Naxprígúlú Jeobá numuu rí nandoo kaʼyulú

Ajngáa gaxprígú kajua̱a̱ ga̱jma̱a̱ rí nuxnulu ikha, rí nusngulú, índo̱ nutulúʼ náa dí raʼkhí e̱ʼni̱ ma̱ngaa asndu castigo. Jeobá naxprígúlú numuu rí nandoo mu̱ʼni̱ ñajuunʼ xóo má ikhaa eyoo (Ro 12:1; Heb 12:10, 11). Gajkhun má, índo̱ nuxprígúlú nagawúnlú, mú nambáyulú má ikháanʼ ga̱jma̱a̱ naguma tsajkurámáanʼ wéñuʼ (Pr 10:7). Ndiéjunʼ dí gíʼmaa mbuyáá bi̱ nuxprigú ga̱jma̱a̱ bi̱ nudxawíín rá.

Bi̱ nuxprigú: Bi̱ kuya̱ edxu̱u̱, xabuanii ga̱jma̱a̱ eʼwíinʼ xa̱bu̱ nu̱ni̱ tsiakimijna muxprígú ga̱jma̱a̱ ngajua xóo má eʼni Jeobá (Jer 46:28). Xóo má mba̱a̱ rí ni̱ʼni̱ xúʼko̱ má gíʼmaa muxprigúlú mú, gíʼmaa mu̱ni̱ ga̱jma̱a̱ ngajua (Tit 1:13).

Bi̱ nudxawíín: Rí asndu tséʼniuu xú káʼnii má guxpri̱gulú, gíʼmaa mundrígú ga̱jma̱a̱ guʼgíʼ muʼni rí nutulúʼ (Pr 3:11, 12). Numuu rí xúgiáanʼ ni̱ndxu̱lú xa̱bu̱ aʼkhá ndayúlú rí muxprigúlú. Ma̱ndoo muxkamaa rígi̱ índo̱ nuraxnuu Biblia o dí nuʼdxawíín náa reunión. Mú, nguáná tikhuun ndañúu̱nʼ rí muxprigu̱ún bi̱ kuya̱ edxu̱u̱ bi̱ ni̱ndxu̱ún comité judicial. Á mu nuʼdxawíín dí nuxprigúlú ga̱jma̱a̱ nuʼgíʼ nuʼnimbáníí, rúʼko̱ gáʼni dí makuwáanʼ májánʼ ga̱jma̱a̱ kámuu mbiʼi (Pr 10:17).

NDA̱WA̱Á RÍ NITAYÁÁ VIDEO JEOBÁ NAXPRÍGÚU BI̱ NANDOO KAʼYOO, ATRIʼÑA̱A̱ GRAXE̱ RÍGI̱:

• 

  Xóo nixtáa Canon ga̱jma̱a̱ xóo niriʼkhuu vida ndrígóo xá.

• 

  Xú káʼnii nixprígúu Jeobá xá.

• 

  Ndiéjunʼ eʼsngúlú rí nigíʼnuu xá.