Gajmañaaʼ marataráʼa májánʼ: Atambáñun bi̱ nandún majmañún mu mani̱ndxu̱ún discípulos

NDÍJKHA DÍ GÍʼDOO NUMUU: Jeobá naʼni dí mbaja̱a̱ rí gajkhun náa a̱jkiu̱ún xa̱bu̱ bi̱ nandún mudxuun ajngóo mu ma̱ndoo makuwá kámuu mbiʼi (Hch 13:48; 1Co 3:7). Ikháánʼ nuñajunʼ gajmiúlú ikhaa índo̱ najmúlú tsiakii ndrígúlú mu mumbaʼñún bi̱ nugíʼ nuni rí najmañún (1Co 9:26). Xa̱bu̱ buʼko̱ ndayóoʼ makru̱ʼu̱u̱n rí á mu nandún makáwíin, ginii ndayóoʼ majngún iyááʼ (1Pe 3:21). Mu bi̱ nuʼsngúún ga̱jma̱a̱ numuu Biblia maguánu mani̱ndxu̱ún discípulos, ndayóoʼ mumbaʼñún mu muriʼkhumijná, mu mutaraʼa ga̱jma̱a̱ musngúún eʼwíínʼ, ma̱ngaa rí muxnáximíjna náa Jeobá (Mt 28:19, 20).

XKÁʼNII GUʼNI:

• Atani rí magiwa̱nʼ a̱jkiu̱u̱n bi̱ narasngáá rí maʼnigajmaa Biblia nindxu̱u̱ numuu rí nandaʼ matambáyii mu maʼni rí nandoo Jeobá (Jn 17:3).

• Mu muni rí nandoo Dios, atambañún mu xúni̱ dí ra̱májánʼ rí naguʼún nuni ga̱jma̱a̱ rí xámbaxu̱u̱n gajmiún bi̱ nuni dí ra̱májánʼ.

• Araxnún tsiakii nákha guaphá ga̱jma̱a̱ nda̱wa̱á rí nijngún má iyááʼ (Hch 14:22).

NDA̱WA̱Á RÍ NITAYÁÁ VIDEO JEOBÁ MÁ GAMBAYAAʼ, ATRIʼÑA̱A̱ GRAXE̱ RÍGI̱:

• Ndiéjunʼ rí ma̱ndoo marikhoo mbáa mu xáxnaximinaʼ ga̱jma̱a̱ majngu̱u̱n iyááʼ rá.

• Xú káʼnii gándoo gumbañúún bi̱ kuya̱ edxu̱u̱ bi̱ kuwa runigajmaa Biblia mu muriʼkhumijná náa inuu Dios rá.

• Ndiéjunʼ eʼsngúlúʼ ga̱jma̱a̱ numuu Jeobá rí naʼthí náa Isaías 41:10 rá.

• Xú káʼnii cualidad gambáyulú mu muʼni ñajuunʼ Jeobá xó má nanigu̱u̱ʼ ikhaa maski ajndu ni̱ndxu̱lú xa̱bu̱ aʼkhá rá.