Haoreagne Fara Izay Ty Mafe

“Narare mafe ty Sophiaa le nimate. Fa nimpivaly tagnate ty 39 taogne mahery zahay tamy izay. Tena nagnampe ahy o namakò, sady nikezake ho maro raha atao avao raho. Faie tena nalahelo avao raho tagnate ty tao’e raike. Tsy nahavita nifehe ty fihetseham-poko raho. Fa telo taogne zay ty nahafate aze faie misy fotoagne raho mbe malahelo bey tampoke.”​—Kostas.

Azo’o soa varagne ty mahazo i Kostas naho fa nimate valy rehe ndra longo ndra namagne maifitse azo. Magneke o manam-pahaiagneo tie, izay ty agnisa ty raha tena mampijale amo o fiaignagneo. Mirehake ty Gazety Amerikanina Momba ny Aretin-tsaina fa “tena mafe amo o ndatio tihoe mamoe longo ndra namagne tena teagne satria mieretseretse iareo fa tsy hahatrea aze sasa.” Va’e hieretseretse ty ndaty hoe izay tie: ‘Halahelo bey hoe izao avao vao raho sa mbe hifalefale indraike? Ino ty azoko atao?’

Hovaleagne amy ty gazete toy ato o fagnonteneagne reo. Hohazavaegne amy ty lahatsoratse magnarake ohatse tie ino ty raha va’e ho tsapa’o naho ty olagne va’e hatrehe’o. Misy torohevetse hagnampe azo tsy halahelo bey loatse ka ty ato.

Lonike abey mba hampahery naho hagnampe ze nizoen-kaoreagne ty gazete toy!