Índo̱ nuʼnimbulúʼ rí naxprígulú Jeobá, nusngajmá ngajua

Naxtie̱wa̱a̱n congregación índo̱ nagumaa expulsar mbáa, ga̱jma̱a̱ naxprígúu xa̱bu̱ bi̱ naʼni aʼkhá bi̱ tsétanga̱a̱ a̱jkiu̱u̱n (1Co 5:6, 11). Índo̱ nuʼnimbulúʼ rí naxprígulú Jeobá, nusngajmá rí nandulúʼ kuʼyáá. Mú, índo̱ nagumaa expulsar mbáa, naʼni rí makuwáanʼ ngíná, mu itháan bi̱ kuñún asndu mangiin comité judicial.

Rí timbá, nusngajmá rí nandulúʼ kuʼyáá ga̱jma̱a̱ nduʼyamajkuíí mbiʼyuu Jeobá ma̱ngaa náa xtángoo ndrígóo (1Pe 1:14-16). Asndu nusngajmá rí nandulúʼ kuʼyáá bi̱ nigumaa expulsar. Índo̱ naxprígulú mbáa naʼni gawúnlú, mu naʼni dí marigá “tsímáá ga̱jma̱a̱ rí jmbu” (Heb 12:5, 6, 11). Á mu nambáxulúʼ má xúʼko̱ gajmiúlú bi̱ nigumiin expulsar o bi̱ niniñaaʼ Jeobá, kuwáanʼ rurikháá rí Jeobá maxprígúu xa̱bu̱ buʼko̱. Garmáʼáan a̱jkia̱nʼ rí Jeobá maxpríguáaʼ ‹xóo má kaʼyoo› (Jer 30:11). Gumbáyii Jeobá ga̱jma̱a̱ guʼni má xúʼko̱ ñajuunʼ, asndu índo̱ xa̱bu̱ buʼko̱ gátanga̱a̱ náa Jeobá (Is 1:16-18; 55:7).

NDA̱WA̱Á RÍ NITAYÁÁ VIDEO GÁKUWÁANʼ JMBU GA̱JMA̱A̱ KÁXI̱ NÁA JEOBÁ, ATRIʼÑA̱A̱ GRAXE̱ RÍGI̱:

• 

  Xu káʼnii eku̱mún xabuanii índo̱ e̱jñún nuniñaaʼ Jeobá rá.

• 

  Xu káʼnii gándoo gumbaʼñún a̱ngiu̱lú bi̱ kúwá ngíná rá.

• 

  Náa mbiʼyaa historia rí na̱ʼkha̱ náa Biblia nasngájma rí matiejunʼ jmbu, gíʼdoo itháan numuu ki xóo bi̱ kúwi̱i̱n náa guʼwúlú rá.

• 

  Xu káʼnii esngajmá rí naguájun itháan jmbu náa Jeobá, ki xóo bi̱ kúwi̱i̱n náa guʼwúlú rá.