እግረ ጽሑፍ

c ገሊኦም ምሁራት፡ እቶም ሰብኡት መብጽዓ ናዝራዊ ኸም እተመባጽዑ ሓሳብ ይህቡ እዮም። (ዘሁ. 6:1-21) ልክዕ እዩ፡ እቲ ኸምኡ ዝኣመሰለ መብጽዓ ዚእተወሉ ሕጊ ሙሴ፡ ኣብቲ ግዜ እቲ ተሳዒሩ እዩ ነይሩ። ኰይኑ ግና፡ ጳውሎስ፡ እቶም ሰብኡት ንየሆዋ ዝኣተውዎ መብጽዓ ምፍጻሞም ጌጋ ኸም ዘይኰነ ሓሲቡ ኪኸውን ይኽእል እዩ። ስለዚ ድማ፡ ወጻኢታቶም ምኽፋሉን ኣሰንይዎም ምኻዱን ጌጋ ኣይነበረን። እንታይ ዓይነት መብጽዓ ኸም ዝገበሩ ብልክዕ ኣይንፈልጦን ኢና፣ ዝዀነ ዀይኑ ግና፡ ጳውሎስ ነቲ መስዋእቲ እንስሳታት (ብናዝራውያን ዚግበር)፡ ሓጢኣት ከም ዜንጽህ ገይሩ ኺኣምነሉ ዘይመስል እዩ። እቲ ፍጹም መስዋእቲ ክርስቶስ ንመስዋእቲ እንስሳታት፡ ሓጢኣት ኬተዓርቕ ከም ዘይክእል ገይርዎ ነይሩ እዩ። ጳውሎስ ዝገበረ ይግበር ብዘየገድስ፡ ንሕልናኡ ዚጥሕስ ዝዀነ ይኹን ነገር ከም ዘይገበረ ርግጸኛታት ክንከውን ንኽእል ኢና።