Nehemia

10 Ior mba ve ver ikyav i tesen ér ve lumun a mi yô,+ lu

9 Man ken Mbalevi yô, lu Yeshua wan u Asania man Binui u ken ônov mba Henadadi, kua Kademiel,+ 10 man anmgbianev vev, Shebania man Hodia man Kelita man Pelaia man Hanan 11 man Mika man Rehobi man Hashabia 12 man Sakur man Sherebia+ man Shebania 13 man Hodia man Bani kua Beninu.

14 Mbavesen mba nongoior la yô, lu Paroshi man Pahati-moabi+ man Elam man Satu man Bani 15 man Buni man Asegadi man Bebai 16 man Adoniya man Bigevai man Adin 17 man Ater man Hesekia man Asur 18 man Hodia man Hashum man Beshai 19 man Hariv man Anatoti man Nebai 20 man Magepiashi man Meshulam man Heshir 21 man Meshesabel man Sadoki man Yadua 22 man Pelatia man Hanan man Anaia 23 man Hoshea man Hanania man Hashubi 24 man Haloheshi man Pilha man Shobeki 25 man Rehum man Hashebena man Maaseia 26 man Ahiya man Hanan man Anan 27 man Maluki man Harim kua Baanahi.

28 Ior mbagenev cii—upristi man Mbalevi man mbakuran ihindagar man mbawanatsam man mbasôrontempel* man mba ve pav ayol a ve kposo a ior i tar la sha u vea dondo Tindi u Aôndo u mimi cii,+ a kasev vev man ônov vev mba nomso man mba kasev kua hanma or u lun a mfe man mkav cii*— 29 ve kohol anmgbianev vev kua ior vev mba tagher tagher, ve bum ér vea kura Tindi u Aôndo u mimi a yange i na sha ikyev i Mose wanakiriki u Aôndo u mimi la, shi vea wa ikyo vea er akaa a Yehova Ter wase a kaa ér ve er la cii, kua ajiraôron a na man akaawan a na kpaa, ve kaa ér aluer ve er nahan ga yô ifyan i kôr ve. 30 Se na ior mba hen tar ne ônov asev mba kasev ser ve vôso ga, shi se kpa se vôso ônov vev mba kasev se na ônov asev ga.+

31 Aluer ior mba hen tar ne va a akaa a teen shin ishamakaa atô kposo kposo sha Iyange i Memen yô, se yam ma kwagh môm hen ve sha Iyange i Memen+ shin sha ma icighaniyange igen ga.+ Se kaha kwagh sha inyom i sha utaankaruhar la ga+ shi mba ve lu se a anzô kpaa se de ve a.+

32 Shi se wa tindi sha ayol a ase ser hanmô wase nana naan vegher môm ken avegher atar a shekel* hanma inyom sha ci u iyou i* Aôndo wase,+ 33 man sha ci u beredi u sha ishi+ man nagh ku sha samuyia+ ku i naan hanma shighe la, kua nagh ku i nanden hanma shighe sha Ayange a Memen+ man sha iwer i he la,+ kua sha ci u uiniongo mba i ver ér i eren la+ man sha ci u uicighanmbaakaav man sha ci u nagh ku isholibo+ ku himen Iserael kua sha ci u hanma tom u i eren ken iyou i Aôndo wase cii.

34 Shi se er ishor sha u se fa upristi man Mbalevi man ior mbagenev sha uya asev seer seer, mba vea vaan a ikyon hen iyou i Aôndo wase sha shighe u i ver la, sha hanma inyom, sha u nanden sha atse a nan nagh a Yehova Aôndo wase yô, er i nger ken Tindi nahan.+ 35 Shi hanma inyom yô se vaan a iyiav mbi hiihii mbi ken ishule yase man atam a ikyon a hiihii a sha hanma kon u umen atam cii ken iyou i Yehova.+ 36 Shi se vaan a ônovmbaiundav asev mba nomso man ônov mba ilev yasev mbi hii maren la+—er i nger ken Tindi nahan—kua ônov mba ibua yase man iyôngo yase man ivo yase i hii maren la cii. Se vaan a ve hen iyou i Aôndo wase, hen upristi mba ve eren tom hen iyou i Aôndo wase la.+ 37 Shi se vaan a mwem ma geran ma sha samuyia wase u hiihii+ man uiyua asev kua atam a hiihii a hanma kon cii,+ man wain u he man mkurem kpaa.+ Se vaan a mi hen upristi hen ayou a koson akaa* a hen iyou i Aôndo wase,+ shi se vaan a môm-ken-pue u akaa a ken ishule yase hen Mbalevi+ sha ci u ka Mbalevi ve ngohol môm-ken-pue sha agar a se kahan ishule her la ye.

38 Shi gba u pristi wan u Aron nana lu vea Mbalevi shighe u Mbalevi ve lu ngohol môm-ken-pue la; shi Mbalevi kpa ve tsua môm-ken-pue ken umôm-ken-pue mba ve ngohol la ve na sha ci u iyou i Aôndo wase,+ hen ukpar mba iyoughough* mba hen iyou i koson akaa la. 39 Gadia ka ken ayou a koson akaa* la man Mbaiserael kua ônov mba Mbalevi vea vaan a uiyua+ mba sha samuyia man wain u he man mkurem ye,+ shi ka ker ikyav mbi icighanjiir mbi lu ye, kua upristi mba ve eren tom la man mbakuran ihindagar kua mbawanatsam kpaa. Se gba kenden iyou i Aôndo wase nahan ga.+