పరిచర్యలో నైపుణ్యాలు మెరుగుపర్చుకుందాం—బైబిలు బోధిస్తోంది పుస్తకం, మంచివార్త బ్రోషురుతో ఎలా నేర్పిస్తామో చూపించండి

ఎందుకు ప్రాముఖ్యం? మనం ఉచిత గృహ బైబిలు అధ్యయనాలు చేస్తామని చెప్పినప్పుడు చాలామందికి అర్థంకాకపోవచ్చు. అధ్యయనం అంటే, అందరితో కలిసి కూర్చుని చదవడం, పరీక్షలు రాసి సర్టిఫికెట్‌ సంపాదించడం అనుకోవచ్చు. కాబట్టి బైబిలు అధ్యయనం చేస్తామని చెప్పే బదులు, ఎలా చేస్తామో చూపిస్తే బావుంటుంది! బైబిలు అధ్యయనం ఎంత సులువుగా అర్థమయ్యేలా ఉంటుందో కొన్ని నిమిషాల్లో, తలుపు దగ్గరే చూపించవచ్చు.

ఎలా చేయాలి?

మిమ్మల్ని పరిచయం చేసుకున్న తర్వాత భవిష్యత్తు గురించి ఏమి ఆలోచిస్తున్నారో ఇంటివాళ్లను అడగండి.
అందరూ ఒకేలాంటి విషయాల గురించి ఆలోచిస్తున్నారు అని చెప్పండి. బైబిలు బోధిస్తోంది పుస్తకం లేదా దేవుడు చెబుతున్న మంచివార్త! బ్రోషురు విషయసూచిక చూపించండి. భవిష్యత్తు గురించి, ఇతర విషయాల గురించి బైబిలు చెప్పేది సులువుగా అర్థమయ్యేలా ఈ పుస్తకం లేదా బ్రోషురులో ఉంటుందని చెప్పండి. వాళ్లు ఏ అధ్యాయం లేదా పాఠం గురించి తెలుసుకోవాలనుకుంటున్నారో అడగండి.
ప్రచురణ ఇచ్చి, వాళ్లు అడిగిన అధ్యాయం లేదా పాఠం తెరిచేందుకు సహాయం చేయండి. అధ్యాయం మొదట్లో ఉన్న ప్రశ్నలకు లేదా శీర్షికలో ఉన్న ప్రశ్నకు జవాబులు పేరాల్లో ఉన్నాయని చెప్పండి.
వాళ్లకు ఇష్టముంటే, మొదటి పేరా చదవమని అడగండి. తర్వాత ఆ పేరా ప్రశ్న చదివి ఇద్దరూ కలిసి జవాబు ఏంటో చూడండి. ఆ జవాబుకు సంబంధించి పేరాలో ఉన్న బైబిలు వచనాలు చదివి చర్చించండి. మీ పుస్తకం లేదా బ్రోషురులో ఆ జవాబుకు ఎలా గీత గీసుకున్నారో చూపించండి.
తర్వాతి పేరా చదవండి. ఈసారి వాళ్లనే సొంత మాటల్లో జవాబు చెప్పమనండి.
వాళ్లను మెచ్చుకోండి. మళ్లీ కలుసుకుని పూర్తి అధ్యాయం పరిశీలించేలా ఏర్పాట్లు చేసుకోండి.
కుదిరితే jw.org/te లో ఉన్న బైబిలు అధ్యయనం అంటే ఏమిటి? వీడియో చూపించండి.

ఈ నెలలో దీన్ని ప్రయత్నించండి:

కొత్తగా ఒకరికి బైబిలు నేర్పించేందుకు మీరు చేసే ప్రయత్నాలను ఆశీర్వదించమని యెహోవాకు ప్రార్థించండి.—ఫిలి. 2:13.
బైబిలు బోధిస్తోంది పుస్తకం లేదా మంచివార్త బ్రోషురుతో బైబిలు ఎలా నేర్పిస్తామో చూపించడానికి ప్రయత్నించండి. పరిచర్యలో కనీసం ఒక్కసారైనా బైబిలు అధ్యయనం అంటే ఏమిటి? వీడియో చూపించండి.