua kuʼdiin náa eyulú ikháanʼ. 4 Gu̱ya̱a̱ ma̱ngaa barcos: Maski ajndu mba̱ʼu̱ weñu mú índo̱ naxnúu giñánʼ gakhi̱i̱ naʼngoʼ nakuʼdinguanʼ, chíʼgí volante ndrígóo mú bi̱ na̱jkha̱ kayóo nandoo naxna ikhoo náa gíʼmaa maʼga̱. 5 Xúʼko̱ má ma̱ngaa raju̱nlú nindxu̱u̱ mbá chíʼgíʼ xuyulú ga̱jma̱a̱ mbaʼa rí gáʼngo̱o̱ maʼni. ¡Gu̱ya̱a̱! ¡Mbá chíʼgíʼ aguʼ maʼngo̱o̱ matsikhá mbá xáná mba̱a̱! 6 Ra̱ju̱nlú nindxu̱u̱ xóo mbá aguʼ. Ra̱ju̱nlú nandoo gáʼthúu̱n xóo mbá numbaaʼ dí ra̱májánʼ dí rígá náa xuyulúʼ, numuu rí naʼni gachúu xúgíʼ xuyulúʼ ga̱jma̱a̱ xóo riʼyu̱u̱ aguʼ ekati̱yo̱o̱ʼ náa vida ndrígúlú ma̱ngaa naʼni rí mikháanʼlú náa Gehena. 7 Numuu rí xúgínʼ xujkhú xáná xó má bi̱ nagún rijma̱a̱ ga̱jma̱a̱ bi̱ nuxmajtamijná ma̱ngaa bi̱ kajchún náa awúu̱n iyaʼ gíʼmaa mani̱ndxu̱ún xujkhú karaʼdiin, niguánú ninindxu̱ún xujkhú karaʼdiin náa xa̱bu̱. 8 Mú ra̱ju̱nlú nimbáa xa̱bu̱ numbaaʼ xá’ngo̱o̱ gárikhoo. Naʼni marígá xkujndu ga̱jma̱a̱ na’ni gawunlú, gíʼdoo veneno rí maxíña̱a̱n. 9 Ga̱jma̱a̱ rígi̱ nuʼni mba̱a̱ Jeobá bi̱ nindxu̱u̱ Anu̱lú, mú ma̱ngaa nuʼthá tsrigú ga̱jma̱a̱ numún xa̱bu̱ bi̱ nigumiin “xó má kaʼnii Dios”. 10 Náa rawunlú nagájnuu rí májánʼ ga̱jma̱a̱ nuʼthá tsrigú. A̱ngui̱nʼ, ragíʼmaa marigá rígi̱. 11 Iyaʼ rí mitaun ga̱jma̱a̱ rí miʼkhu̱u̱n xándoo magajnúu náa mbó iduu iyaʼ, lá ragájkhun ráʼ. 12 A̱ngui̱i̱nʼ, ixi̱ higo xándoo maxná aceitunas, ni ma ixi̱ uva xándoo maxná higos, lá ragájkhun ráʼ. Xúʼko̱ ma iyaʼ dí maríná xándoo magajnúu iyaʼ rí mitaun. 13 Tsáa nindxu̱u̱ bi̱ najmañuu ga̱jma̱a̱ nakroʼoʼ náa ikháanʼla rá. Gusngajmá rí májánʼ wéñuʼ e̱ni̱ rí nindxala xa̱bu̱ guabaaʼ náa ku̱ma̱ rí kuaʼdáá. 14 Mú, á mu náa a̱jkia̱la rígá tsixígu ga̱jma̱a̱ nanigualaʼ muxmíjná, xajngruigala rutha dí raʼkháa ikhaa ma̱ngaa xajngruigalaʼ rutha dí ragájkhun. 15 Ku̱ma̱ rígi̱ tséʼkha̱ rijma̱a̱, nindxu̱u̱ dí rígá náa numbaaʼ, náa xujkhúʼ, náa xa̱bu̱ wéñiʼ. 16 Numuu rí náa rígá tsíxígú ga̱jma̱a̱ xkujndu, ga̱jma̱a̱ ikhí rígá dí xkawiʼ wéñuʼ. 17 Mú ku̱ma̱ rí na̱ʼkha rijma̱a̱ nindxu̱u̱ mikaʼwu, tséyáʼ xkujndu, nakro̱ʼo̱o̱, xtáa xawii mu maʼnimbo̱o̱, nagáwíinʼ a̱jkiu̱u̱n ga̱jma̱a̱ naʼni rí májánʼ, tsiraʼwíin xa̱bu̱, na̱nguá gíʼdoo a̱jma̱ inuu. 18 Ma̱ngaa, rí naxná rí jmbu, tsígoʼ najuiʼdu náa rí tsímáá ga̱jma̱a̱ numún xa̱bu̱ bi̱ nuni marigá rí tsímáá.
14-20 OCTUBRE
GÍʼDOO NUMUU RÍ NA̱ʼKHA̱ NÁA BIBLIA | 1 PEDRO 1, 2
“Ganindxalaʼ mikaʼwáan wéñuʼ”
(1 Pedro 1:14, 15) Xóo e̱ji̱n bi̱ nunimbu̱ún, guniʼñáʼ rundxa’wamíjna náa rí niniguala muni nákha ginii nákha xóó tséya̱a̱, 15 xó má bi Mikaʼwii wéñuʼ nindxaʼwála, ganindxalaʼ mikaʼwáan wéñuʼ náa xúgíʼ rí nuni̱,
Rí nijuiʼtsiwáanʼ nindxu̱u̱ mbá regalo ndrígóo Anu̱lú
5 Xú káʼnii gusngajmá ikháanʼ rí nandulúʼ kuʼyáá mbiʼyuu Jeobá rá. Ga̱jma̱a̱ rí nuʼnilú. Jeobá gíʼthúu̱n rí manindxu̱lúʼ kaʼwáanʼ (atraxnuu 1 Pedro 1:15, 16). Ikha jngó nuʼni mba̱a̱ i̱ndó ikhaa ga̱jma̱a̱ nuʼnimbulúʼ kuʼyáá ga̱jma̱a̱ xúgíʼ a̱jkiu̱lú. Asndu índo̱ nuxkulú, nuʼnimi̱jna̱ makuwáanʼ xó má eʼsngúlúʼ Jeobá. Índo̱ nuʼnimbulúʼ xtángoo ndrígóo, nuxnáá gamajkhu mbiʼyuu (Mat. 5:14-16). Ma̱ngaa, nusngajmá rí xtángoo ndrígóo nindxu̱u̱ májánʼ ga̱jma̱a̱ rí Satanás naʼni nduwaʼ. Gajkhun má, nakiéʼkulú numuu rí ñajunlú xa̱bu̱ aʼkhá. Mú natanga̱a̱ a̱jkiu̱lú ga̱jma̱a̱ nuʼnimi̱jna̱ xúʼni̱ xúgíʼ rí maʼni gachúu mbiʼyuu Jeobá (Sal. 79:9).
