కీర్తనలు
జ్ఞాపకార్థంగా ఉండేందుకు,* దావీదు శ్రావ్యగీతం.
38 యెహోవా, నీ కోపంతో నన్ను గద్దించకు,
నీ ఆగ్రహంతో నన్ను సరిదిద్దకు.+
2 నీ బాణాలు నాకు లోతుగా గుచ్చుకున్నాయి,
నీ చెయ్యి నా మీద భారంగా ఉంది.+
3 నీ కోపం కారణంగా నా శరీరమంతా అనారోగ్యంగా ఉంది.
నా పాపం కారణంగా నా ఎముకల్లో ప్రశాంతతే లేదు.+
4 నా తప్పులు నన్ను ముంచెత్తుతున్నాయి;+
అవి నేను మోయలేనంత భారంగా తయారయ్యాయి.
5 నా మూర్ఖత కారణంగా
నా గాయాల నుండి వాసన వస్తోంది, వాటికి చీము పట్టింది.
6 నేను బాధలో ఉన్నాను, తీవ్రంగా కృంగిపోయాను;
రోజంతా బాధతో అటూఇటూ తిరుగుతున్నాను.
8 నేను మొద్దుబారిపోయాను, పూర్తిగా నలిగిపోయాను;
నా హృదయ వేదనవల్ల గట్టిగా మూల్గుతున్నాను.*
9 యెహోవా, నా కోరికలన్నీ నీ ముందు ఉన్నాయి,
నా నిట్టూర్పులు కూడా నీకు మరుగుగా లేవు.
10 నా గుండె వేగంగా కొట్టుకుంటోంది, నా బలం క్షీణించింది,
నా కళ్లలో వెలుగు లేకుండా పోయింది.+
11 నా అనారోగ్యం కారణంగా నా స్నేహితులు, నా సహవాసులు నన్ను దూరం పెడుతున్నారు,
బాగా పరిచయం ఉన్నవాళ్లు నాకు దూరంగా నిలబడుతున్నారు.
12 నా ప్రాణం తీయాలని చూసేవాళ్లు ఉచ్చులు పెడుతున్నారు;
నాకు హాని చేయాలని ప్రయత్నించేవాళ్లు నా నాశనం గురించి మాట్లాడుకుంటున్నారు;+
వాళ్లు రోజంతా కుట్రలు పన్నుతున్నారు.
14 నేను వినలేని వాడిలా,
ఎదురుచెప్పలేని వాడిలా అయ్యాను.
16 నేను ఇలా అన్నాను: “నా పాదాలు జారితే, వాళ్లు నన్ను చూసి సంతోషించకూడదు,
నా మీద తమను తాము హెచ్చించుకోకూడదు.”
17 కాస్తయితే నేను కుప్పకూలిపోయేవాణ్ణి,
నా బాధ ఎప్పుడూ నాతోనే ఉండేది.+
20 నేను మంచి చేస్తే, నాకు చెడు చేశారు;
నేను మంచిని అనుసరిస్తున్నందుకు వాళ్లు నన్ను ఎదిరిస్తూ వచ్చారు.
21 యెహోవా, నన్ను విడిచిపెట్టకు.
దేవా, నాకు దూరంగా ఉండకు.+
22 నా రక్షకుడివైన యెహోవా,+
నాకు సహాయం చేయడానికి త్వరగా రా.