Informasaun iha livru neʼe

Ema kristaun tenkesér tetu didiʼak kona-ba dalan neʼebé ita fó hahiʼi no hatudu respeitu. Iha lisaun neʼe ita sei koʼalia kona-ba sé mak merese atu simu hahiʼi no respeitu, no tanbasá. Ita mós sei koʼalia kona-ba hatudu respeitu ba ema seluk sei lori rezultadu saida.

Bíblia hatete katak ita ida-idak tenkesér halo desizaun rasik. Saida mak bele ajuda ita atu halo desizaun ho matenek? Tanbasá mak dala ruma ita presiza halo mudansa ba desizaun neʼebé ita halo ona? Lisaun neʼe sei esplika kona-ba pergunta sira-neʼe.

Nuʼudar ema sala-naʼin, ita hotu halo sala. Maibé neʼe la dehan katak ita la bele halo Jeová kontente. Iha lisaun sira-neʼe, ita sei koʼalia hamutuk kona-ba desizaun sala neʼebé liurai naʼin-haat husi rai-Judá halo iha tempu uluk, sala balu sériu tebes. Maibé ba Jeová, maski sira halo ona desizaun neʼebé sala, sira nafatin serbí Jeová ho laran tomak. Se ita halo sala, Maromak sei haree ita hanesan nia haree liurai sira-neʼe ka lae?