Wa Agoyol Hegen sha Twer u Abur Abur

Er nan i doo u se wa iyolo? Sha ci u angev mbu a fatyô u kôron se kpoo. Sha nahan yô wa agoyol hegen tsembelee sha er kwagh a va lu nahan kpa, a er u twer u injaa yô. U er nahan yô, u tese wer uma man tindi u Yehova sha kwagh u awambe la gba u kwagh.—Aer 15:28, 29.

U wa agoyol nena?

• Er msen hen Yehova man wa uwegh shin kaade u durable power of attorney (DPA)a la. Mbapasenkwagh mba ve er batisema vea fatyô u ngohol kaade ne man kaade u shiada u mbayev la hen orshiren tiônnongo u nengen sha ityakerada la

• Aluer u ngu yav yô, ôr mbatamen ve na u kôpi u Information for Expectant Mothers (S-401) la. Ngeren ne una wase kwase u nan lu iyav yô u tsuan twer u injaa u a er nan shighe u nan lu iyav shin shighe u i gbe u nana mar ve mbamzeyol ve lu yô

• Aluer gba u a er u twer man ka u alaghga a va kaa ér a ta u awambe, shin gba u a kôr u gambe yô, ôr mbatamen faa shi ôr mbaiyouci wer gba u Orshiada u Yehova nana va nenge a we

Mbatamen vea wase nena? Vea tese u er u wa uwegh shin kaade u DPA la yô. Nahan cii kpa, mbatamen vea tsua ma twer sha ci wou shin vea ôr mnenge ve sha ma kwagh u i gbe u hanma or nana tsua iyol i nan la ga. (Ro 14:12; Ga 6:5) Aluer u ôr mbatamen wer ka eren we twer u alaghga a va kaa ér a ta u awambe yô, vea ôr Kômatii u Wasen sha Kwagh u Iyouci la fese sha ci wou.

Kômatii u Wasen sha Kwagh u Iyouci la una fatyô u wasen nena? I tsaase anmgbianev mba ken kômatii u HLC la ér ve wasen mbatwerev kua mbaajiriv u kaven er i hii ve se te awambe ga yô. Vea lam a ortwer wou sha igbenda i nana fatyô u eren we twer a awambe shio yô. Aluer u soo yô, vea wase u u keren ortwer u nana lumun u eren we twer a awambe shio je kpaa.

NENGE VIDIO I ER SE TSUA TWERSÔRON U Ú WE KWAGH U AWAMBE KER YÔ LA, MAA NA MLUMUN SHA MPIN U A DONDO NE:

• Ka nyi u hen ken vidio ne i ia wase u u wan agoyol sha twer u abur abur u alaghga a kaa ér a ta u awambe laa?

  Mlumun wou