ድራር ጐይታ

1. ኦ የሆዋ ፈቃር ኣቦና፡

ቅድስቲ ምሸት’ያ ሎሚ።

በዛ ምሸት ’ዚኣ፡ ተራእዩ ፍቕርኻ፡

ናትካ ፍትሒ፡ ጥበብ፡ ሓይሊ።

ገንሸል ፋስጋ ተበሊዑ፣

ህዝብኻ ሓራ ወጺኡ።

ዘመናት ጸኒሑ ደም ጐይታ ፈሲሱ፣

ኪፍጸም ትንቢት ኣብ ግዜኡ።

2. ቅድሜና ’ንሀ ቕጫን ወይንን፣

ዜዘክር ዓባይ ፍቕርኻ፣

ወድኻ ሂብካና፡ ኪኸውን በጃና፡

እዙዝ’ውን ነይሩ ንዓኻ።

ይብጻሕካ ዕዙዝ ምስጋናና፣

ስለቲ ዝኸፈልካልና።

ወድኻ ሞይቱልና፡ በጃ ኸፊሉልና፣

ካብ ኵነኔ ሞት’ውን ድሒንና።

3. ተኣኪብና’ለና ቕድሜኻ፡

ኢና’ውን ናትካ መጓሰ፣

ነታ ሓያል ፍቕሪ፡ ከነምጽእ ክብሪ፡

ንቕዱስ ስምካ ውዳሰ።

ነዚ በዓል ዝኽሪ ንዝክር፡

ብልብናን በእምሮናን፣

ወትሩ ንመላለስ፡ ብኣሰር ክርስቶስ፡

ሰብ ህይወት ዘልኣለም ክንከውን።