(1 Pedro 1:16) numuu rí kiʼniraʼmáʼ: “Gíʼmáanʼ manindxala mikaʼwáanʼ, numuu rí ikhúúnʼ ni̱ndxu̱ʼ mikaʼwún”.
Xú káʼnii guraʼwíí dí muʼni gagimijná májánʼ rá.
6 Pablo niʼthún cristianos bi̱ nikuwa náa Roma: “Xúxnaxí xuyala náa aʼkhá”. Xúʼko̱ má ma̱ngaa niʼthún dí xúni̱ xó má eguaʼa xuñúnʼ (Romanos 6:12-14; 8:13). Nákha wapháá, niʼthí ga̱jma̱a̱ numuu xuyulúʼ ga̱jma̱a̱ xú káʼnii ejmaa mu maʼni dí ra̱májánʼ. Niʼthí ga̱jma̱a̱ numún xa̱bu̱ aʼkhá índo̱ niʼthí: “Ga̱jma̱a̱ rawúnʼ gajthíí dí ra̱májánʼ”. “Kuwa xawii má xúʼko̱ mu muradíin eʼwíínʼ”. “Tsímiñun kuyáá Dios”. (Romanos 3:13-18.) Ndiéjunʼ gárígá á mu mbáa cristiano najmuu xuyuʼ mu maʼni aʼkhá xóo rúʼko̱ rá. Maxtáa raʼni gachúu xúgíʼ xuyuʼ. Mbá xkri̱da, á mu xtáa má raʼyoo xtiʼkhuu dí mitsaga, xóo náa nubúnʼ xa̱bu̱ o nagájnún tsaʼtsin ga̱jma̱a̱ ma̱ngaa náa tsígawiinʼ a̱jkiu̱ún kuyamijná índo̱ nuxmijná, ikhú maxtáa raxnáxi iduu náa aʼkhá ga̱jma̱a̱ xúʼko̱ eʼni gachúu xúgíʼ xuyuʼ. Ní xándoo gaxnáxi xóo tsigijñaʼ májánʼ náa Dios, numuu rí nánguá exnúu mbá gamajkhu kaʼwu (Deuteronomio 15:21; 1 Pedro 1:14-16; 2 Pedro 3:11). Numuu dí niraʼwíí maʼni gagiminaʼ ga̱jma̱a̱ dí ra̱májánʼ, ikhaa má gámínuʼ wéñuʼ nda̱wa̱á.
Guʼyááʼ rí gíʼdoo numuu
(1 Pedro 1:10-12) Ga̱jma̱a̱ numuu rí makáwáanʼ, rígi̱ nitariyaʼ gaʼyee ga̱jma̱a̱ numuu rí májánʼ wéñuʼ dí gíʼmaa marigá ga̱jma̱a̱ numala, ndiyáʼ ga̱jma̱a̱ tsumáá. 11 Ndiyáʼ má xúʼko̱ mbuyáá itháan náá phú mbi̱ʼi̱i̱ gáʼni ga̱jma̱a̱ numuu Cristo, xi̱ʼ dí rígá náa ikhiin ikhaa naʼthúún wapháá dí mamínuʼ Cristo ma̱ngaa ga̱jma̱a̱ numuu glorias rí ikhiin magún kidxuuʼ. 12 Ikhiin niguánu ndiyáá dí raʼkháa ga̱jma̱a̱ numún ikhiin, ga̱jma̱a̱ numala ikháanʼ, nuxna rí guáʼdáá rí xúgi̱ nidxáwiinla ikháanʼ ga̱jma̱a̱ numún bi̱ nitariyaʼ Ajngáa rí májánʼ ga̱jma̱a̱ xi̱ʼ kaʼwu dí ni̱ʼkha̱ asndu náa mekhuíí. Ga̱jma̱a̱ numuu rígi̱ Ángeles nandún mbuyáá ga̱jma̱a̱ tsumáá.
w08-S 15/11 21 kutriga̱ 10
Rí itháan nagajnuriyoo náa libro ndrígóo Santiago ga̱jma̱a̱ Pedro
1:10-12. Ángeles nindúún makru̱ʼu̱u̱n rí Dios gíʼdoo ngu̱ʼwa̱, rí niniraʼmáʼ gaʼyee bi̱ nikuwa nakha wajyúúʼ ga̱jma̱a̱ numuu rí gajkhun ndrígóo congregación cristiana dí kixtaʼwíí. Mú gajkhun, rígi̱ xóó tákru̱ʼu̱u̱n asndu índo̱ Jeobá nigíʼ congregación cristiana (Efe. 3:10). Guʼyaridáá xkri̱da ndrígu̱ún ángeles guʼyáʼ majmañulúʼ “asndu dí itháan mi̱jnu̱ʼ endxa̱ʼóo edxu̱u̱ Dios” (1 Cor. 2:10).
