Anò Manahake ty Mifampirehake Andavanandro

Akore ty Nampisehoa i Filipo Izay?

VIDEO: Mitory amy i Tandapa Etiopianay ty Filipo

1. Henteo i VIDEO oy ndra vakio ty Asan’ny Apostoly 8:30, 31, le valeo ty fagnonteneagne retoagne:

1. Akore ty nanomboha i Filipo i rehakey?

2. Nagnino ro nahavy i fifampirehafagney handeha hoaze zay sady nahafaha’e nizara i hamarenagney tamy i lahilahỳ?

Ino ty Ianarantikagne Boake amy i Filipo?

2. Naho engantikagne handeha hoaze i fifampirehafagney, le tsy hatahotahotse ty hirehake i ndatỳ sady ho vognogne hitsanogne i hafatse indesentikagney.

Tsikombeo ty Filipo

3. Mahaia mandineke. Hahafantatse raha maro miomba ty ndaty raike rehe naho fa mandineke ty endre’e naho ty fomba fireha’e. Vognogne hifampirehake ama’o vao ty fahatreava’o aze? Afake mirehake hoe izao ohatse rehe naho fa hanombo-drehake: “Fanta’o vao fa … ?” Ko seregne hirehake i ndatỳ naho mbe tsy te hirehake.

4. Manàgna faharetagne. Ko le avy le meke hirehake ty hamarenagne amy Baiboly ao amo o ndatio. Engao hisy hirike hampidira’o i hamarenagney, amy izay mandeha hoaze avao i fifampirehafagney. Kindraike aza, le va’e amy ty fotoagne hifampirehafa’areo amy ty magnarake ty hahafaha’o hirehake ama’e i hamarenagney.

5. Mahaia mampifagnara-draha. Va’e hirehake raha tsy nieretserete’o ndra raha hafa i ndatỳ. Naho izay, le mivognona avao hirehake raha mahaliagne, mifagnarake amy ty raha ilae i ndatỳ, ndra tie va’e tsy hitovy amy ty fa nomane’o aza zay.