కీర్తనలు

91 సర్వోన్నతుని చాటున* నివసించేవాళ్లు+

సర్వశక్తిమంతుని నీడలో విశ్రమిస్తారు.

 2 “నువ్వే నా ఆశ్రయం, నా కోట,+

నేను నమ్ముకున్న నా దేవుడు”+ అని నేను యెహోవాతో అంటాను.

 3 ఆయన వేటగాడి ఉరిలో నుండి,

నాశనకరమైన తెగులు నుండి నిన్ను రక్షిస్తాడు.

 4 తన రెక్కలతో* నిన్ను కప్పుతాడు,

ఆయన రెక్కల కింద నువ్వు ఆశ్రయం పొందుతావు.+

 5 రాత్రి కలిగే భయాలకు గానీ,

పగలు ఎగిరే బాణానికి+ గానీ నువ్వు భయపడవు;+

 6 చీకట్లో తిరిగే తెగులుకు గానీ,

మధ్యాహ్నం కలిగే నాశనానికి గానీ నువ్వు భయపడవు.

 7 నీ పక్కన వెయ్యి మంది,

నీ కుడిపక్కన పదివేల మంది పడిపోతారు,

కానీ నీకు ఏ హానీ జరగదు.+

 8 నువ్వు కేవలం నీ కళ్లతో దాన్ని చూస్తావు,

దుష్టులు శిక్షించబడడం నువ్వు చూస్తావు.

 9 “యెహోవాయే నా ఆశ్రయం” అని అంటూ

నువ్వు సర్వోన్నతుణ్ణి నీ నివాస స్థలంగా* చేసుకున్నావు;+

10 అందుకే ఏ విపత్తూ నీ మీదికి రాదు,

ఏ తెగులూ నీ డేరా దగ్గరికి రాదు.

11 నీ మార్గాలన్నిట్లో నిన్ను కాపాడమని

ఆయన నీ గురించి తన దూతలకు+ ఆజ్ఞాపిస్తాడు.+

12 నీ పాదానికి రాయి తగలకుండా

వాళ్లు తమ చేతులమీద నిన్ను మోస్తారు.+

13 నువ్వు కొదమ సింహాన్ని, తాచుపామును తొక్కుతావు;

జూలు ఉన్న సింహాన్ని, పెద్ద పామును కాళ్లకింద తొక్కుతావు.+

16 దీర్ఘాయుష్షుతో అతన్ని తృప్తిపరుస్తాను,+

అతను నా రక్షణ కార్యాల్ని* చూసేలా చేస్తాను.”+