KÍXNUU 6

Aratájuíi kaʼwu Ajngóo Dios

Juan 10:33-36

RÍ NAGÁJNURIYOʼ: Raʼkháa i̱ndó matraxnuu texto ga̱jma̱a̱ nda̱wa̱á manújngaʼ imbo̱o̱. Atayáá gajkhun rí bi̱ kuwa rudxawanʼ mbuyáá kaʼwu xú káʼnii embánii rí xtaa raratá ga̱jma̱a̱ texto rí natraxnuu.

XÚ KÁʼNII GÁTANI:

Arathá ajngáa rí itháan gíʼdoo numuu. Índo̱ gámbáʼ ratraxnuu mbá texto, atanííʼ ajngáa rí nambánii ga̱jma̱a̱ rí itháan e̱ʼkha̱ raʼthí. Ma̱ndoo matani rígi̱ á mu naratá mbu̱júu̱ ajngáa o matani mbá graxe̱ rí maxkajxi̱i̱n bi̱ kuwa rudxawanʼ mbuyáá ajngáa rí gíʼdoo itháan numuu.

Á mu najmaʼ mixtiʼkhu ajngáa mu maratha rí naʼthí náa texto, atani rí bi̱ kuwa rudxawanʼ makru̱ʼu̱u̱n xú káʼnii ajngáa rí naʼthí náa Biblia nambánii ga̱jma̱a̱ rí itháan gíʼdoo numuu dí e̱ʼkha̱ raʼthí.
Arathá rí naʼthí. Á mu natagíʼdi̱i̱ naratá náa numuu matraxnuu mbá texto ndrígóo Biblia, arathá xóo embánii ga̱jma̱a̱ texto rí nitraxnuu ga̱jma̱a̱ ajngáa rí itháan e̱ʼkha̱ raʼthí ga̱jma̱a̱ náá numuu.

Índo̱ xtaa ratayáá texto, atatsíñaʼ kambaʼta Biblia ndrígáʼ. Rúʼko̱ gambáñun bi̱ kuwa rudxawanʼ makru̱ʼu̱u̱n rí naʼthí náa niguámbaʼ nitraxnuu.
Arathá ajngáa dí ra̱mingíjyúuʼ. Tsumáá gátani, xárata rí tsembánii ga̱jma̱a̱ rí kayá edxu̱u̱. Atatsaʼwáminaʼ ndiéjunʼ rí nduyáá má bi̱ kuwa rudxawanʼ ga̱jma̱a̱ numuu tema rúʼko̱, atayáá nguáthá eyóoʼ maratha mu bi̱ kuwa rudxawanʼ makru̱ʼu̱u̱n kaʼwu ga̱jma̱a̱ májánʼ rí itháan gíʼdoo numuu.