ትሕዝቶ

ኣብ መላእ ዓለም ዘለዉ ሰባት፡ ዝያዳ ሓርነት ኪረኽቡ ይጽዕሩ እዮም። ክርስትያናት ብዛዕባ ሓርነት እንታይ ዓይነት ኣረኣእያ እዩ ኺህልዎም ዘለዎ፧ እዘን ክልተ ዓንቀጻት እዚአን፡ ናይ ሓቂ ሓርነት እንታይ ምዃኑን ብኸመይ ክንረኽቦ ኸም እንኽእልን ነቲ ዝረኸብናዮ ተዛማዲ ሓርነት ንጥቕሚ ርእስናን ንጥቕሚ ኻልኦትን ብኸመይ ክንጥቀመሉ ኸም እንኽእልን ኪገልጻ እየን። ልዕሊ ዅሉ ድማ፡ ነቲ ኣምላኽ ናይ ሓቂ ሓርነት ዝዀነ የሆዋ ብኸመይ ከነኽብሮ ኸም እንኽእል ክንምሃር ኢና።

እዘን ዓንቀጻት እዚአን፡ የሆዋ ወትሩ ንኣገልገልቱ ኸም ዜተባብዖምን ኣገልገልቱ እውን ኣብ ዝሓለፈ ዘመናት ኣብነቱ ብምስዓብ ንኻልኦት ከም ዜተባብዑን ይገልጻ። ሎሚ ኻብ ቅድሚ ሕጂ ብዝያዳ ንሓድሕድና ኽንተባባዕ ዘሎና ስለምንታይ ከም ዝዀነ ኽንርኢ ኢና።

ኣብ ጉባኤ ዘለዉ መንእሰያት ንየሆዋ ኣብ ምሕጓስ ዜተኵሩ እንተ ደኣ ዀይኖም ንርእሶም ይጥቀሙ እዮም። እዛ ዓንቀጽ እዚኣ፡ ካብ ንእስነትካ ኣትሒዝካ መንፈሳዊ ሸቶታት ምውጻእን ንኣገልግሎት ቀዳምነት ምሃብን ዘለዎ ጥቕምታት ትገልጽ።