ግልጽነት

ስርዓት፦ “ዘይትን ዕጣንን ንልቢ የሐጕሶ፣ ካብ ሓቀኛ ምኽሪ ዚምንጩ ጥዑም ምሕዝነት ከኣ ከምኡ እዩ።”—ምሳ. 27:9።

የሱስ እንታይ ገይሩ፧

ቪድዮ፦ የሱስ ነቲ ሃብታም ጐበዝ መኸሮ

1. ቪድዮ ርአ፡ ወይ ማርቆስ 10:17-22 ኣንብብ። ድሕሪኡ ነዚ ሕቶታት መርምሮ፦

2. ተምሃሮና መንፈሳዊ ዕቤት ምእንቲ ኺገብሩ፡ ብፍቕርን ብግልጽን ክንዛረቦም ኣሎና።

3. ተምሃራይካ ሸቶታት ኬውጽእን ንሸቶታቱ ኺወቕዖን ሓግዞ።

4. ዕንቅፋታት ኣለሊ፣ ንተምሃራይካ እውን ነቲ ዕንቅፋታት ኪሰግሮ ሓግዞ።

ሀ. ከምዚ ኢልካ ገዛእ ርእስኻ ሕተት፦
- ‘ተምሃራየይ ናብ ጥምቀት ዕቤት ይገብር እንተ ዘየልዩ፡ እንታይ እዩ ዚዓግቶ ዘሎ፧’
- ‘እንታይ ግብራዊ ሓገዝ ክህቦ እኽእል፧’
ለ. ተምሃራይካ እንታይ ኪገብር ከም ዘለዎ ብግልጽን ብፍቕርን ንምምይያጥ ዜኽእል ትብዓት ምእንቲ ኽትረክብ ጸሊ።

5. ፍረ ንዘይፈሪ መጽናዕቲ ኣቋርጾ።

ሀ. መጽናዕቲ መጽሓፍ ቅዱስካ ፍረ ይፈሪ ኸም ዘሎ ወይ ከም ዘየሎ ንምፍላጥ፡ ከምዚ ኢልካ ገዛእ ርእስኻ ሕተት፦
- ‘ተምሃራየይ ነቲ እተማህሮ ይትግብሮዶ ኣሎ፧’
- ‘ኣብ ኣኼባታት ጉባኤ ይእከብን ብዛዕባ ሓቂ ንኻልኦት ይነግርን ድዩ፧’
- ‘ንንውሕ ዝበለ እዋን ድሕሪ ምጽናዑ፡ ናይ የሆዋ ምስክር ኪኸውን ይደሊ ድዩ፧’
ለ. እቲ ተምሃራይ መጽሓፍ ቅዱስ ዕቤት ኪገብር ዘይደሊ እንተ ዀይኑ፦
- እንታይ ዓጊትዎ ኸም ዘሎ ኺሓስብ ሕተቶ።
- ነቲ መጽናዕቲ ስለምንታይ ተቋርጾ ኸም ዘለኻ ብሜላ ግለጸሉ።
- ዳግም መጽናዕቲ ንምጅማር እንታይ ኬመሓይሽ ከም ዘለዎ ኣፍልጦ።