Bíblia bandu ema atu soe malu ka lae?

Bíblia nia resposta

Bíblia la bandu ema atu soe malu. Maibé Jesus hatete katak iha razaun ida deʼit atu ema bele soe malu, hodi dehan: “Ema naran deʼit neʼebé soe ninia feen no kaben fali ho ema seluk, nia halo adultériu. Maibé, só deʼit kuandu feen halo sala seksuál mak ninia laʼen bele soe nia.”—Mateus 19:9.

Maromak odi atu haree ema soe malu ho razaun neʼebé la loos. Nia sei tesi-lia ba sira neʼebé soe sira-nia kaben, liuliu se sira halo ida-neʼe tanba hakarak hetan fali pár seluk.—Malaquias 2:13-16; Marcos 10:9.