LESOGNE 5

Ambeno Tsy ho Diso ty Vakiteni’o

1 Timoty 4:13

TY DIKA IZAY: Ko disoegne ty vakiteni’o, fa vakio mafe mifagnarake amy ze tena voasoratse ao.

Omano soa ty vakiteni’o. Saintsaigno ty anto’e nanoratagne i raha hovakie’oy. Ko tiponegne tsikiraike ty vakiteni’o, fa mianara mampitambatse rehake maromaro, sady aherenkeregno ty fanoagne izay. Ko manovogne rehake, ndra mandingagne, ndra magnova ze rehake voasoratse. Henteo soa ty mare-piatoagne, ohatse, ty teboke, ty faingo ndra ty tsorake, le hajao soa.

Rehafo ty nama’o raike mba hitsanogne ty vakiteni’o, sady agnonteneo aze ze diso natao’o.
Tognono soa ty rehake tsikiraike. Naho tsy hai’o ty fomba fanognonagne rehake raike, le tsanogno ty fomba famakiagne aze amy ty raha fa nalaem-peo, ndra agnonteneo ty ndaty mahay mamaky teny soa.
Anò rey soa ty raha rehafe’o. Miandrà avao fa ko miondreke, sady sokafo soa ty vava’o mba ho rey ty raha rehafe’o. Mikezaha hirehake mazava soa.

Faie ko ambenagne loatse ty fanognona’o rehake, tsy mone ho hafahafa ty fahareizagne aze.