Gajmañaaʼ marataráʼa májánʼ: Xú káʼnii gárataráʼáá bi̱ naʼthí imbo̱o̱ ajngáa

Ndíjkha rí gíʼdoo wéñuʼ numuu. Jeobá nandoo dí xa̱bu̱ bi̱ kuwa náa xúgíʼ numbaaʼ mixtambáñuun muniʼniiʼ ikhaa (Hech. 10:34, 35). Jesús niʼthí rí ajngáa májánʼ miʼtáraʼa náa “xuguinʼ xabo gentil” ga̱jma̱a̱ náa “xuajin mba̱ʼu̱” (Mat. 24:14). Zacarías niʼtáriyaʼ rí xa̱bu̱ bi̱ nuthi “xúgíʼ ajngáa náa xuajin mba̱ʼu̱” mundrígú ajngáa rí májánʼ (Zac. 8:23). Xó má visión rí ndiʼyoo apóstol Juan, bi̱ makáwíin náa gaʼkhu dí phú mba̱a̱ mani̱ndxu̱ún xa̱bu̱ bi̱ “mamba numbaʼ, ri su ñajunʼ naʼ mamba rijiu, ri su nutan mamba ajŋga, ri su ñajunʼ naʼ mamba xuajin” (Rí huasjŋgajma Juan 7:9, 13, 14). Xó má ndiʼyáá ginii, á mu nuxkamaa náa territorio mbáa xa̱bu̱ bi̱ naʼthí i̱mba̱ ajngáa, gíʼmaa muʼni mbá tsiakii muʼthán ga̱jma̱a̱ numuu Biblia.