(1 Pedro 2:25) Numuu rí ikháanʼla ningruigala xóo mugu̱ bi̱ niríyamina’; mú xúgi̱ nigutangáanʼ náa báxtúu ga̱jma̱a̱ superintendente ndrígála.
it-2-S 2 1075 kutriga̱ 1
Superintendente
Superintendente bi̱ phú minaʼ. Náa 1 Pedro 2:25 apóstol niʼthí rí kiʼniraʼmáʼ náa Isaías 53:6 índo̱ niʼthí: “Ningruigala xóo mugu̱ bi̱ niríyamina’”, ga̱jma̱a̱ niʼthí xóo: “Mú xúgi̱ nigutangáanʼ náa báxtúu ga̱jma̱a̱ superintendente ndrígála”. Ajngáa rígi̱ naʼthí ga̱jma̱a̱ numuu Jeobá Dios, Pedro niʼnirámáʼ náa inún bi̱ túniñanʼ Jesús, dí ga̱jma̱a̱ numuu ikhaa nitangi̱ín mbu̱júu̱ náa Jeobá Dios, báxtúu bi̱ itháan mba̱a̱ náa xuajñuu (Sl 23:1; 80:1; Jer 23:3; Eze 34:12). Jeobá ma̱ngaa nindxu̱u̱ superintendente, xóo mbáa bi̱ nayexu̱u̱ dí narígá (Sl 17:3). Bi̱ nayexu̱u̱ xú káʼnii rígá (náa ajngáa griego e·pi·sko·pḗ) nambánii ga̱jma̱a̱ mbá dí marígá, xóo ma nigíʼnuu Jerusalén nakha siglo timbá TS.N. Bi̱ na̱nguá ndiyáá rí Jeobá xtáa rayeʼxu̱u̱n [náa ajngáa griego e·pi·sko·pḗs]’ (Lu 19:44). Mbáa ma̱ndoo marigá mbá rí máján ga̱jma̱a̱ rí mambáñun, xó má bi̱ muni “mba̱a̱ Dios mbiʼi rí ikhaa gáʼkha̱a̱ gáyexi” [náa ajngáa griego e·pi·sko·pḗs] (1Pe 2:12).
Migixnuu Biblia
(1 Pedro 1:1-16) Pedro, apóstol ndrígóo Jesucristo, bi̱ kuwa mbá xngaa náa Ponto, Galacia, Capadocia, Asia ga̱jma̱a̱ Bitinia, bi̱ nixtaʼwíin 2 xó má Anu̱lú Dios nda’yoo asndu nákha ginii, dí magumaa kaʼwi̱ín ga̱jma̱a̱ xi̱ʼ, mu xúʼko̱ munimbu̱u̱n ma̱ngaa niguma kaʼwi̱ín ga̱jma̱a̱ eʼdiuu Jesucristo: Gagaja̱ itháan rí májánʼ a̱jkia̱la ga̱jma̱a̱ rí tsímáá náa ikháanʼla. 3 Aguma mba̱a̱ Dios Anu̱u̱ Señor Jesucristo, numuu rí Jesucristo nigabi̱i̱ náa majñúnʼ wajinʼ, nixnúlú nuxi̱ʼ rí magumáan mu makuwáanʼ ga̱jma̱a̱ numuu rí kuaʼthi̱i̱nlú numuu rí naʼni mba̱a̱ a̱jkiu̱u̱n kaʼyulú wéñuʼ, 4 makhánun mbá rí nditháan xándáti̱ga̱, xáʼchúu ga̱jma̱a̱ xámbumún. Rí nixtagixi̱i̱ mekhuíí makhánala ikháanʼ, 5 bi̱ naxtiewuun ga̱jma̱a̱ numuu tsiakii ndrígóo Dios ga̱jma̱a̱ numuu fe, rí maʼnikáwáanʼla riga xawii mu makujmaa náa iwáá mbiʼi. 6 Ga̱jma̱a̱ numuu rígi̱ ikháanʼ kuwáanʼ gagi, maski ajndu xúgi̱ imbá chíʼgíiʼ mbiʼi guanúu, mbáa ninújngala má mixtiʼkhu tsáʼkhá dí naʼni makuwáanʼla gíná, 7 mu makujmaa á mu gujkhuʼ fe ndrígálá, rí itháan gíʼdoo numuu ki xóo oro rí naguámbáa maski ajndu nanújngoo náa inuu aguʼ, manindxu̱u̱ mbá rí maguma mba̱a̱ mu mixnáá gloria ga̱jma̱a̱ gamajkhu mbiʼi rí makujmaa Jesucristo. 8 Maski ajndu túya̱a̱ nimbá miʼtsú, nandala ku̱ya̱a̱. Maski ajndu xúgi̱ tséya̱a̱la, mu kuaʼdáá fe náa ikhaa ga̱jma̱a̱ kuwáanʼ gagi wéñuʼ rí asndu nda̱a̱ xóo muʼthá ga̱jma̱a̱ naguma mba̱a̱, 9 índo̱ niʼni gáxi̱i̱ fe ndrígála rí maʼni káwáanʼ. 10 Ga̱jma̱a̱ numuu rí makáwáanʼ, gaʼyee nitariyaʼ ga̱jma̱a̱ numuu rí májánʼ wéñuʼ dí ikháanʼla mundrígú, [ikhiin] ninigajmaa ga̱jma̱a̱ ndiyáʼ tsu̱ma̱á. 11 Ndiyáʼ má xúʼko̱ mbuyáá itháan náá phú mbi̱ʼi̱i̱ gáʼni ga̱jma̱a̱ numuu Cristo, xi̱ʼ dí rígá náa ikhiin naʼthúún wapháá dí mamínúuʼ Cristo ga̱jma̱a̱ gloria dí magruigú nda̱wa̱á. 12 Ikhiin ndiyáá rí tuñajunʼ ga̱jma̱a̱ numún ikhiin, niñajunʼ ga̱jma̱á numala ikháanʼ, rí nambánii ga̱jma̱a̱ rí nidxawíínla ga̱jma̱a̱ numún bi̱ nithala ajngáa rí májánʼ ga̱jma̱a̱ xi̱ʼ kaʼwu dí ni̱ʼkha̱ asndu mekhuíí. Ga̱jma̱a̱ rígi̱ ángeles nandún mbuyáá ga̱jma̱a̱ tsu̱ma̱á. 13 Ikha jngó, guniratáá edxa̱la mu muñejunʼ, ga̱jma̱a̱ gudxa̱ʼwa̱a̱ májánʼ edxala; gaku̱ma̱la ku̱ya̱a̱ ngajua rí gajkhun dí kuáʼti̱i̱n mundrígúu nda̱wa̱á índo gákujmaa Jesucristo. 14 Xóo e̱ji̱n bi̱ nunimbu̱ún, guniʼñáʼ rundxa’wamíjna náa rí niniguala mu̱ni̱ nákha ginii nákha xóó tséya̱a̱, 15 xó má bi Mikaʼwii wéñuʼ nindxaʼwála, ganindxalaʼ mikaʼwáan wéñuʼ náa xúgíʼ rí nuni̱, 16 numuu rí kiʼniraʼmáʼ: “Gíʼmáanʼ manindxala mikaʼwáanʼ, numuu rí ikhúúnʼ ni̱ndxu̱ʼ mikaʼwún”.
