ትሕዝቶ

እዘን ክልተ ዓንቀጻት እዚአን፡ ብዛዕባ ዋጋ እታ የሆዋ ዚህበና ኽብርቲ ሓቂ ይገልጻ። ዋጋ ሓቂ ኻብ ኵሉ እቲ ኽንከፍሎ እንኽእል መስዋእቲ ኣጸቢቑ ይበልጽ። ብዘይካዚ፡ እዘን ዓንቀጻት እዚአን፡ ንሓቂ ወትሩ ኸም ክብርቲ ጌርና ምእንቲ ኽንርእያ፡ ንሓደ ኽፋል እታ የሆዋ ዝመሃረና ኽብርቲ ሓቂ እውን እንተ ዀነ ኣሕሊፍና ምእንቲ ኸይንህብ፡ እንታይ ክንገብር ከም ዘሎና ይገልጻ።

ጭንቂ ኼጋጥመና ኸሎ፡ ከመይ ጌርና ብየሆዋ ኸም እንእመን፡ ኣብ መጽሓፍ ኣንባቆም ተገሊጹ ኣሎ። እዛ ዓንቀጽ እዚኣ፡ ጭንቀትናን ፈተናናን ስቓይናን እኳ እንተ በዝሐ፡ ኣብ መወዳእታ እቲ ኣብ የሆዋ ዘሎና እምንቶ፡ ድሕነት ከም ዜምጽኣልና ትገልጽ።

ብመንፈሳዊ መዳይ እናዓበና ምስ ከድና፡ ኣተሓሳስባ የሆዋ ብሉጽ ምዃኑ ንርዳእ ኢና። እዘን ክልተ ዓንቀጻት እዚአን፡ ኣተሓሳስባ ዓለም ከይቀርጸና ብኸመይ ክንጥንቀቕ ከም እንኽእልን ንኣተሓሳስባና ኸመይ ጌርና ኸም ናይ የሆዋ ኸም እንገብሮን ይገልጻ።