“Gíʼmaa dí muxkawíin xúgíinʼ xa̱bu̱ bi̱ kúwi̱i̱n náa ku̱ba̱ʼ”

Jeobá niʼthúún xa̱bu̱ xuajñuu rí gíʼmaa muni̱ gámbáa xúgíʼ dí ra̱májánʼ dí rígá náa ku̱ba̱ʼ rí niʼthí maxnún, mu xúʼko̱ xájngutíguíin (Nú 33:52; w10 1/8 23).

Jeobá maʼni tsajkurámuuʼ xúgíʼ tsiakii dí gúraʼwíí mu̱ʼni̱ índo̱ gáʼtañajunʼ náa tsu̱du̱u̱ ku̱ba̱ʼ (Nú 33:53).

Á mu israelitas tseni gámbíin xa̱bu̱ sia̱nʼ ndrígu̱ún maguaʼdáá xkujndu (Nú 33:55, 56; w08 15/2 27 kutriga̱ 5, 6; it-1 410 kutriga̱ 4).

Mu, á mu nandulú muʼni rí naniguuʼ Jeobá, gíʼmáanʼ muʼni gaʼduunʼ xúgíʼ dí ra̱májánʼ dí nanújngurámuuʼ náa xtángoo ndrígóo o dí maʼni rí xambájxulú gajmiúlú (Snt 1:21). Jeobá naxnúlúʼ tsiakii mu maʼngulú muʼni gaʼduunʼ dí ra̱májánʼ dí rígá náa numbaaʼ.