21-27 OCTUBRE
GÍʼDOO NUMUU RÍ NA̱ʼKHA̱ NÁA BIBLIA | 1 PEDRO 3-5
“Inu mambáa xúgíʼ dí rígá”
(1 Pedro 4:7) Inu mambáa xúgíʼ dí rígá. Gundxaʼwamíjna̱ májánʼ ma̱ngaa gakuwáanʼ xawii ga̱jma̱a̱ gutajkáan má xúʼko̱.
w13-S 15/11 3 kutriga̱ 1
“Gundxaʼwamíjna̱ májánʼ ma̱ngaa gakuwáanʼ xawii ga̱jma̱a̱ gutajkáan má xúʼko̱”
“DÍ MBRUʼUN nindxu̱u̱ mbá hora rí itháan mingíjyúuʼ maraxtaa xawii, índo̱ inu na̱jkha̱ rajtsi”, eʼthí mbáa xa̱bu̱ bi̱ nixtáa rañajunʼ mbruʼun. Xúʼko̱ ma ethi eʼwíínʼ xa̱bu̱ bi̱ tsénuʼ mbruʼun. Xúʼko̱ ma kayuuʼ egíʼníín cristianos bi̱ kuwa xúgi̱ ga̱jma̱a̱ xúgíʼ dí rígá náa numbaaʼ ndrígóo Satanás rí nindxu̱u̱ mikrína, rí itháan má maguma gámbáa (Rom. 13:12). ¡Ra̱ʼkhá tháán migamíi nindxu̱u̱ rí makuwáanʼ ru̱ʼnuʼ náa numbaaʼ rígi̱, dí naguanúu náa iwáá mbiʼi! Ikha jngó “gundxaʼwamíjna̱ májánʼ” ma̱ngaa guʼnimbulúʼ xtágabu rí naʼthí náa Biblia “ga̱jma̱a̱ gutajkáan má xúʼko̱” (1 Ped. 4:7).
(1 Pedro 4:8) Dí phú gíʼmaa muni, gaʼndala kuñu̱u̱n wéñuʼ eʼwíínʼ, numuu rí índo̱ nandala kuñu̱u̱n eʼwíínʼ nanujngorámúʼ mbaʼa aʼkhá.
w99-S 15/4 22 kutriga̱ 3
Xú káʼnii guʼyáá ga̱jma̱a̱ xú gúʼni índo̱ nakáguabáanʼ rá.
Ikha jngó garmáʼáan a̱jkiu̱lú rí niʼthí apóstol Pedro: “Inu mambáa xúgíʼ dí rígá. Gundxaʼwamíjna̱ májánʼ ga̱jma̱a̱ gutajkáan má xúʼko̱. Dí phú gíʼmaa muni, gaʼndala kuñu̱u̱n wéñuʼ eʼwíínʼ, numuu rí índo̱ nandala kuñu̱u̱n eʼwíínʼ nanujngorámúʼ mbaʼa aʼkhá” (1 Pedro 4:7, 8). Ramingíjyúu matoʼo̱o̱ náa a̱jkiu̱lú ga̱jma̱a̱ náa ku̱ma̱ ndrígúlú rí nakiéʼkún eʼwíínʼ ma̱ngaa rí nuʼni ikháanʼ, rúʼko̱ naʼni rí majgutíguáanʼ náa tsáʼkhá, rí nindxu̱u̱ itsí dí najngrádáanʼ. Gixa̱a̱ naʼninuuʼ májánʼ rí naʼni makawabáanʼlu. Mbá dí najmuu nindxu̱u̱ rí markuajñáanʼlú. Ikha jngó ndayóoʼ muʼnimbáníí nacha̱ aʼkhá ndrígúlú náa mambáa rí ikháán ga̱jma̱a̱ ngajua ma̱ngaa “xúniʼñáʼ mato̱ʼo̱o̱ Gixa̱a̱” náa ikháanʼlu (Efesios 4:25-27).
(1 Pedro 4:9) Gundrígúun májánʼ eʼwíínʼ ga̱jma̱a̱ xuxiékhála.
Ndíjkha jngó gíʼdoo numuu mundrígúun a̱ngiu̱lú rá.
2 Pedro nixnúún xtágabu cristianos: “Gundrígúun májánʼ eʼwíínʼ” (1 Ped. 4:9). Náa ajngáa griego, ajngáa rí mundrígúun eʼwíínʼ nandoo gáʼthi rí “maʼndulú kuʼñúún o manindxu̱lúʼ májánʼ a̱jkiu̱lú gajmiúlú bi̱ tsiniʼnuʼ”. Mú guʼyáá rí niʼthún apóstol Pablo rí gíʼmaa mundrígúun “eʼwíínʼ”, xóo muʼthá bi̱ nuniʼnúunʼ ga̱jma̱a̱ bi̱ nambáxu̱u̱n gajmiún. Mú xú káʼnii gambáñun rí munimbaníí xtágabu rígi̱ xá.
3 Mambáñun mu makuwá mbá kambáxu̱u̱n. Gundxaʼwamíjna̱ ga̱jma̱a̱ numulúʼ ikháanʼ. Índo̱ mbáa ndxájulú niʼthúluʼ mu̱ʼgua̱ náa goʼwóo, lá ragájkhun rí narmáʼáan a̱jkiu̱lú mbiʼi rúʼko̱ ráʼ. Ga̱jma̱a̱ índo̱ niʼtháán mbáa ndxájulú ma̱ʼkha̱ guʼwúlú, lá ragájkhun rí xúgi̱ nambáxulúʼ májánʼ gajmiúlú xáʼ. Rí mundrígúun eʼwíínʼ naʼni rí muniʼnuʼ itháan májánʼ a̱ngiu̱lú. Nákha mbiʼi rí nixtáa Pedro niʼni itháan gakhi̱i̱, ikha jngó ndiyóoʼ rí cristianos makuwa kambáxu̱u̱n. Ikháá má kayúʼ eguaʼnii mangáanʼ náa “iwáá mbiʼi” rígi̱ (2 Tim. 3:1).
