XÓO KUWÁANʼ BI̱ NI̱NDXU̱LÚ CRISTIANOS

Jeobá nandoo kaʼñúún xa̱bu̱ bi̱ mikaʼwiin

Mbaʼin xa̱bu̱ wanuu nusngúún e̱jñún mujñáa ñawúúnʼ, rí muni kaʼwi̱i̱ guʼwún, xóo rí mugi̱jxi̱i̱ ga̱jma̱a̱ rí murawíi náska numuu rí nandún makuwíin kaʼwu. Mú, bi̱ phú nandoo makuwáanʼ kaʼwu nindxu̱u̱ Jeobá numuu rí ikhaa nindxu̱u̱ mikaʼwii (Éx 30:18-20; Dt 23:14; 2Co 7:1). Índo̱ kuwáanʼ kaʼwu nuxnáa gamajkhu Jeobá (1Pe 1:14-16). Lá kuaʼdáá kaʼwu guʼwúlú ráʼ. Mbaʼin xa̱bu̱ nuxidíí náska asndu náa má egún, mú ikháanʼ bi̱ nindxulú cristianos nunimi̱jna̱ maʼni kaʼwu numba̱a̱ʼ náa kuwáanʼ (Sl 115:16; Re 11:18). Rí xúʼdaʼ náska rí itháan majkhaʼ xóo i̱yu̱ʼ dulce, lata o rujtuu refresco ma̱ngaa chikli xúʼko̱ ‹gusngajmá dí ñajunlú xa̱bi̱i̱ Dios› (2Co 6:3, 4).

NDA̱WA̱Á RÍ NITAYÁÁ VIDEO DIOS NANDOO KAʼÑÚÚN XA̱BU̱ BI̱ MIKAʼWIIN, ATRIʼÑA GRAXE̱ RÍGI̱:

Ndiéjunʼ ethi tikhun xa̱bu̱ mu xakúwíin kaʼwu rá.
Xú kaʼnii embáyulú Xtangoo rí nijuixnáá Moisés mu mbuʼyáá xóo endxa̱ʼwáminaʼ Jeobá ga̱jma̱a̱ rí mikaʼwu rá.
Xú kaʼnii gándoo guʼni mba̱a̱ mbiʼyuu Jeobá ga̱jma̱a̱ rí xóo nuʼni rá.

Mbá xa̱bu̱ nikhi̱i̱ natoʼo náa carro ndrígóo aʼdio rí mitsagaa weñu. Ikháá ga̱jma̱a̱ aʼdio nduyaa mboo ikha ndrígóo Jeobá ga̱jma̱a̱ numuu rí kaʼwu. Ajmiin ndxajkuun israelitas kuwa mijgii náa kajnuu iyaa rí nindxu̱u̱ cobre. Rí xúgi̱ carriú aʼdio nindxu̱u̱ kaʼwu ga̱jma̱a̱ najka kaguun tikhuun a̱ngiu̱lú mutaraʼa — Xú kaʼnii gasngajmá ikhúún rí nandxa̱ʼwáminaʼ xó má endxa̱ʼwáminaʼ Jeobá ga̱jma̱a̱ numuu dí maxtáá kaʼwu rá.