Ema millaun 6 mak mate tanba COVID—Saida mak Bíblia dehan?

Tuir relatóriu husi Organização Mundial da Saúde (WHO) neʼebé fó sai iha 23 Maiu 2022, ema millaun 6,27 mak mate tanba COVID-19. Maibé, iha notísias ida neʼebé fó sai husi WHO iha 5 Maiu 2022, númeru ba ema neʼebé mate ho COVID mak barak liu fali ida-neʼe. Notísias neʼe dehan katak durante tinan 2020 no 2021, “ema neʼebé mate tanba pandemia COVID-19 mak maizumenus millaun 14,9”. Saida mak Bíblia dehan kona-ba situasaun aat hanesan neʼe?

Bíblia fó sai nanis kona-ba pandemia neʼebé lori susar boot

•  Jesus fó sai nanis katak sei mosu “moras-peste”, ka pandemia durante tempu neʼebé Bíblia bolu nuʼudar “loron ikus sira”.—Lucas 21:11; 2 Timóteo 3:1.

Jesus nia profesia neʼe sai loos daudaun ohin loron. Atu aprende liután, lee informasaun “Saida mak sinál kona-ba ‘loron ikus sira’, ka ‘mundu ne’e nia rohan’?”

Bíblia fó kmaan ba ema

•  “Maromak neʼebé fó kmaan ba ema iha situasaun hotu . . . fó kmaan ba ita-nia susar hotu.”—2 Korinto 1:3, 4.

Sira barak neʼebé triste tanba ema neʼebé sira hadomi mate hetan ona kmaan husi Bíblia. Aprende liután iha informasaun “Tahan hasoru—Saida mak ita bele halo agora” no “Dalan diʼak liu atu ajuda ema neʼebé laran-triste”.

Bíblia fó sai solusaun neʼebé permanente

•  “Halo Ita-nia Ukun toʼo mai rai. Halo Ita-nia hakarak sai loos iha rai, hanesan iha lalehan.”—Mateus 6:10.

Lakleur tan “Maromak nia Ukun” sei halo buat ruma atu nuneʼe “la iha ema ida iha rai mak sei dehan: ‘Haʼu moras’”. (Marcos 1:14, 15; Isaias 33:24) Atu hatene liután kona-ba Maromak nia Ukun no saida mak Ukun neʼe sei halo, haree vídeo Saida mak Maromak nia Ukun?

Ami konvida Ita atu aprende liután kona-ba Bíblia atu nuneʼe Ita no Ita-nia família bele hetan benefísiu husi Bíblia nia matadalan neʼebé matenek no promesa neʼebé furak.