Guʼyááʼ rí gíʼdoo numuu
(1 Pedro 3:19, 20) Ga̱jma̱a̱ xóo espíritu, ikhaa ni̱jkha̱ gáʼtáruʼun espíritus náa guʼwá e̱jua̱nʼ, 20 bi̱ nákha ginii túnimbu̱u̱n náa Dios, Ikhaa niʼngo̱o̱ a̱jkiu̱u̱n nigi̱ʼthu̱u̱n mbiʼi rí nixtáa Noé, índo̱ xtáa raguma arca, náa mbá nguéjmi̱i̱n xa̱bu̱, xóo muʼthá, mbá migiñiinʼ xa̱bu̱ nikáwíin náa iyaʼ.
w13-S 15/6 23
Graxe̱ rí nuni bi̱ nuraxnuu
Ndíejun eyoo gaʼthí náa Biblia índo̱ niʼthí rí Jesús “ni̱jkha̱ gáʼtáruʼun espíritus náa guʼwá e̱jua̱nʼ” rá. (1 Ped. 3:19)
▪ Apóstol Pedro niʼthí ga̱jma̱a̱ numún espíritus bi̱ “nákha ginii túnimbu̱u̱n índo̱ Dios niʼngo̱o̱ a̱jkiu̱u̱n nigi̱ʼthu̱u̱n mbiʼi rí nixtáa Noé” (1 Ped. 3:20). Nindoo gaʼthí ga̱jma̱a̱ numún ángeles bi̱ nigún kidxuuʼ Satanás. Judas ma̱ngaa niʼthí ga̱jma̱a̱ numún “ángeles bi̱ na̱nguá niñewa̱a̱n ñajunʼ rí niguáʼdáá nákha ginii, ikhiin niniñanʼ náa kaʼñún makuwíin”, bi̱ Dios gíʼdiin “mú maxtuʼún ga̱jma̱a̱ cadena rí ndajyúuʼ kámuu náa krína mbiiʼ índo̱ gaʼga̱nú mbiʼi rí Dios gánda̱ʼa̱a̱ cuenta” (Jud. 6).
Ndiéjunʼ dí ra̱májánʼ nini ángeles bugi̱ rí túnimbu̱ún mbiʼi rí nixtáa Noé rá. Nákha xóó tséxnúu ruʼwa mbiiʼ nirtaximi̱jna̱ xóo xa̱bu̱ numbaaʼ, mbá rí Dios táʼthún muni (Gén. 6:2, 4). Ma̱ngaa nibúnʼ gajmiún gu̱ʼu̱ bi̱ ikhiin rakáʼñun mudiin, numuu rí ikhiin nigumiin mu makuwa mekhuíí (Gén. 5:2). Ángeles bi̱ nini rí xkawiʼ bi̱ túnimbu̱ún, Dios maʼnigámbíin índo̱ gáʼga̱nú mbiʼi. Xó má niʼthí Judas, rí ikhiin kuwa náa “krína mbiiʼ”, xóo muʼthá náa guʼwáaʼ e̱jua̱nʼ dí rígá náa Dios.
Nguáná ga̱jma̱a̱ xú káʼnii Jesús niʼtáruʼun “espíritus náa guʼwá e̱jua̱nʼ” rá. Pedro niʼthí dí rígi̱ nirígá nda̱wa̱á rí Jesús “ndiʼya xóo mbáa bi̱ tsékujmaa”, xóo muʼthá nda̱wa̱á dí nigabi̱i̱ (1 Ped. 3:18, 19). Ma̱ngaa naʼthí rí Jesús niʼtáruʼun. Índo̱ najmuu ajngáa rí ninújngoo nakujmaa rí nitaraʼa nákha xóo apóstol tséʼnirámáʼ timbá carta ndrígóo. Ikha jngó nakujmaa dí nirígá nda̱wa̱á rí nigabi̱i̱, Jesús niʼthún rí mugíʼníí espíritus bi̱ xkawiinʼ. Táʼthún rí guaʼthi̱i̱n mbá rí májánʼ niʼthún rí mugíʼníí (Jon. 1:1, 2). Ikha nindoo ni̱jkha̱ kayóo ajngáa rúʼko̱ numuu rí nigiʼdoo fe ga̱jma̱a̱ niwi̱ji̱ jmbu asndu índo̱ nikháñun, xó má índo̱ nigabi̱i̱, nisngájmaa rí Gixa̱a̱ nánguá gíʼdoo tsiakii náa ikha (Juan 14:30; 16:8-11).
Nda̱wa̱á, Jesús maroʼóo Satanás gajmíi̱n ángeles bi̱ táguájun jmbu ga̱jma̱a̱ magruiʼíinʼ náa Tártaro (Luc. 8:30, 31; Rev. 20:1-3). Nákha xóó tséjkanú mbiʼi rúʼko̱, espíritus bugi̱ bi̱ túnimbu̱ún kuwíin náa iñáʼ dí ra̱ʼkhá tháán mikrína rí gíʼdoo Dios. Nda̱wa̱a̱ tsáa gaʼngo̱o̱ gárikhoo rí mugíʼnin (Rev. 20:7-10).
(1 Pedro 4:6) Ga̱jma̱a̱ numuu rígi̱, mangiin bi̱ nikháñun nijuiʼthún ajngáa rí májánʼ, maski asndu xa̱bu̱ nduyáá rí nándáa rí muni náa xuwiʼ, mú ma̱ndoo makuwíin xóo má xi̱ʼ kaʼwu esngájma ga̱jma̱a̱ numuu xóo endxaʼwóo edxu̱u̱ Dios.
w08-S 15/11 21 kutriga̱ 8
Rí itháan nagajnuriyoo náa libro ndrígóo Santiago ga̱jma̱a̱ Pedro
4:6. Tsíin lá ni̱nindxu̱ún bi̱ ‹nikháñún› bi̱ ‹nijuiʼthún ajngáa rí májánʼ› rá. Nindxu̱u̱n bi̱ nakha xóo tsedxawíín ajngáa rí májánʼ bi̱ “nini dí ra̱májánʼ ga̱jma̱a̱ nixudami̱jna̱ aʼkhá” xóo muʼthá nikháñún náa iduu Dios (Efe. 2:1). Índo̱ nindrígú ajngáa rí májánʼ ikhú nigabi̱i̱n náa iduu Dios.
