యెషయా
40 “ఓదార్చండి, నా ప్రజల్ని ఓదార్చండి” అని మీ దేవుడు అంటున్నాడు.+
2 “యెరూషలేముకు ఊరట కలిగేలా మాట్లాడండి,
ఆమె సైనిక సేవ పూర్తైందని,
ఆమె దోషానికి పరిహారం దొరికిందని+ ఆమెకు ప్రకటించండి.
తన పాపాలన్నిటిని బట్టి ఆమె యెహోవా చేతి నుండి పూర్తి శిక్ష* పొందింది.”+
3 ఎడారిలో ఒక వ్యక్తి* ఇలా అరుస్తున్నాడు:
“యెహోవా మార్గాన్ని సిద్ధం చేయండి!+
మన దేవుని కోసం ఎడారి గుండా తిన్నని రాజమార్గాన్ని+ ఏర్పాటు చేయండి.+
4 ప్రతీ లోయ ఎత్తు చేయబడాలి,
ప్రతీ పర్వతం, ప్రతీ కొండ అణచబడాలి.
గరుకైన నేల చదును చేయబడాలి,
ఎత్తుపల్లాలు ఉన్న నేల లోయ మైదానంగా చేయబడాలి.+
5 యెహోవా మహిమ వెల్లడి చేయబడుతుంది,+
మనుషులంతా దాన్ని చూస్తారు,+
ఎందుకంటే, ఆ మాట యెహోవా నోటి నుండి వచ్చింది.”
6 వినండి! ఒకతను, “చాటించండి!” అని అంటున్నాడు;
ఇంకొకతను, “ఏమని చాటించాలి?” అని అడుగుతున్నాడు.
“మనుషులంతా పచ్చగడ్డి లాంటివాళ్లే.
వాళ్ల విశ్వసనీయ ప్రేమంతా గడ్డి పువ్వు లాంటిదే.+
నిజంగా ప్రజలు కేవలం పచ్చగడ్డి లాంటివాళ్లే.
9 సీయోనుకు శుభవార్త తెస్తున్న ఓ స్త్రీ,
ఎత్తైన పర్వతం మీదికి ఎక్కివెళ్లు,
యెరూషలేముకు శుభవార్త తెస్తున్న ఓ స్త్రీ,+
నీ స్వరాన్ని బిగ్గరగా వినిపించు,
నీ స్వరాన్ని పెంచు, భయపడకు.
“ఇదిగో, నీ దేవుడు ఇక్కడ ఉన్నాడు” అని యూదా నగరాలకు ప్రకటించు.+
ఇదిగో! ఆయనిచ్చే ప్రతిఫలం ఆయన దగ్గరే ఉంది,
ఆయనిచ్చే జీతం ఆయన ముందే ఉంది.+
11 గొర్రెల కాపరిలా ఆయన తన మంద బాగోగులు చూసుకుంటాడు.*+
గొర్రెపిల్లల్ని ఆయన తన బాహువుతో సమకూరుస్తాడు,
వాటిని తన గుండెల మీద మోస్తాడు.
పాలిచ్చే వాటిని ఆయన నిదానంగా నడిపిస్తాడు.+
భూమ్మీది మట్టిని కొలపాత్రలోకి పోగుచేసింది ఎవరు?+
త్రాసులో పర్వతాల్ని,
తూకంలో కొండల్ని తూచింది ఎవరు?
14 అవగాహన కోసం ఆయన ఎవర్ని సంప్రదించాడు?
న్యాయ మార్గాన్ని ఎవరు ఆయనకు బోధించగలరు?
జ్ఞానాన్ని ఆయనకు ఎవరు నేర్పగలరు?
నిజమైన అవగాహన మార్గాన్ని ఆయనకెవరు చూపించగలరు?+
ఇదిగో! సన్నని ధూళిని లేపినట్టు ఆయన ద్వీపాల్ని లేపుతాడు.
18 మీరు దేవుణ్ణి ఎవరితో పోల్చగలరు?+
ఆయన దేనిలా ఉన్నాడని చెప్పగలరు?+
19 చేతిపనివాడు విగ్రహాన్ని పోతపోస్తాడు,
కంసాలి దానికి బంగారు రేకు తొడుగుతాడు,+
తర్వాత వెండి గొలుసులు చేస్తాడు.
20 అతను కానుక కోసం ఒక చెట్టును ఎంచుకుంటాడు,+
కుళ్లిపోని చెట్టును అతను ఎంచుకుంటాడు.
ఒరిగిపోకుండా ఉండే చెక్కుడు విగ్రహం తయారుచేయడానికి
అతను నైపుణ్యంగల చేతిపనివాడి కోసం వెతుకుతాడు.+
21 నీకు తెలీదా?
నువ్వు వినలేదా?
మొదటినుండి ఎవరూ నీకు చెప్పలేదా?
భూమి పునాదులు వేయబడినప్పటి నుండి నీకది అర్థంకాలేదా?+
పలుచని తెరను విప్పినట్టు ఆయన ఆకాశాన్ని విప్పుతున్నాడు,
నివసించడం కోసం డేరాను చాపినట్టు దాన్ని చాపుతాడు.+
23 ఉన్నతాధికారుల్ని ఆయన కిందికి దించుతాడు,
భూమ్మీది న్యాయమూర్తుల్ని* వ్యర్థమైన వాళ్లుగా చేస్తాడు.
24 వాళ్లు ఇంకా సరిగ్గా నాటబడలేదు,
ఇంకా సరిగ్గా విత్తబడలేదు,
వాళ్ల కాండం ఇంకా భూమిలో వేరు తన్నలేదు,
వాళ్లమీద ఊదగానే వాళ్లు ఎండిపోతారు,
25 “నన్ను ఎవరితో పోలుస్తారు, నేను ఎవరితో సమానమని చెప్తారు?” అని పవిత్రుడైన దేవుడు అడుగుతున్నాడు.
26 “మీ కళ్లు పైకెత్తి ఆకాశాన్ని చూడండి.
వీటిని ఎవరు సృష్టించారు?+
వాటిలో ఒక్కోదాన్ని లెక్కపెడుతూ వాటి సైన్యాన్ని బయటికి తీసుకొస్తున్న దేవుడే కదా;
ఆయన వాటన్నిటినీ పేరు పెట్టి పిలుస్తాడు.+
27 యాకోబూ, నువ్వెందుకు ఇలా అంటున్నావు?
ఇశ్రాయేలూ, ‘నా మార్గం యెహోవాకు కనిపించదు,
దేవుని వల్ల నాకు న్యాయం జరగదు’ అని నువ్వెందుకు అంటున్నావు?+
28 నీకు తెలీదా? నువ్వు వినలేదా?
భూమి అంచుల్ని సృష్టించిన యెహోవా ఎప్పటికీ దేవుడే.+
ఆయన ఎప్పుడూ సొమ్మసిల్లడు, అలసిపోడు.+
ఆయన అవగాహనను శోధించడం సాధ్యంకాదు.+
30 బాలురు సొమ్మసిల్లుతారు, అలసిపోతారు,
యువకులు తొట్రిల్లి పడిపోతారు.
31 అయితే యెహోవా మీద ఆశపెట్టుకున్న వాళ్లు కొత్త బలం పొందుతారు.
గద్దలా రెక్కలు చాపి వాళ్లు పైకి ఎగురుతారు.+
అలసిపోకుండా పరుగెత్తుతారు;
సొమ్మసిల్లకుండా నడుచుకుంటూ వెళ్తారు.”+