FAMPIOFAGNAGNE AMY TY FANOMPOAGNE | AMPITOMBÒ TY HAFALEA’O AMY TY FANOMPOAGNE
Ampianaro ty Mpiana’o Baiboly mba Hahay Hamahan-tegna Ara-pagnahy
Mba hahavy o mpianantikagne Baibolio hahafantatse soa i Jehovah sady handroso ara-pagnahy, le ilae iareo ty manohy mianatse manokagne ho fagnampe i raha ampianarentikagne azey. (Mt 5:3; He 5:12–6:2) Toko’e hianatse hahay hamahan-tegna amy ty lafi’e ara-pagnahy ka iareo.
Naho vaho hanomboke mianatse i mpianatsey, le atorò aze ty fomba fagnomanagne i fianaragney, sady risiho iareo hagnomagne avao isake hianatse Baiboly. (mwb18.03 6) Risiho ka iareo hivavake aloha ty hanoa’e fianaragne raike. Ampeo iareo mba hahatrea i fitaovagne fianaragne rey amy ty endre’e elektronike sady ampianaro aze ty fampiasagne aze. Hazavao ka ty fomba haharaha’e ze raha vaovao amy jw.org ao naho amy Tele JW ao. Ampeo tsikedekede iareo mba hamaky Baiboly isan’andro, hagnomagne fivoriagne sady hikaroke ty vale ze fagnonteneagne manahiragne iareo. Ampeo iareo hisaintsaigne ze raha ianara’e.
ALEFASO TY VIDEO TIHOE AMPEO TY NDATY AMPIANARE’O BAIBOLY MBA HAHAY HIANATSE, LE VALEO RETOA:
Akore ty nagnampea i Nita i Safira mba hahay fa tsy tihoe mahay ty vale i fagnonteneagney avao tihoe mianatse?
Ino ty nagnampe i Safira ho rese lahatse fa tena mete ty atao i Jehovah naho fa mandrara antika tsy hijangajanga?
Ampianaro i mpiana’o Baibolỳ mba hamahagne ty sai’e naho ty fo’e
Ino ty raha nitsapa i Safira miomba ty fitsaintsaignagne?