Migixnuu Biblia
(1 Pedro 3:8-22) Xúgiáanʼ ikháanʼ mbóó gúndxa̱ʼwa̱míjnala, gakumalaʼ xóo eku̱mu̱u̱ imba̱a̱, gaʼndala kuyamíjna̱ xóo kanikháanʼ, gaʼngo̱o̱ a̱jkia̱la kuyamíjna̱ ga̱jma̱a̱ xúni̱ mbaʼumíjna̱. 9 Xátangáanʼ muniu̱u̱ dí ra̱májánʼ xa̱bu̱ ni má xátangáanʼ mutha wéñúnʼ, rí phú gíʼmaa muni, muthu̱u̱n rí gakuwá májánʼ, numuu rí ikháanʼ nixtatsaʼwála náa kamba̱a̱ rígi̱, mu makánala rí májánʼ. 10 Ikha jngó, “bi̱ nandoo maxtáa ga̱jma̱a̱ nandoo mbaʼyoo mbiʼi májánʼ, gáñewu̱u̱n ra̱ju̱u̱n rí xáʼthi dí ra̱májánʼ ga̱jma̱a̱ rawuunʼ mu xáʼni nduwaʼ; 11 ataniníjniminaʼ náa dí ra̱májánʼ ga̱jma̱a̱ atani rí májánʼ; atayáʼ rí tsímáá ga̱jma̱a̱ ayuʼ kidxuʼ. 12 Numuu rí iduu Jeobá ndaʼñún xa̱bu̱ bi̱ nuni rí jmbu, ga̱jma̱a̱ naʼdxaun índo̱ nutakháñii, mú Jeobá tsíyoo gáʼñun xa̱bu̱ bi̱ nuni dí ra̱májánʼ”. 13 Ikha jngó, tsáá xa̱bi̱i̱ gáʼniala dí ra̱májánʼ á mu nuni dí májánʼ rá. 14 Mú maski numíniiʼ ga̱jma̱a̱ numuu rí jmbu, kuwáanʼ gagi. Mú xámiñalaʼ rí eʼni mamiñún ikhiin, xaxmiéjuanlaʼ. 15 Rí gíʼmaa muni, guyamajkuíí Cristo xóo Señor náa awúu̱n a̱jkia̱la, gakuwaanʼ xawii mu mutala náa inún xúgínʼ bi̱ nandún mbuyáá ga̱jma̱a̱ numuu rí kuaʼthi̱i̱nla, mú guriʼña̱a̱ ga̱jma̱a̱ ajngáa gua̱ba̱ʼ ga̱jma̱a̱ wéñuʼ gamajkhu. 16 Guguaʼdáá kaʼwu ku̱ma̱ ndrígála, mu bi̱ nuthi dí raʼkhí ga̱jma̱a̱ numala mati̱ñu̱nʼ numuu rí ikháanʼ nuni rí májánʼ xóo xa̱bi̱i̱ Cristo. 17 Itháan májánʼ mumíniiʼ ga̱jma̱a̱ numuu rí nuni rí májánʼ, á mu Dios eniñuuʼ marigá, ki xóo rí mumíniiʼ ga̱jma̱a̱ numuu dí ra̱májánʼ. 18 Numuu rí Cristo nikháñu mbá miʼtsu asndu kámuu ga̱jma̱a̱ numuu aʼkhá, mbáa xa̱bu̱ jmbi numún xa̱bu̱ bi̱ rajmbiin, mu ma̱ndoo maʼga̱ kaguáanʼ náa Dios. Xuñuuʼ nikháñuu mú ndiʼya̱a̱ mbu̱júu̱ xóo mbá espiritu. 19 Ga̱jma̱a̱ xóo espíritu, ikhaa ni̱jkha̱ gáʼtáruʼun espíritus náa guʼwá e̱jua̱nʼ, 20 rí nákha ginii túnimbu̱u̱n índo̱ Dios niʼngo̱o̱ a̱jkiu̱u̱n nigi̱ʼthu̱u̱n mbiʼi rí nixtáa Noé, índo̱ xtáa raguma arca, náa mbá nguéjmi̱i̱n xa̱bu̱, xóo muʼthá, mbá migiñiinʼ xa̱bu̱ nikáwíin náa iyaʼ. 21 Ikha jngó rí majnguálá iyááʼ ma̱ngaa maʼni káwáanʼ ikháanʼ (raʼkháa rí maʼni kaʼwi̱i̱ rí tsaga náa xuwiʼ, nindxu̱u̱ numuu rí Dios nandoo muguaʼdáá mbá ku̱ma̱ kaʼwu), ga̱jma̱a̱ numuu rí nigabi̱i̱ Jesucristo. 22 Ikhaa xtáa náa ñawun mújúnʼ Dios, índo̱ ni̱jkha̱a̱ mekhuíí, nijuixnáá maʼtañajúnʼ ángeles, Xa̱bu̱ Ñajunʼ mangiin bi̱ guáʼdáá tsiakii.
