Gajmañaaʼ marataráʼa májánʼ: Arataráʼa ga̱jma̱a̱ teléfono

NDÍJKHA RÍ GÍʼDOO NUMUU. Nayambáá wéñuʼ Teléfono índo̱ nuʼtáruʼun xa̱bu̱ ‹ajngáa rí májánʼ› (Hch 20:24).a Rúʼko̱ nambáyulúʼ wéñuʼ mu muʼthúún xa̱bu̱ índo̱ tséʼngo̱o̱ gúʼgua gúʼñún náa guʼwún.

XÚ KÁʼNII GÚʼNI

• 

  Atani̱rataminaʼ. Atraʼwíí mbá tema dí maxkajxi̱i̱ a̱jkiu̱ún xa̱bu̱. Nda̱wa̱á ataniraʼmáʼ náa mbá i̱yi̱i̱ʼ ndiéjunʼ rí nandaʼ marata, mu itháan májánʼ rí madramaʼ náa mesa xúgíʼ rí gáʼyaaʼ xóo celular, tablet náa kambaʼtoo aplicación ndrígóo JW Library^® o jw.org.^®

• 

  Xámiñaʼ. Arathá xó má gáratha̱a̱n mbáa xa̱bu̱ bi̱ wi̱ji̱ náa inaaʼ. Aratamíjná ga̱jma̱a̱ʼ má xúʼko̱. Májánʼ gáʼni rí maratha̱a̱n i̱mba̱a̱ mu mambáyaʼ, mu xúʼko̱ índo̱ xa̱bu̱ gáʼni mbá graxe̱, ma̱ndoo mbayáaʼ rí matriʼña̱a̱.

• 

  Ataníñáʼ mbá graxe̱ mu ma̱ndoo maratha̱a̱n mbu̱júu̱ʼ. Á mu xa̱bu̱ nanigu̱u̱ʼ maʼdxuun. Atatsíñáʼ mbá graxe̱ rí ma̱ndoo matriʼña̱a̱ índo̱ gárataráʼa mbu̱júu̱ʼ. Ma̱ndoo maratha̱a̱n rí mataxuʼmá mbóo i̱yi̱i̱ʼ náa correo, náa Internet o miʼdxuʼ jcháʼ asndu náa goʼwóoʼ. Ma̱ngaa ma̱ndoo mataxuʼmá mbá video. Á mu ikháánʼ natayáá rí ma̱ndoo, aratháán mbaʼyoo dí rígá náa sitio ndrígúlú.