LESOGNE 6

Mahaia Magnazava Andinin-teny

Jaona 10:33-36

TY DIKA IZAY: Hazavao soa hey i andinin-teny vinaki’oy fa ko meke hirehake hevetse hafa. Anò azo antoke fa taka i ndatỳ ty ifandrambesa’e amy ty raha rehafe’o.

TY FOMBA FANOAGNE AZE:

Ampeo reke hahatrea ze hevetse lahibey. Naho fa boake namaky andinin-teny rehe, le aheregno vakiegne indraike ty rehake ila’e ao, ndra mametraha fagnonteneagne hagnampe i ndatỳ hahatrea ze rehake mifandrambe amy ty hevetse lahibey tea’o horehafegne.

Naho rehake hafa tsy trea amy i andine’ey ao ty tea’o hagnazavagne i andinin-tenỳ, le mitaoa rehe tsy ho rehake sarotse amy i ndatỳ ndra rehake tsy fanta’e ty ampiasae’o. Satria naho izay, le tsy ho azo’e ty anto’e namakia’o i andinin-tenỳ.
Asongadigno ze hevetse lahibey. Naho ohatse rehe fa nirehake ty tapa’e amy i hevetse lahibeỳ taloha ty namakia’o andinin-teny, le hazavao soa indraike reke afara ty namakia’o aze, sady ampiasao ze rehake mifandrambe ama’e amy i andine’ey ao.

Ko akombogne i Baiboli’oy naho fa magnazava andinin-teny rehe, amy izay ho trea i ndatỳ fa boake ao ty raha hazavae’o.
Anò tsotra ty fagnazava’o. Ko mirehake pitsopitson-draha tsy ilaegne. Fantaro tie inogne ty hevetse ilaegne mba hampazava soa i foto-kevetsey, le igne ro rehafo, satria va’e fa mahafantapantatse ty miomba i foto-kevetsey i ndatỳ.