LESOGNE 3
Mahaia Mametrake Fagnonteneagne
Matio 16:13-16
TY DIKA IZAY: Mametraha fagnonteneagne mete soa sady mahaliagne i ndatỳ. Mametraha fagnonteneagne fagnampe’e hagnampeagne aze ho rese lahatse naho hitadidy ty hevetse lahibey.
TY FOMBA FANOAGNE AZE:
Anò mahaliagne i fagnontenea’oy. Mametraha fagnonteneagne hahavy aze hieretseretse, ndra hahavy aze hamale an-tsai’e ao avao ndra hahavy aze te haharey ty vale’e.
Mahaia mandrese lahatse. Mametraha fagnonteneagne maromaro mifanohy, hahavy i ndatỳ ho rese lahatse naho maregne ndra diso ty raha raike.
Ampeo reke hitadidy ty hevetse lahibey. Mametraha fagnonteneagne manaitse ty saigne naho fa hagnazava hevetse lahibey raike. Mametraha fagnonteneagne indraike naho fa avy eo, mba hamintignagne i hevetse lahibeỳ, ndra naho fa hamaramparagne i fagnazava’oy rehe.