28 OCTUBRE ASNDU 3 NOVIEMBRE
GÍʼDOO NUMUU RÍ NA̱ʼKHA̱ NÁA BIBLIA | 2 PEDRO 1-3
“Gakuwáanʼ má xúʼko̱ xawii ga̱jma̱a̱ ‹mbiʼi ndrígóo Jeobá›”
(2 Pedro 3:9, 10) Jeobá na̱nguá ejyúuʼ ga̱jma̱a̱ numuu rí nakudaminaʼ maʼni, xóo má xa̱bu̱ ndajyúnʼ rí muni, mú ikhaa naʼngo̱o̱ a̱jkiu̱u̱n numuu rí nimbáa tsíyoo mandáti̱ga̱a̱; ikhaa nandoo rí xúgínʼ maguanu mata̱nga̱a̱ a̱jkiu̱ún. 10 Mú mbiʼi ndrígóo Jeobá ma̱ʼkha̱ xóo mbáa kuʼwáʼ, ga̱jma̱a̱ mekhuíí majmidá gakhi̱i̱, dí rígá magigoo wéñuʼ asndu majuiya̱a̱ʼ ga̱jma̱a̱ ku̱ba̱ʼ ma̱ngaa rí naguma ikhí makujmaa pa̱jnu̱.
w06-S 15/12 27 kutriga̱ 11
Jeobá ‹ma’ni marigá rí jmbu›
11 Xú káʼnii gíʼmaa makruʼlú rí niʼthí Jesús dí Jeobá kaʼyoo maʼni marigá rí jmbu ‹nacha weñu› rá. Náa Ajngá rawunʼ Dios nasngájma rí Jeobá ‹namínúuʼ›, xóo muʼthá rí nangoo wéñuʼ a̱jkiu̱n; ma̱ngaa nasngájma rí maʼga̱nú mbiʼi rí maʼnimbánuu nacha̱ wéñuʼ (Lucas 18:7, 8; 2 Pedro 3:9, 10). Índo̱ nixnúu ruʼwa mbiiʼ mbiʼi rí nixtáa Noé, xúgín’ xa̱bu̱ bi̱ ramíjíinʼ nikañún. Xúʼko̱ má nirigá mbiʼi rí nixtáa Lot, ningutígú aguʼ mekhuíí niʼni gámbíin xa̱bu̱ bi ramíjíinʼ. “Xúʼko̱ má kayuuʼ gáʼni índo̱ mbiʼi rí a̱ʼdióoʼ xa̱biya̱ gákujmaa”, ni’thí Jesús (Lucas 17:27-30). Xú’ko̱: Bi ra̱míjíin’ mumíniiʼ mbu̱júu̱ “nda̱a̱ tsu̱ma̱ gaguma gámbíin” (1 Tesalonicenses 5:2, 3). Ikha jngó nduʼyáá gájkhun rí Jeobá, xániñunʼ rí numbaaʼ ndrígóo Satanás marigá xóó itháan mbiʼi.
(2 Pedro 3:11, 12) Numuu rí xúgíʼ rígi̱ majuiyari̱ga̱a̱, ¡gundxa̱ʼwa̱míjna xú káʼnii xa̱bu̱ eyala mani̱ndxa̱la ikháanʼ, gu̱ya̱a̱ á mu rí kuwáanʼ runi̱ nindxu̱u̱ mikaʼwu ga̱jma̱a̱ rí nduyamajkhuíí Dios, 12 gakuwáanʼla xawii ruguaʼthi̱i̱n, gundxa̱ʼwa̱míjna̱ náa mbiʼi rí ma̱ʼkha̱ Jeobá, índo̱ mekhu maguma gámbáa ga̱jma̱a̱ ríʼyuu aguʼ, ga̱jma̱a̱ dí rígá majui̱ya̱a̱ʼ numuu dí ra̱ʼkhá tháán mijkha!
w06-S 15/12 19 kutriga̱ 18
“Mbiʼi ndrígóo Jeobá na̱ʼkha̱nú mijngii”
18 Ikha jngó pedro naʼthulú “gakuwáanʼla xawii ruguaʼthi̱i̱n, gundxa̱ʼwa̱míjna̱ náa mbiʼi rí ma̱ʼkha̱ Jeobá” xú kaʼnii gúʼni rá. Mbá rí giʼmaa “muʼni rí nandoo Dios ga̱jma̱a̱ rí mikaʼwu” (2 Pedro 3:11, 12). Rí makuwáan rúʼni ma xúʼko̱ ñajuunʼ Dios rúʼko̱ gambáyulú maguaʼthi̱i̱n ga̱jma̱a̱ gagi “mbiʼi ndrígóo Jeobá”. Náa ajngáa griego najuiʼtájuíi “rí makuwáanʼ xawii” nandoo gáʼthúun ‹nacha wéñuʼ›. Gajkhun má rí xáʼngu̱lú gúʼni rí mbiʼi rí naguanúu asndu mbiʼi ndrígóo Jeobá manújngoo nacha̱. Á mu nuʼni má xúʼko̱ ñajuunʼ Dios xúʼyáá xóo ganújngoo mbiʼi (1 Corintios 15:58).
Guʼyááʼ rí gíʼdoo numuu
(2 Pedro 1:19) Ikha jngó, kuaʼdálú ajngáa rí nithi gaʼyee rí nindxu̱u̱ gajkhun; ga̱jma̱a̱ ikháanʼla májánʼ eni rí nuxnatíʼñamijná mudxawíín rígi̱ xóo mbóʼ aguʼ rí nambiʼi náa mikrína, ikhú gu̱nʼ najtsi magajnúu náa a̱jkia̱la índo̱ gájtsi.
w08-S 15/11 22 kutriga̱ 2
Rí itháan nagajnuriyoo náa libro ndrígóo Santiago ga̱jma̱a̱ Pedro
1:19. Tsáa nindxu̱u̱ “gu̱nʼ najtsi” rá. Nguáná gátuxi̱i̱ ga̱jma̱a̱ xú káʼnii eʼyáá dí nirígá má rígi̱ rá. “Gu̱nʼ najtsi” nindxu̱u̱ Jesucristo nda̱wa̱á rí ni̱jkha̱nú ninindxu̱u̱ rey (Rev. 22:16). Nákhá 1914, Jesús “nitu̱xu̱u̱” náa xúgíʼ rí nigumawíi xóo Rey bi̱ xtáa Mekuíí, naʼthí índo̱ xtáa rambiʼi rí maʼni i̱mbo̱ʼ mbiʼi. Índo̱ Pedro ndiʼyoo xóo Jesús niʼni i̱mba̱ nuthii, nikujmaa nguáthá mba̱a̱ tsiakii rí gíʼdoo ikhaa ga̱jma̱a̱ niʼni makujmaa rí gajkhun mambanúu xúgíʼ rí Dios niʼthí marigá nda̱wa̱á (Mar. 9:1-3). Á mu nduʼyáá májánʼ xú káʼnii nindxu̱u̱ ajngáa rígi̱, maʼganú makruʼu̱lú rí Gu̱nʼ najtsi nituxu̱u̱ má.
