Маркус

16 Сабат гүни* геченден соң, магдалалы Меръем, Якубың эҗеси Меръем ве Саломи Исаның җеседине чалмак үчин якымлы ыслы яглары сатын алдылар. 2 Олар хепдәниң биринҗи гүни* даң билен, яңы Гүн доганда мазара гелдилер. 3 Олар бири-бирине: «Мазарың агзындакы дашы бизе ким айрып береркә?» дийишйәрдилер. 4 Олар геленлеринде, дашың эййәм айрыландыгыны гөрдүлер. Даш болса өрән улуды. 5 Мазарың ичине гиренлеринде, олар саг тарапда отуран узын ак донлы бир яш йигиди гөрүп, гаты горкдулар. 6 Ол аяллара шейле дийди: «Горкмаң! Мен сизиң пүрсе чүйленен назаретли Исаны гөзлейәндигиңизи билйәрин. Ол дирелди. Ол бу ерде дәл. Ине онуң ятан ери. 7 Гидиң-де, шәгиртлерине ве Петруса: „Ол сизден өң Җелилә барар. Онуң айдышы ялы, сиз оны шол ерде гөрерсиңиз“ дийиң». 8 Аяллар мазардан чыкып, гачып гитдилер. Себәби олар хайран галып, гаты горкдулар. Олар горкудан яңа хич киме хич зат айтмадылар*.