“Hametin malu liuhusi ita-nia fiar”

Ita sente kontente kuandu ransu ho maluk Kristaun sira. Maibé atu bele fó korajen ba malu, la toʼo atu ransu hamutuk deʼit. Bíblia fó matadalan mai ita atu “anima malu no hametin malu liuhusi ita-nia fiar” hodi fahe “prezente Maromak nian” neʼebé ita simu. (Rom 1:​11, 12, nota) Oinsá atu halo nuneʼe?

Liuhusi Ita-nia liafuan. Porezemplu, iha reuniaun, ita bele fó komentáriu kona-ba buat neʼebé ita aprende husi Jeová, ninia Liafuan, no ninia povu duké dada ema nia atensaun ba ita-nia an rasik. Kuandu ransu hamutuk, ita bele koʼalia kona-ba tópiku neʼebé hametin ema seluk nia fiar.

Liuhusi Ita-nia desizaun no buat neʼebé Ita halo. Porezemplu, ema balu deside atu kontinua serbí Jeová tempu-tomak maski hasoru susar, no neʼe anima ema seluk. Iha mós irmaun-irmán sira neʼebé tuir beibeik reuniaun loron baileet nian maski iha problema saúde ka kole tanba serbisu.

Ita mós anima irmaun-irmán sira liuhusi Ita-nia liafuan no hahalok ka lae? No Ita mós prontu atu simu bainhira Ita-nia maluk koʼalia ka halo buat ruma atu anima Ita?