(2 Pedro 2:4) Dios nixnúún castigo Ángeles bi̱ nini aʼkhá, nidami̱ʼi̱i̱n náa Tártaro, niruʼwún ga̱jma̱a̱ cadena náa rí mikrína wéñuʼ náa muguáʼthi̱i̱n mu muxnaxi̱i̱ cuenta.
w08-S 15/11 22 kutriga̱ 3
Rí itháan nagajnuriyoo náa libro ndrígóo Santiago ga̱jma̱a̱ Pedro
2:4. Káʼnii nindxu̱u̱ ‹Tártaro› ga̱jma̱a̱ nguáná nijtiin ikhí ángeles bi̱ ra̱míjínʼ rá. ‹Tártaro› nindxu̱u̱ mbá náa majthiin tikhun Ángeles, raʼkháa xa̱bu̱ numbáaʼ. Nindxu̱u̱ mbá rí Dios niʼni marigá. Bi̱ kúwá ikhí nándáa rí guáʼthi̱i̱n nda̱wa̱á. Dios nigruiʼíinʼ náa ‹Tártaro› ángeles bi̱ tunimbu̱ún mbiʼi rí nixtáa Noé, ga̱jma̱a̱ ikhiin makuwá ikhí asndu mbiʼi rí maguma gámbíin.
Migixnuu Biblia
(2 Pedro 1:1-15) Simón Pedro, mbáa ñumbáá ga̱jma̱a̱ apóstol ndrígóo Jesucristo, rígi̱ na̱thu̱n bi̱ guáʼdáá fe rí gíʼdoo wéñuʼ numuu xóo dí kuaʼdáá ikháanʼlú ga̱jma̱a̱ numuu rí Dios naʼni rí kaʼyoo ma̱ngaa Jesucristo bi̱ niʼni Káwáanʼ: 2 Ngajua rí gajkhun dí Dios gíʼdoo ga̱jma̱a̱ rí tsímáá gaʼga rajo̱o̱ náa ikháanʼla, numuu rí najmañala xóo phú giʼmaa ga̱jma̱a̱ numuu Ikhaa ma̱ngaa náa Jesús bi̱ nindxu̱u̱ Señor ndrígúlú, 3 ga̱jma̱a̱ tsiakii ndrígóo, Ikhaa nixnúlú xúgíʼ mu ma̱ndoo makuwáanʼ ma̱ngaa mbuʼyamajkhuíí ga̱jma̱a̱ majmañala rí phú gíʼmaa ga̱jma̱a̱ numuu Ikhaa, náa mbáwíi bi̱ nindxaʼwúlú ga̱jma̱a̱ numuu gamajkhu ndrígóo ga̱jma̱a̱ tsiakii. 4 Ga̱jma̱a̱ numuu xúgi̱ rígi̱, Ikhaa nakuʼdaminaʼ maxnúlú rí mitsaanʼ dí gíʼdoo wéñuʼ numuu, mu ikháanʼla mangáanʼ muʼguanú manindxalaʼ e̱ji̱i̱n Dios náa mekhuíí nda̱wa̱á rí nikáwáanʼ náa mbá numbaaʼ dí xkawiʼ náa xa̱bu̱ indó nandún mubúnʼ. 5 Ga̱jma̱a̱ numuu rígi̱ gu̱ni̱ mbá tsiakii mba̱a̱ mu fe ndrígála maʼni rí nundxa̱ʼwa̱míjna ga̱jma̱a̱ rí nuni manindxu̱u̱ ka’wu, ga̱jma̱a̱ rígi̱ araʼdáá ku̱ma̱, 6 dí maraʼdáá ku̱ma̱, mataxpríguminaʼ, rí mataxpríguminaʼ, maʼngaaʼ, rí maʼngaaʼ, matayamajkuíí Dios; 7 rí matayamajkuíí Dios ma’ganú mangajuaaʼ xtañún a̱ngia̱nʼ; rí mangajuaaʼ xtañún a̱ngia̱nʼ, matani ga̱jma̱a ngajuaʼ. 8 Á mu rígi̱ rígá náa ikháanʼla mani itháán mbáa wéñuʼ, xániñuuʼ rí ikháanʼ mani̱ndxa̱la xóo xa̱bu̱ bi̱ nda̱a̱ rí eni numuu rí kuaʼdáá ku̱ma̱ rí phú kaʼyóó ga̱jma̱a̱ numuu Señor Jesucristo. 9 Numuu rí á mu mbáa tségíʼ maʼni xúgíʼ rígi̱, ikhaa tsíkruigo̱o̱, numuu rí narugoo iduu náa nambiʼi ga̱jma̱a̱ nimbumuu dí niʼníí má nigumaa kaʼwii aʼkhá ndrígóo. 10 Ikha jngó a̱ngui̱nʼ guni tsiakimíjna mu makuwáanʼ gajkhun náa rí nixtaʼwáanʼla mu̱ʼgua̱a̱ʼ, numuu rí á mu nunila rígi̱ ikháanʼla xajpatriguáanʼ nimbá miʼtsú. 11 Xúʼko̱ ikháan maguma tsajkurámáanʼla rí ma̱ndoo mataʼala náa reino dí marígá kámuu náa Señor ndrígúlú ga̱jma̱a̱ bi̱ naʼni káwáanʼ, Jesucristo. 12 Ga̱jma̱a̱ numuu xúgíʼ rígi̱ mani marmáʼáan a̱jkia̱la má xúʼko̱, maski ajndu nuninuʼ ga̱jma̱a̱ kuwáanʼ jmbu náa gajkhun dí rígá náa ikháanʼla. 13 Mú nda̱yo̱o̱ rí májánʼ nindxu̱u̱, rí xóó xtáá náa tabernáculo rígi̱, mu xuko mani marmáʼáan a̱jkia̱la, 14 numuu rí nda̱yo̱o̱ rí itháan má tígo̱o̱ rí maniʼñúunʼ tabernáculo, xó má nisngájmuʼ Señor Jesucristo. 15 Ikha jngó mani xó ma eʼngo̱o̱, mu nda̱wa̱á rí gáʼgáaʼ, ikháanʼla ma̱ndoo mutala ga̱jma̱a̱ numuu xúgíʼ rígi̱.