Guʼtájkáan ga̱jma̱a̱ numún a̱ngiu̱lú bi̱ naguma gíníi

Náa Biblia niʼtáriyaʼ rí Satanás maʼni gínáa mu xúʼtaráʼa (Jn 15:20; Rev 12:17). Lá rígá rí ma̱ndoo muʼni mu mumbáñuun a̱ngiu̱lú bi̱ naguma gíníi ráʼ. Xúʼko̱, ma̱ndoo muʼtájkáan ga̱jma̱a̱ numún. Náa Biblia naʼthí rí índo̱ mbáa xa̱bu̱ jmbii naʼtájkáan nayambáá wéñuʼ (Snt 5:16).

Ndiéjunʼ gándoo gúnda̱ʼa̱ índo̱ guʼtákáñii Jeobá rá. Gunda̱ʼa̱a̱ rí maxnún tsiakii a̱ngiu̱lú ga̱jma̱a̱ mambáñun mu xámiñuun (Isa 41:10-13). Ma̱ngaa guʼtákáñii mu Xa̱bu̱ Ñajunʼ muniñu̱lúʼ muʼtáraʼa, “mu makuwáanʼ tsímáá” (1Ti 2:1, 2).

Índo̱ Pablo ga̱jma̱a̱ Pedro nijuixkhún, cristianos muʼtájkáan ga̱jma̱a̱ numún ga̱jma̱a̱ nithi mbiʼyuu mámbáa (Hch 12:5; Ro 15:30, 31). Mangáanʼ, maski ajndu tséʼyáá xú káʼnii mbiʼñún xúgínʼ a̱ngiu̱lú bi̱ naguma gíníi, ma̱ndoo muʼthá mbiʼyuu congregación o xuajen náa kuwa.

Ataniraʼmáʼ náa xuajen rí naguma gíníi a̱ngiu̱lú ga̱jma̱a̱ rí nandaʼ maratajkáan ga̱jma̱a̱ numún